بعد شهر من زواجي زوجي تغير علي 1000 درجه

السلام عليكم
شلونكم بنات
بقولكم قصتي .. انا كنت منفصله
واتقدم لي رجال ماحلمت فيه طول عمري
اوصافه كامله .. ولا كامل الا وجهه سبحانه وتعالى
وتم النصيب واتزوجت للمره الثانيه
وبداية الزواج حسيت نفسي احلم
كنت في غاية السعاده وقلت الحمد لله ربي عوضني
وزوجي كان يحبني حب مابعده حب
وكنت في كل وقت اجيب طاريه فقط بين اهلي
وهو نفس الشي
المهم .. هو من النوع الي مايحب يقعد بالبيت
بس عشان كان يحبني ماكان يفارقني الكل استغرب انه قعد بالبيت ..
لمدة اسبوعين
وبعد الاسبوعين بدأ يطلع وصار طبيعي
خلص الشهر


واتغير علي 1000 درجه ..
من ذاك الشهر خلصت سنه وشهرين
ويوميا اتصير بينا مشكله
جاته فتره صار ينفر مني
يوميا يتكلم بالطلاق
يسب اهلي ويسبني ويلعني
يختلق المشاكل
يبي علي الزله والشاره
صااااار يكرهني بس مو راضي يعترف
حركاته كلها حركات حقد وكراهيه
مادري شنو صار فيه
تعبت منه تعبت مايخليني انام الا وانا ابجي
وانا بعد اول شهر
كنت وايد اتمرض
يعني حاشتني التهابات
والحين كل مالها تتطور الامور
احس حياتي تدمرت
انا ماابي انفصل للمره الثانيه بس احس صحتي وحياتي قاعده تنهار
انا احبه بس مادري ليش كرهني
يختلق لي عيوب ظلمني ظلم
دايما يطردني
ودايما يطلع نفسه مظلوم
مو عارفه شسوي
وقال لي انا جابر نفسي فيج
وهو على فكره بعد كان منفصل وتزوجني
هو رفض طليقته وانا رفضت طليقي وبعدين تزوجنا
لكن مادري شنو اسوي
انفصل مره ثانيه ولا شنو
هذا مو انسان .. ماله حل
واذا عشت معاه بعيش بمذله
شورو علي تكفون