بعد صدمتني الثانية قررت واحتاج مشورتكم

يسعد اوقاتكم بكل سعادة ورضا
اللي تعرف موضوعي تطلقت للمرة الثانية
بعد طلاقي الاول ظليت عشر سنوات واكثر وتزوجت
وللاسف كان صدمة بكل كذب وظلم وهضم لحقوقي واولها البيت
انا جميلة عمري 38 امشي في 39
وبصراحة خطابي قبل زواجي الثاني مو مناسبين ولا كثيرين واغلبهم معددين
اللي تطلقت منه الان وافقت لان كان عنده اسباب للتعدد وزوجته شكلها بايعته
والان بعد طلاقي الثاني قررت اظل سنة كاملة من دون تفكير بالزواج نهائي وارتاح نفسيا مع حالي..
وبتقولون دام خطابك قليل لو جاك مناسب وافقي
انا اعرف ماراح يخطبني مناسب لان مجتمعي مافيه احد مناسب
وانا قدامهم لعشر سنوات ماحد
دق بابي واللي خطبني من بعيييد جدا
قلت هالسنة اشتغل ع حالي عندي موهبة رسم وتصميم اطور حالي فيها وادرس
وباخذ كورس انقلش
واحتمال اكمل دراستي الجامعية مع انه متاخر جدا
لكن افضل لما يوصل عمري 42 عندي بكالوريوس افضل من الثانوي
وانزل وزني عندي زيادة 25 كيلو
واحاول اتوظف مع اني ابحث لكن للان مالقيت اسأل الله يرزقني واياكم
ممكن تقولون ليش باقي تفكري بالزواج
انا اعشق الاطفال ماعندي الا بنت
اتمنى اجيب لو طفل
واذا مرت سنة باشوف لخطابة موثوقه من دون مقابل او وسيط
مغ الدعاء وبذل الاسباب
ربي ماراح يخيبني وراح يرزقني
رأيكم اخواتي بكل ماكتبت