بعد طفلي ...أحتاج راحة قولوا لي كيف؟؟

السلام عليكم ورحمة الله وبركاته
حبيباتي عندي طفل عمره اربع شهور ونص طبعا تعبت في حمله والله يعلم مقدار التعب النفسي الي تعبته لان عندي قبله ثلاث اجهاضات وولادة مبكرة ربط وعدم حركة وتعب نفسي رهييب
والحمدد لله رب العالمين انتهت المعاناة برؤيتي لاجمل عيون في الكون
طبعا حبيبي مدلع نفسه وعصبي من اول ما ولدته ما ينام كويس يقوم كل نص ساعة والله في النفاس تعبب كل نص ساعة أقوم معه ويجلس يبكي من غير سبب الا مغص واستمر كذا ما يسكت الا اذا كان معه الرضعة او نايم مستحيل يفتح عيونه وهو ساكت
ما ارتحت في نفاسي ابد طلعت من النفاس تحسن الوضع قليل الحمد لله بس برضه ما ارتحت طول الوقت معاه مغص وبكاء ما اقدر اصلح شي ولا ابدا شي اذا سمعت صوته احس الله يكرمكم اني بستفرغ من كثر التوتر
كمل 3شهور والحمد لله هدا وصار يستغرق في النوم الى 4 ساعات وحمدت الله وفرحت كثير صرت احس بطعم النوم شوي
ومن اسبوعين رجع يبكي زي اول او اقل بشوي بس خلاص معدتي تعورني والله فيني مغص الله يعلم به
يدي انفكت منه الله يصلحه ..احبه بس مررة هلكني نفسيتي تعبانة ابي ارتاح بس ما ادري شلون
ما عاد ننام انا وزوجي مع بعض ينوم وانا انوم بعده بساعات ..!!
فيني دموع وتعب الله يعلم به ما ادري وين اروح ؟؟ ودي احد يمسكه عني ساعات ..!
اذا رحت لاهلي يتسلط بكا وصياح يطفشون خواتي منه غير انهم لاهين في دراستهم واذا فبيتي اخف بكثيير ..!

علموني طريقة ارتاح فيها..!!