بعد طلاقي انا لم اعد كما كنت اخاف اوصل لاذيه نفسي 💔

كيف حالكم يابنات
اتمنى تنصحوني بعد طلاقي تغيرت كثير دخلت بامراض نفسيه واتعافى شهر وارجع اصاب بنفس الحاله
الكل كان معجب بشخصيتي وعفويتي وبروحي المرحه ولكني لم اعد كما كنت بعد طلاقي
دخولي بهذي الحاله كان بسبب الاشهر اللي عانيت منها وهي قبل الطلاق بـ شهور كنت متعلقه ولكن الطلاق نفسه ابدا ماتعبت منه على العكس كنت انتظر هذاك اليوم اللي اشوف نفسي ماني بذمه هذاك الشخص عديم الانسانيه
تتمثل حالتي النفسيه صرت اشوف اشياء مايشوفونها اللي حولي ورحت لعيادات الطب النفسي وقالوا معك نسبه خفيفه من الفصام واخذت ادويه والحمدلله تركتها بشكل تدريجي وراحت عني الحاله ورجعت طبيعيه
جتني حاله اخرى ومستمره الى هذا اليوم وهي مايمر اسبوع الا انا ازور الطبيب واتعبتني الاشعه السونيه والتلفزونيه والتحاليل المخبريه كثير اعملها وجميع النتائج سليمه والاطباء اذ جت النتايج وطلع قالون او حاجه خفيفه اقعد نص ساعه احلفهم بالله هذا شي خطير او لا ؟ حتى مره دكتور العظام قالي ماراح اصرف لك علاج لانك ماتحتاجينه قلت اذ ماعطتيني علاج راح اشتكي عليك وعصبت كان اخوي موجود وتكلم معه وطلعنا
بداخلي يقول ترى فيك شي مع اني ماشالله ماشكو من شي يعني وزني كويس ولاعندي صداع حتى التهاب يجي اسبوع ويروح بس احساس داخلي يقول اكشفي ترى فيك اعراض اورام
ومشكلتي بعد ليتها تقتصر على نفسي ، لا انا اذ جت وحده تشتكي من اي شي لو الدوره الله يكرمكم اقول بداخل نفسي مسكينه شكله ورم اللي فيها مع انها بس تقول الدوره تعورني
مدري وش اللي وصلني الى هذا الحال اخاف يوصل الى الانتحار لاني احيانا ابكي بدون سبب واعصب على اتفه الامور وهالشي مو دايما بس يحصد معاي
برايكم وش الشي اللي راح ينفع معي ابي اقتنع
اتمنى ماتمر وحده على موضوعي الا تعطيني حل ولها اقسم بالله دعوه بظهر الغيب ان يكفيها الله شر الامراض النفسيه والعضويه ويبعد عنها المشاكل ويمتعها بالصحه والعافيه