بعد طول الصبر .. تطلقت

الله يآجرني في مصيبتي ويخلف لي خيرا منها


بعد تعليق سنة كاملة وزواج كله مشاكل وقلة حياء من رجال خسيس ونذل تزوجني لتحريك المياه الراكدة بينه وبين زوجته وبعد ما كال لي الظلم أشكال وألوان هو وياها استجاب لرغبتها وطلقني رغم إني تمسكت بشدة رحمة بطفلتي وخوفا عليها من الشتات وبهذلة مرة الأبو إذا راحت لهم زيارة
تنازلت كثير وضغطت على نفسي كثير وأهدرت كرامتي بالمحافظة على كيان الأب والأم كله عشان مصلحة بنتي مع إني أعرف إني مطلقة عاطفيا ولا بألقى مع هالزوج المودة والسكن والرحمة وفي الأخير راح وطلقني عشان ما أرجع بيتي وتزعل زوجته وضحى بالطفلة عشانها
أنا والله مو زعلانة عليه لكن مقهورة كيف استرخص حياتي كذا
عشان زعل ع زوجته وحب يقهرها دخلني حياته ولما شافها ما استحملت ضحى فيني على طول
والله حرفيا ما شفت يوم حلو ولا تهنيت ومن أولها ضرب وإهانات وطرد من البيت وكله عشان ترضى
وكان وده يمنع الحمل لكن إرادة الله نفذت غصب عنه وحملت ومن ولدت والله ما زارنا ولا مرة يشوف الطفلة وأصلا كذا مرة يقول ما أبيها وأكرهها
حسبي الله ونعم الوكيل فيه الله ينتقم لي منه وياخذ حقي ويجبر خاطري
والله الدنيا تدور فيني ومن عرفت إنه طلق وأنا في ذهول ولا قادرة أبكي
مقهورة انه أخذني مطلقة حلمي تكوين أسرة خاصة إن عمري مو صغير
وطلقني وحملني مسؤولية طفلة وهو بيعيش حياته الله لا يهنيه
ويهدد بعد لو فكرت أتزوج ياخذ البنت
حسبي الله ونعم الوكيل
حسبي الله ونعم الوكيل