شحالكم خواتي ان شاء الله بخير
بعد طول غياب رديت لكم بهذا العمل واتمنى انه يعجبكم
واسمحولي على التقصير
والله مشتاقة لكم وابا ارد عليكم واكتب
بس اسباب كثيرة كانت ورا توقفي
كنت حامل وولدت الحمدلله وبنتي احين عمرها سبع شهور
والعيال ومدارسهم
والتحبيط الاكبر
الصور اللي حملناها على عالم حواء وراحت للاسف والله هالامر مرة حبطني
اتمنى يراجعون الامر ويردون مركز التحميل
والمواقع الثانية كل شوي وتسكر وتروح الصور
المهم ادريكم داخلين تبون تشوفون الشغل وانا حشرتكم بسالفتي
نبدأ بالموضوع
المواد المطلوبة
1 علبة شماغ فاضية
2 قطع تور واركنزا وستان
3 ورود وشرايط كلها من نفس اللون
4 مسدس شمع ومقص
5 خرز وكرستالات
6 قطع الخاصة بالارضية نسيت اسمها
او جلد
7 قلم ذهبي واقلام سيدي للكتابة على الجلد
الطريقة للعلبة :
1 نغلف العلبة اول شي بقطعة الستان للبطانة
وبعدين فوقها الأوركنزا
2 نسوي شريطة كبيرة من الدانتيل ونلصق عليها بعض الازهار والشرايط
والخرز
خذيت القطعة الكبيرة وقصيت منها مربعات صغار
وبعدين الاطراف قصصتها على شكل ورق قديم وحددته بالذهبي
وسويت تعليقة بشريطة مرة رفيعة من فوق
وتحت حطيت ثلاث قطع كرستال
وبعدين كتبت عليهم ادعية
هذا العمل تقريبا يشابه العمل الاول
بس على اكبر
واحد بمناسبة اليوم الوطني لدولة الامارات
والثاني
قصيدة رثاء في ذكرى وفاة زايد الله يرحمه
كتبتها على الوورد وطبعتها على ورق بلون بني وقصيتها ولصقتها
بس ماصورت نهاية العمل
اتمنى العمل يعجبكم