السلام عليكم ورحمة الله وبركاته
أخواتي بنات حواء بصراحه مالقيت احد اتكلم معه واشكي له همي غيركم
ويمكن انتم تكونون لي الانيس في هالوحده اللي حاسه فيها
قبل مااقول لكم مشكلتي بأعطيكم موجز بسيط عن حياتي سابقا او بالاصح قبل ثلاث شهور تقريبا
انا متزوجه من 12 سنه وعندي اربع اطفال وعايشين انا وزوجي مرتاحين ومبسوطين وهو يحبني ويلبي لي كل طلباتي بدون مبالغه ماكان عندنا مشكله الا كثر غيابه عننا بحكم شغله وماكانت مشكله كبيره مره كنت امشيها علشان ماانكد علينا حياتنا
ولكن قبل ثلاث شهور لاحظت تغيير كبير جداااا من زوجي وللافضل طبعا بس بطريقه مبالغ فيها لدرجة انه سمح لي اسوي اشياء كثيره كان رافضها واولها اني اسوي ايميل واسجل بعالم حواء
بصرااحه انا ماارتحت للتغيير دورت من وراه واكتشفت
الخيانه
اكتشفت انه متعرف له على وحده لكن ماعرف اي تفاصيل ثانيه
بس لما واجهته اعترف على طول بدون تردد وبين لي انه يحبني ومستحيل يفرط فيني علشان الشي هذا وانه كان نزوه والبنت هي الي ابتدت معه بالعلاقه لدرجة انه لما انهى العلاقه معا قال لي كلميها وقولي لها لا عاد تتصل علي وفعلا ماعاد دقت
رجعنا ثانيه حلوين مثل اول ورجعت الثقه بيننا
بعد فتره بسيطه رجعت اشك واهوجس ان فيه شي يصير ولاحظت ان الجوال حقه دايم مغلق في البيت وتجيه اتالات مايرد عليها
انا هنا اشتغلت شغلي وهو طبعا مايدري اني اعرف الرقم السري لجواله فتحت الجوال ومن اول نظره طاحت عيني على رقم مسجل من غير اسم رحت دقيت عليه لقيته لبنوته صوتها صغير رحت وواجهته لكن المره هاذي كانت صدمه بالنسبه لي
تخيلو قام يصرخ علي قال لي انتي بس تدورين المشاكل انا مااكلم ولا عاد تمسكين جوالي وترى انتي جنيتي على نفسك
وهددني لو اتصلت على الرقم ماراح يسكت
سكت ومشيت الموضوع طبعا انا زعلانه بس كنت البي رغباته وماقصرت عليه بشي علشان ارضي ضميري بعدين بدا يلين ورجع يكلمني عادي وقال لي انا مابيني وبينها شي انسي الموضوع انا كلمتها وقلت لها لا عاد تدقين وانا اصلا بيني وبينها موضوع خاص باخوانها اللي بالسجن وبعدين انا ماابغاك تسافرين وانتي زعلانه
بس انا ماارتحت بصراحه جبت القرآن وقلت له احلف ان مابينكم شي خاص وانك تركتها لكنه للاسف رفض وقال والله مابيني وبينها شي بس انا قلت له رفضك للحلف على القرآن معناته انك تكذب قال الايام تثبت لك
بعد يوم واحد طلب مني اصحيه العصر بدري لانه بيروح مشوار ضروري وصحيته وقام تسبح وتعطر عاد انا رحت اشيك على الجوال وتخيلوا وش اللي لقيت
صددددددمه
لقيت رساله منها وسخه ماقدر اقولها بس معناها انه بينهم موعد وهي كاتبه وش الي بيحصل بينهم انا هنا انجنيت ماعرفت وش اسوي سكت وصبرت لين طلع وارسلت له رساله قلت له فيها اني شفت الرساله ومادري كيف بعدها بتجي تواجهني
تخيلو من بعدها مارجع الا الساعه 11 بالليل وكان يتهرب مني ولا صار بيني وبينه كلام من ذاك اليوم صمت غريب مايكلمني بس يلبي رغباتي ويجيب لي اي شي يعرف اني احبه ولنا الحين اربع ايام مانتكلم وانا بسافر بعد اربع ايام
ومحتاره كثير من صمته مادري وش ناوي عليه
احيانا اقول يمكن يبيني اروح بعدين بيطلقني واحيانا اقول يمكن متزوج ومايبي يعلن لحد مااروح مع العلم ان احنا ساكنين مع اهله وامه ولو تدري امه ان فيه شي ماراح تخليني اروح لانها متعلقه فيني انا واولادي وكلهم يحبوني
بصراحه محتااااااااره مره مادري وش اسوي هذا غير النفسيه اللي تعبانه مررررره وكل ليله مانام الا بعد صياح ونياح ماعاد فيني احتمال ابغا اروح لاهلي وخلاص ماراح ارجع له
ابي نصيحتكم نخيتكم وادري اني طولت عليكم بس حبيت اطلع اللي بخاطري
وجزاكم الله الف خير مقدما لا تنسوني من دعائكم بأن الله يزيح عني هالغم والهم
..مليت الوفا.. @mlyt_alofa
محررة فضية
يلزم عليك تسجيل الدخول أولًا لكتابة تعليق.
+انا+
•
الله يهديه يارب ويصلحه
حاولي انك تخوفينه انك راح تخونيه مثل مايخونك
واذا شفتيه مااهتم للموضوع سوي حركات غربيه خلي جوالك مقفل اذا دخل او خفيه طبعا انتي واثقه من نفسك مافيك شي
بس راح يوسوس فيك شوي ويحاول ينشغل باله فيك ويهتم فيك
شوفي وش مقصره فيه انتي بحقه اخاف لاقي شي في غيرك وانتي مااعطيتيه صارحيه بالشي هذا
اذا طلبك الشي الناقصه اعطيه
اذا ماعنده طلب هدديه انك تخونيه مثل مايخونك
حاولي انك تخوفينه انك راح تخونيه مثل مايخونك
واذا شفتيه مااهتم للموضوع سوي حركات غربيه خلي جوالك مقفل اذا دخل او خفيه طبعا انتي واثقه من نفسك مافيك شي
بس راح يوسوس فيك شوي ويحاول ينشغل باله فيك ويهتم فيك
شوفي وش مقصره فيه انتي بحقه اخاف لاقي شي في غيرك وانتي مااعطيتيه صارحيه بالشي هذا
اذا طلبك الشي الناقصه اعطيه
اذا ماعنده طلب هدديه انك تخونيه مثل مايخونك
الله يهديه ويسخره بصراحه مدري وش اقول لك
لكن احذري من انك تحسسينه بالخيانه مثل كلام الاخت اللي فوقي لاتهزين ثقته فيك
لكن احذري من انك تحسسينه بالخيانه مثل كلام الاخت اللي فوقي لاتهزين ثقته فيك
الله يهديــه يااارب .. ويسخــره لدنيه .. ثم يسخــره لك ,.,
الله يجمع ماابينكم ياارب ..
الله يجمع ماابينكم ياارب ..
الصفحة الأخيرة
مادري ايش سالفت الرجال وصارو البنات احقر منهم انا اتكلم عن الي تعرف انه متزوج وتساعده بالغلط والا الباقي الله يهديهم ياما راح نشوف هالأيام