حسبي الله ونعم الوكيل حبيبتي اذا راتبك يكفيك انتي وعيالك اتركيه ان شاء الله ربي يعوضك وان شاء الله يعوضك بعيالك

وبس
تخلينه لها ؟؟
مهما كااان انت تفهمينه اكثر منها
لا تقولين ما افهمه اجلسي مع نفسك شوووفي عيوبك
اذا انت محتاجه عمليه تجميليه سويها
واذا محتاجه رجيم سويه واطلبي
ولا تعطينه فلوووس ابدا اذا انت موظفه وخليه يصرف على عياله بمصرووف شهري ولك
وحددي معاه سفره لك وللعيال سنويا لا تتغير مهما صار
وصيري طالبي بحقوقك اما بلسانك او بلسان عيالك
تخلينهم يتصلون عليه ويطلبون منه اي شي يبغونه
يعني يخلف وينسى !! لازم يحس بالمسئوليه
وطالبيه بالمساااوه معها باي شي يعيطها اياه
ترا بتتعبين وبالذات انك كنت بمرحله تنازل
وهو متعود على طبعك الاول
لكن انت تغيري وصيري مصره على طلباتك
خلاص انتهى وقت الجمع مادام قدر على بيت ثاني لازم يقوم بطلباتكم
وترا الموضوع بيكون صعب وبيكون مناقشات كبيره لكن خليك هاديه وتعالي له بالحسنى
واطلبي واطلبي من غير ما تقولين لانك متزوج والا اي شي ممكن يكبر قلبه عليك ويعاندك
تعالي له باسلوب الانثى القويه الضعيفه
تعالي له بدون هدر كرامه وفي نفس الوقت بدون تسفيه به او بمقداره عندكم
قولي ماراح احللك دنيا ولا اخره لو تشتري لها عطر ولا تعطيني سعره
تراي زوجتك مثلها الا انا الاساس وانا ام العيال
وتراني موب بس وقت متعه
ماتوقعت عقليتك كذا يابو فلاان وانك انسان تبيع عشان شهوه
خلي كلامك موزون وقوي وخليه يجي عن طريق نخوة الرجال وعزتهم
ولاتقولين له بسوي وبسوي
لااا
روحي للعياده وقولي عندي موعد
وغيري بنفسك لنفسك
اذا دخل البيت خليك تمام كاشخه لكن باناقه عشان العيال
والعطور وغيره
زيني جسمك وشديه
استخدمي اشياء للنضاره
وطنشيه
خليه هو اللي يدورك ويطلب رضااك
هو اللحين طااافر بالجديده
شهر شهرين ويرجع يبغى قهوتك ويبغى جلستك
خليه اذا دخل عليكم وانت وعيالك على الشاهي وسوالف يشتاق لكم ويتمنى الجلسه معكم
وكثري استغفار وصدقه
وكل متا حسيتي بالغيره اطلعي ولا تجلسين بالبيت
روحي لنادي والا حلقة قران
والا اجلسي اقري قراان وحاولي تحفظينه
وقلل معاي سوالف خليه يدور اخبارك
خليك غااامضه معاه
وخليه هو اللي يدورك
وغيري نفسك لنفسك
جا اليوم اللي تعيشين بدال هالسنوات اللي راحت عليه
وهو مايستاهل
وليه تروحين لاهلك ؟
الا اجلسي وخليه يصرف عليك حتى المتقاعدين في الدوله لهم راتب تقاعد
لكن الفرق انك انت مستحقته لانك ربيتي عياله ولا قصرتي معاه
وثقفي نفسك
وادخلي منتديات
ودلعي نفسك على الاخر
ولا تتركينه لها بارد مبرد انتبهي موب عشانك الا بعد عشان عيالك
حقهم عليك انك تكونين موجوده ولا تخلينه ينساااهم ويروح للثانيه
والله يفرج عنك

8
8
كلام سليم

لا اله الا الله وحدة لاشريك له له الملك وله الحمد وهو على كل شئ قدير

الي يده بالماء مومثل الي يده بالنا ر ومهما قلت لن احس بما تحسيه ولكن !!!

اختاه احتسبي واصبري ولا تطلبي الطلاق وليكن على الهامش وحولي طاقتك لاولادك انصرفي عنه وعن التفكير لعل فيه خير لك الجئي لرب الأنام لمن عينه لا تنام



اسأل الله ان يرده ردا جميلا وان يصلح لك نيتك وذريتك ويرزقك برهم ونفعهم

احب اقولك شي مهما كان مصيره بيرجعلك لان الاولى شعره القلب وهي فرحه الاولي مستحيل ينساك وراتبك لاتعطينه لاوقرش وخذي منه بعد لو انتي مو محتاجه