المبتدأ والخبر
•
شكرررررررررررآآآآ لجميع الأخوات اللاتي اطلعن على موضوعي ورددن بالنسبه للمتعب في الولاده الطلق حسيت فيه من يوم الثلاثاء العصر وكان خفيف يجي ويروح المهم فجر الأربعاء على الساعة 3 تقريبآ بدأ يشتد وقال زوجي أوديك قلت لا نم إذا تعبت صحيتك المهم من الساعة 5 إلى 7 الصباح كان قوي وأنا اصحي زوجي وعلى الطوارىء المهم كشفت وقالت مفتوح 2 سم ونومتني عندهم لحد مابدأ الدوام وجاء الأستشاري والأخصائيين وسؤال و جواب طبعآ أنا ولادتي اللي قبل كانت عمليه وقال لي مادام معك طلق طبيعي حلو ماراح نعطيك صناعي على أساس العمليه وقال إذا توقف الطلق بنطلعك ولا تجين إلا إذا اشتد الألم أو نزلت معك مويه وبعدين كتب لي خروج الساعة 12 الظهر والألم يروح ويجي وكلمت زوجي ورفض يرجعني للبيت يقول تولدين عندي وش اسوي فيك لحد الساعة 4 ونص العصر هداه ربي وجاء طلعني ووداني عند أختي جزاها الله خير كانت تقرأ علي وتعطيني مويه مقري فيها ورطب مع أني عجزت أكل معي غثيان مستمر من الظهرالمهم الساعة 6 اشتد الألم لحد الساعة 9 ورحت لمستوصف خاص وكشفت قالت مفتوح 7 سم وبصراحه قبل ولت طبيعي لكن كان الطلق أهدأ من كذا فرق هذا نار من لفجر لحد ماولدت وبعدين حاولت امشي لمدة ساعة وأناابكي وادعي وإذاجت الطلقه القويه وقفت وتمسكت بأختي وكسرت أصابعها من الضغط عليها المهم رحت لطوارىء مره ثانيه على الساعة 11 بالليل وكنتخلاص منتهيه وعلى بال الإجرأت نقلوني بالسرير لغرفة الولادة وعطوني حقنه لكن الله يهديهم مافكوا موية البيبي إلا وأنا على سرير الولادة وأنا ادفع وادفع وادفع ومافيني حيل لأني شبه صايمه لأني خايفه تكون عمليه والممرضه من تحت توسع بكل مامعهاحامت كبدي وتشجعني لكني بعد 8 محاولات من الدفع تقريبآآ طلع عساف على الدنيا وكان وزنه كبير بسم الله عليه ماشاء اللهالساعة 12 إلا ربع وبعدها البلاوي الباقيه وماطلعوني إلا بعد اربع ساعات عجزت اجلس من الدوخه والحمد لله رب العالمين
الصفحة الأخيرة