بعد غيبه طويلة وانشغالي اشتقت لكم بنات

السلام عليكم ورحمة الله كيفكم حبايب ومبارك عليكم الشهر الفضيل مقدما الله يجعلنا من صوامه وقوامه يارب العالمين
بنات ابي فزعتكم الله يخليكم خصوصاً الأمهات اختي عندها ولد عمره ٤ شهور ولا اله الا الله بكاء ويتألم ويتوجع بشكل مو طبيعي حتى نومه ما يرتاح فيه كيف اشرح لكم تخيلوا شفتوا لما الواحد يكون معاه إمساك الله يكرمكم ويتزحر ويتعصر والله شكله بنات يقطع القلب ماخلينا شي ما جربناه له وعرضناه على اكثر من دكتور كلهم نفس الشيء غازات ومغص لكن بيدها الشهر الخامس والمسكين مافيه اي بوادر تحسن واختي ترضعه رضاعه طبيعيه وبعد كل رضعه تكرعه وسوت له زيوت ومساجات وأعشاب وعلاجات كل شي يخطر على بالكم جربته والله اني حزينه على وضعها لا تأكل ولا تشرب ودائم موسوسه بالله بنات عطوني تجاربكم من فيكم صار لها كذا مع اولادها أو اولاد اخوانها أو اخواتها وهل شي طبيعي ومتى يروح الوجع هذا متى ينتهي لانه بجد معذب أمه ومعذبنا معاه الله يشفيه.