مثلكم خابر دخلت التاسع وانتصفت وماولدت يارب تهونها علي
وامس كان عندي موعد ويوم جيت اطلع من مستشفى الحبيب قلت خليني افر على هالمستشفيات
اللي هي
الحبيب ..دلة ... البريطاني
واشوف اسعارهم وغرفهم ومن يولدني وهكذذا
لاتطيرون في العجة وتقولون هذا مهب انتي سارقه هالموضوع ترى انا فاقه خشتها في منتدى ثاني واللي بيطول لسانه علي بفق خشتي عليه واستهدوا بالله وخلونا خوات وش حليلنا
ـــــــــــــــــــــــــــــــــــــــــــــــــــــــــــــــــــــــــــــــــــــــــ
نروح لمستشفى السعودي البريطاني
هذا سلمكم الله اول مادخلناه قالت بنتي يمه بنتغدا في المطعم خخخخخخخخخ تحسبهه مطعم يوم رفعت راسها وشافت صور فوق راسها قالت يمه بنروح نلعب في الملاهي فوق الا عاد انا دوريني جمبي ناس ويضحكون
IMG_0894
IMG_0908
قلت لحقت الاستقبال يامره ابي اشوف غرفكم قالت ارقي فوق وتفرجي على الغرف
ودخلت الغرفة الخاصة بس ماش ماعجبتني مدري ليه ماحبيتها
IMG_0896
وهذا الجناح الاميري بس ماشفته
IMG_0900
وهذا الجناح الملكي ماشفته <<<<<< اجل وش شفتي
IMG_0901
وهذ الجناح الامبراطوري ......... خوقاق شي شي شي يوم دخلناه قابلتنا غرفة وش كبرها كبر غرفتي اللي في بيتي 3 مرات هع ثم الغرفة اللي تنسدح فيها الوالدة والله ياهي شي يوم شافها شايبي قال قسم بالله لو تولدين فيه ان يطقونس الناس بعين <<<<< ماتعود على النعمة ... ولد فقر
والاسياب شي شي كل شي يبرق فيها
وهذي وصيفه تجي تقهويكم والمعاميل موجودة على طول في الغرفة
IMG_0905
ويقولون يسوون مساج وفيه كوافيرة ؟؟
مغير تهلي وترحب بضيوفك صبح ومساء
يعني حتى لو متي بتقوم بعزاك لاتشيلين هم
طبعا انا قلت لو متي هع لان يقولون مستشفاهم فندقة اما من ناحية الطبية مو مره يعني لو جاك نزيف يضضطرون ينقلونك للشميسي
لو صار لمولودك شي ماهنا طبيب اطفال والعهدة على الراوي وبراي لله
في الوصيفة هذي يوم كانت ترحب فيس يمكن تقلب وتصير تستقبل عزاس ياوجهه الله يانااااااااااه
IMG_0909
IMG_0912
وخلصنا الحين من ::::::::
IMG_0908
\
وشفت غرفهم وهي واسعه بس ماحسيت انها ملمومة مدري ماحبيتها وكنت ناوية اولد فيه ومقرره
لكن بعدحوسة الدكاترة واغلبهم ماخذين اجازة صار فيه دكاترة رجاله في المناوبة يعني لو جتني ولادة ممكن يولدني ولان الفيس حقي جميل مابغيت يطل فيه وهجيت وحطيت رجلي
قالوا بيكون معك اخصائية مناوبة ممكن تولدك لكن ماش ماوثقت بهم انا وش يضمن لي مايطب علي هالعثمان الدكتور ويحلف يولدني
وهذا البكج حقهم واسعارهم
وهنا كم صورة للي شوفها شجر هع
IMG_0913
IMG_0914
ـــــــــــــــــــــــــــــــــــــــــــــــــــ
نجي الحين لدله
ياحليلهم مردي لهم كل ولايدي فيها
هذا البكج حقهم
IMG_0886
IMG_0889
وغرفهم صغيرة وملمومة بس مدري حسيت بتكه يوم دخلتها
الزين فيها على قول ابونا فيها كنبه طويله يبي يتسدح فيها يالبيه يحلل قريشاته
هع
الحين خلصنا وان شالله يعجبكم بس الموضوع
وادعوا لي هاليومين اولد