بسم الله الرحمن الرحيم
السلام عليكم ورحمة الله وبركاته
كيفكم يالغاليات بعد الأختبارات أن شاء الله مستانسين الإجاااازة
هذا أول موضوع لي وأن شاء الله الكل يستفيد منه
كلنا نعرف فضل الأذكار والتحصين ومع كذا سبحان الله مانقولها أو نتعيجز عنها استغفر الله مع أنها ماتاخذ منا وقت طويل بالعكس ممكن وأنت جالس أو تمشي لأنها باللسان وماهي محتاجه جهد بس مانقول الأ الله المستعان
قصتي يابنات للعضه والعبرة لاتفرطون بالأذكار حتى لو عليك الدورة
أنا ساكنه ببيت دور أرضي واحد وخلف بيتي حوش كبير كله تراب غير وجيهكن وحطيت فيه شبك دجاج عشان أتسلى فيه المهم زوجي كان بالدوام وعيالي ماطلعو لأحد العصر قلت خليني أطلعهم بالحوش يتسلون المهم كل واحد منهم أخذ ألعابه وطلع وقاموا يحفرون ويعبون من هالتراب وكنت أنا أدور وأمشي عندهم وكان الوقت قبل المغرب بساعه قلت خليني أقرأ أورادي وآية الكرسي وفعلآ قريتها مع صلاة المغرب دخلت أنا وعيالي جلسوا عيالي على التلفزيون وأنا على الاب توب وكنت جالسه قريب من باب مدخل البيت لأني مركبه لاقط ومطلعته بالحوش عشان يلقط أبراج زين مع صلاة العشاء جت بنتي عندي وتقول لي ماما خنفس ماألتفت لها ولا عبرتها وجريتها له قلت أذبحيها وهي ترفض وتبعد أبلشتني ولما ماعطيتها وجه راحت لأخوها وقالت له وجاء وشافها وقال ماما خنفس قلت شفها ولا أذبحها ولما حسيتهم صدعوا راسي قلت بشوف هالخنفس اللي أبلشتني ولما ميلت راسي عن اللاب بشوف اللي وراه وليتني ماشفت آثاريها عقرب سوداء تحت باب المدخل وأنا مدري عنها تنحت شوي وهجيت وسحبت عيالي معي وقلت بنفسي هذي حيه ولا ميته بس لو ميته كيف جت وأدق على زوجي بالدوام ويرد قلت خل واحد من أهلك يجي عندي عقرب من الربشه قال أذبحيها قلت تبيني أموت خل واحد يجي أنا ميته خوف ومن رحمة ربي أن ولد جيراني كان جاي عندي بعد المغرب وطلع وخلى باب الشارع مردود ماسكره زين جاء واحد من حمواني وذبحها الله يجزاه الجنة وأرتحت بس بقيت موسوسه بالباب بس أشوفه وأراقبه بس الحمد لله جت سليمه وعدت على خير
لما فكرت قلت عقرب بيني وبينها خطوة بس وش السبب اللي خلاها ماتقرصني وتذكرت أني قريت وردي قبل المغرب وقلت سبحان الله الوحده ماتدري وش يصادفها بالدنيا على الأقل تقول وردها وربي بيتكفل بحمايتها أن شاء الله
يالغاليات لاتفرطون بالأذكار تراها حمايه لنا من كل شي بأذن الله
أخت عزوو @akht_aazoo
محررة برونزية
يلزم عليك تسجيل الدخول أولًا لكتابة تعليق.
سبحان الله
الحمدلله على سلامتكم
اللهم اني استودعتك زوجي ونفسي وبناتي فأحفظنا بحفظكـ يامن لاتضيع ودائعكـ
مشكوره يا قلبي عالتذكير
جزاكـ الله الجنــــــه ~ ~
الحمدلله على سلامتكم
اللهم اني استودعتك زوجي ونفسي وبناتي فأحفظنا بحفظكـ يامن لاتضيع ودائعكـ
مشكوره يا قلبي عالتذكير
جزاكـ الله الجنــــــه ~ ~
الصفحة الأخيرة
والله يحفظنا ويحمينا..