بعد كل المعاناة والتعب.. يبغون ياكلون حقي ..ادعو لي

السلام عليكم ورحة الله وبركاته ..
ترددت كثير قبل ما أكتب موضوعي لأني أدري أن كل وحدة عندها مشاكلها الخاصة .. لكن حبيت أفضفض لكم واطلبكم الدعاء لي ان الله يرد لي حقي وينصفني

باختصار أنا يا بنات قدمت على وظيفة فيها اختبار ومقابلة شخصية في الجامعة وذاكرت وتعبت وسهرت وجعت وصرت الله أعلم بحالتي علشان أجتاز الإختبار وأترشح للمقابلة .. لأن ألوالد منى عينه أني أصير معيدة وحتى أمي ولا أما ما همتني الوظيفة لذاتها بس أبغى أرضي أهلي
والمشكلة اني أذاكر وانا ماني عارفة شي عن اسلوب الإمتحان كيف بيكون لأني مادرست في الجامعة .. والله يا بنات نزل وزني 6 كيلو في مدة بسيطة صرت ما آكل ولا أنام زي العالم من الهم والقلق
بعدين اختبرت وفرحت اني جاوبت لكن بعد اسبوعين بلغوني ان في اختبار ثاني مختلف تماما عن كل اللي ذاكرته وبدأت أذاكر من جديد تخصص مختلف ودخلت الإمتحان وبحمد الله وتوفيقه جاوبت وكان الإختبار زين

بتقولون طيب وين المشكلة ؟؟؟ بقولكم اني بعد الإختبارات هذي مرضت مره وقال الطبيب ان سوء الأكل سبب ضعف المناعة :( ..والله ان اهلي صرفو علي في الأسبوعين اللي راحت مبلغ مو شوية بسبب المرض ولله الحمد على كل حال
وقبل يومين اتصلت علي الجامعة تطلب كشف الدرجات يقولون الكشف اللي حطيته مع الملف لمن قدمت مو واضح وأنا متأكدة انه واضح وقلت ما عليش ممكن فيه جزء ممسوح و أنا ما انتبهت .. واليوم الثاني راح الوالد الله يعافيه ويطول عمره على الطاعة يسلمهم كشف الدرجات قاله وكيل الدراسات العليا ان الملف كله مختفي وشكلها حركة حريم وحدة سوتها عشان درجاتي عالية وهم يبغون وحدة غيري .. أبوي زعل بس ما قال لي لأن الطبيب موصي علي لا أزعل ولا أقلق

والله يا بنات لمن قالت لي أمي زعلت وضاق صدري وأحس الدمعة مي راضية تنزل ولاني قادرة أنسى الموضوع لأني انظلمت وانا مكلمتهم قبل الإمتحان وسألتهم عن فرصتي لأني مش من خريجات الجامعة ... طيب ليش ما صرفوني ولا فهموني على الطاير انهم ما يبغوني ؟؟؟
ليش يخلوني أتعب وأضحي بوقتي وصحتي وفي الآخر يدسون ملفي و يقولون ضاع ؟؟؟؟
بالله يا بنات الله لا يوريكم مكروه أدعو لي ان ربي يفرج همي وينصفني منهم ويكتب لي اللي فيه الخير وين ما كان وإبش ما كان .. ممكن تكون مشكلتي تافهة بالنسبة للبعض لكن أنا احس اني مخنوقة ولا ني قادرة أبكي أو اشتكي لأهلي , أسوي نفسي ماني قلقانة ولا زعلانة وان من دخلي براكين ....

الله يوفقكم ويرزقكم ويسهل أموركم ويفرج همومكم وهموم كل المسلمين يارب
:icon36: :icon36: :icon36: