ladyreem @ladyreem
عضوة جديدة
بعد كل عذابي قابلته صدفة فوجدت دبلة الزواج في يده
أتمني من الادارة تسيب الموضوع شوية فيه واحد كان متزوج مطلق يعني شغله قريب من شغلي الشخص ده حاول يتقرب مني بطرق كثيرة لدرجة أنه جاب تليفوني الارضي وكلمني وقعد يشكر فيا ويعبر عن اعجابه بأخلاقي وقالي ان عنده سرعايز يحكيهولي لكن أنا ثورت جدا واتضايقت وحسيت باهانة وللأسف كان بيستقزني وانا طولت معاه في الكلام بس كل كلامي توبيخ ورد علي أسلوبه ده أنا اكتشفت اني كان المفروض انهي الكلام بدون تعقيب لكن انا اتعصبت اوي وقفلت معاه حكيت كل شئ لماما قالتلي طيب مش تشوفي هو كان عايز منك ايه قبل ما تبهدليه وبصراحة حسيت اني زودتها اوي بالذات اني اكتشفت اني بحبه جدا كنت أراه ملاك نازل من السما ادب وأخلاق وتدين وحفظ للقرءان ووسامةوشباكة وثقافة وعلم يعني كامل من كله لا أتمني أحد أفضل منه فاتصدمت لما عمل كدة شوفته مرة بعدها ولمحتله انه لو عايزني يتقدم لأهلي قالي أنا اتمني بس فيه ظروف كنت عايز احكيهالك بس انتي خوفتيني منك واني احكي أي شئ وعبرلي عن احترامه ومعزته ليا وانه مسافر قريب قولتله انا حكيت كل حاجة لماماوخلي مامتك تكلمها بدل كلامك معايا لكن دايما يقولي ده انا هموت واتتقدملك بس انتي مش فاهمة حاجة وفجأةاختفي بدون تبرير او اي خطوةحسيت بغضب واهانةطب كان عايز ايه بالضبط ولقيته بيتصل باتليفون كتيرأوي بس ميردش يسمع صوتي بس وانا كنت عارفة انه هو وكنت دايما بقفل السكة في وشه من غيرمااتكلم ولمااي حد تاني يرد هو يقفل وعدي سبع شهورلحد في يوم سمع وهو برة مصر معرفش مين من زمايلي بيبلغه اخباري اني هاتخطب لقيته بيتصل رديت عليه بقرف قالي انتي ليه اتغيرتي في معاملتك قولتله انت بتتصل علينا ليه وقبل ما أكمل كلامي ماما خدت السماعة وووبخته اصدم جامد وقالتله انت عايز من بنتي ايه انا اعرف مامتك وعلي فكرة هي قالتلك خلي مامتك تكلم ماما علشان بس اعرف ايه السر اللي كنت عايز تقوله لها واعرفها ازاي تتصل علينا مش علشان جواز يعني وكمان ليه تقفل التليفون في وشنا رد عليها بمنتهي الذوق والهدوء وبرر موقفه وانه بيعزني جداسألها هي اتخطبت لمحتله انه حصل لكن انا طبعا ما تخطبتش طلب رايها فيه وانه عايزيتقدملي قالتله لأ مش هنوافق ونهو الكلام وعدها بأنو مش هيضايقنا تاني وفجأة نزل من السفر وشوفته من بعيد صدفة لكنه لم يحتك بي ابداأكيد حسيتو بالمأساة التي كنت أعيش فيها وبأنني كنت محتارة وهموت وأشوفه علشان أحس هو لسا عايزني ولا لأمكنتش ناوية أكلمه لكن كنت هحس بأي شئ وأنا قاعدة في المواصلات رأيته فجأة يركب هو وصاحبه وجاءت الصدفة بأن جلس قريبا مني شعرت بقلبي يخفق يكاد يقفز من مكانه فرحت وكأنني طفل ضائع وجد والديه كنت بحلم وبدعي ربنا ليل نهار اني أشوفه شعرت بأنني أغرق في بحر وودت لو أنظر بس اليه ولكن حياءي وحرجي من صديقه منعني هو أيضا أظن انه لم يلتفت الي كنت ناوية أكون طبيعية وابينله زي ماكتير نصحوني انني لا ألبس أي دبلة يعني مش مخطوبة وفجأة رأيت دبلة الزواج في يده فصوعقت حسيت اني هفقد الوعي مش عارفة ايه اللي حصلي لبست نظارة الشمس لأخفي دموعي حسيت انني قد أصاب بانهيار أو سكتة قلبية أنا فعلا كنت حاسة بكدة وفجأة وجهي أصبح كئيب وحزين الأمل الذي كنت أحيا به لمدة سنة ونصف ضاع أختلطت عليا المشاعر بالرغم من كل ذلك كنت سعيدةانني رأيته حسيت أنها كانت أجمل وأتعس نصف ساعة في حياتي كان بيهزر وبيضحك مع صاحبه وبيتكلم مع بعض الأشخاص الذين فتحوا موضوعا للحديث بطبيعته جدا كل شئ به عاد كما هو جئنا لدفع الاجرة طبعا كل واحد في حاله تذكرته عندما كان يصر ان يدفع لي وتذكرت كل تصرفاته الجميلة السابقة معي ولكن طبعا الوضع اتغير نظر مرة الي ولكنني كنت شاحبة وحزينة ومتجهمة جداوفجاة جاء رجل ليركب بجواري فوجئت به بيقعدالراجل مكانه وهو بيقف زي ما كان بيعمل زمان لما قالي أنه بيغير ومش بيطيق حد يقعد جنبي حسيت ان قلبي بيرقص معقول يكون لسا بيحبني ولكن ما الفائدة ده خلاص بقي متجوزولما جيت أنزل ادار وجهه بعيدا عني وروحت البيت وقدمي لا تقوي علي المشي اجلس حالا في حال ذهول وضياع أشعر ببركان من الدموع يريد أن ينفجرولكنني أتماسك أمام ماما التي لا تكف عن سؤالي شكلك غريب ايه اللي حصلك مش عارفة هو اتجوز بعد ما صديته ولاهو أصلا ماسبش مراته وكان بيدعي انه سابها لأن ماما قالتلي قبل كدة أنها حاسة انه ممكن يكون مسبش مراته يا أما هو كان عايز يتجوزك عليها أو بيتسلي بيكي تفتكروا ليه عمل فيا ده كله ليه كل اللي حصل ه تفتكرو هو كان متجوز ولا أتجوز بعد كدة
10
1K
يلزم عليك تسجيل الدخول أولًا لكتابة تعليق.
ام عسول
•
والله مافهمت شي
ladyreem
•
شكرا علي اهتمامكم بس اتمني تقرأو الموضوع كويس ونفسي تجاوبوني علي شئ هيجني ليه اتصل وطلب رأي ماما وكانت كل ماتخلص مدة المكالمة يتصل تاني ممكن يكون اتورط لما أنا فاجأته وعطيت التليفون لماما طيب فرضا كانت ماما قلتله ماشي يابني احنا موافقين تعالي كان هيعمل ايه كان هيتقدم رسمي ولا كان هيتحجج سؤالي التاني كمان الفترة اللي كلمني فيها كان قالع الدبلة وشكله مكتئب وحزين علي عكس حاله دلوقتي ماماقالتلي بيت أهله في مكان غير اللي كان بيركب منه ازاي مطلق مراته ومش عايش في بيت أهله وكمان تفتكرو لحق وهو برة أنه يخطب ويتجوز في خلال سنة ولا هو رجع لمراته ولا هو أصلا مكنش سابها أولا صعب أني أنسي زي الكل ما بينصحني أنا بحاول فعلا بشغل وقتي لدرجة كبيرة وبحاول ابعده عن دماغي بأي شكل لكن غصب عني والله انا روحت للدكتور في حالة سيئة جداااااااااا وضغطي كان عالي وجالي القولون العصبي بس هتجنن وأفهم
انا اعلمك حبيبتي بس لاتزعلين انت تعلقين نفسك بقشة وترمين نفسك ببحر لاتدرين ان يضعك والرجل في الصباح يتصلاح مع زوجته وينسى جميع نساء العالم حتى امه ويتخانق معها عصرا وينسى حبه وعياله وفي المساء يكتئب ويترك زوجته حبيبتي نحن نساء ضعيفات تسيرنا عاطفتنا ونرمي انفسنا عليهم اكثري من الاستغفار وقراءة سورة البقرة والرازق الله واكثري من قول اللهم لاتجعلنا فتنة حفظك الله اينما كنت ولاتقلقي فالله ربنا ومحمد صلى الله عليه وسلم نبينا والاسلام ديننا
BANGSAR
•
خلاص انسيه الله يعوضك اخير منه
مافيش داعي لحركات اللف والدوران اللي كان يعملها لو كان عايزك بصحيح كان جاء خطبك من الباب زي الناس المحترمه
شيليه من بالك وعيشي حياتك ربنا يوفقك
مافيش داعي لحركات اللف والدوران اللي كان يعملها لو كان عايزك بصحيح كان جاء خطبك من الباب زي الناس المحترمه
شيليه من بالك وعيشي حياتك ربنا يوفقك
الصفحة الأخيرة