بعد ماتحقق حلمي ردة فعلي غرررريبه .. 

السلام عليكم
بعد سنوات من حلمي ببيت وبعد تعب وسلفيات بنينا بيت لكن :44: للاسف بعد ماسكنا صرت اشوف السلبيات ولاني متقبلته رغم انه كبييير ويعتبر قصر مو بيت عادي وطبعا دورين وملحق ..خططنا انا وزوجي الخريطه وكنت اراعي بالدرجه الاولى زوجي كونه هو الا تعب عشان يبني فكان يبي دورين طول سنوات حياتي معاه في شقه صغيره وبيت اهلي دور واحد فمتعوده على المكان الصغير والملموم لما سكنا اكتشفت اني اصلا احب البيت الصغير او على الاقل الملموم يعني كلنا في مكان واحد ..متضايقه كثييير البيت واسع ومسافات لاسيما انه دورين اذا بغيت شي من الغرفه اتعب وانا اركب الدرج خاصه ان درجنا متععععب مع اني قايله لزوجي ينتبه انه يكون الدرج مريح لانه باستمرار بنحتاجه ..لكنه صار متعب واذا ركبت اعمل حساب ولدي صغير اخاف عليه اضطر اخذه معاي فوق وارجع انزل به وكلما بغيت شي اشوف استصعب واستثقل ركوبي
للدرج وغير هذا زحمتي مع ولدي وهو بس يشوفني بركب يصيح ويحاول يركب واخاف عليه ..واذا جلست من النوم مو مثل لما كنت في الشقه عادي اطلع الصاله واسوي فطور وولدي نايم الحين
ماقدر انزل عنه تحت واخاف لا يجلس ويطيح من سريره لما مايشوفني يخاف غير الشقه خطوه وانا
داخله الغرفه الحين مسافه ..:44: حتى مو حاسه بالفرحه مع ان كان حلمي بيت وكنت بس اذكر بيت تدمع عيوني من كثر ماكنت اتمنى ..الحين زوجي يحس بخيبة امل وهو يقولي ماتوقع مني كذا
..:( مو حاسه بالفرحه بالعكس قاعده اشوف السلبيات ..للعلم بان البيت لسه ما اثثنا يعني فاضي
بس غرف نوم وكنبات شوي قديمه اقول مادري يمكن اذا اثثنا يكون احلى ؟ لاني حتى لما اطبخ اطبخ بعيد عنهم في المطبخ الخارجي لان لسه ماشرينا مطبخ داخلي فبعد احس اني دايم بعيده
وكل شوي ابي اشوف ولدي لانه صغير واخاف عليه .. لكن الدرج شنو الحل ؟ هل طبيعي
انزعاجي من البيت ؟ زوجي يقولي اي احد يتمنى يعيش في بيت مثل القصر .. لكني متضايقه مو سعيده بالعكس وهو الدورالثاني مفتوح على تحت يعني اشوف فوق والغرف الا فوق تطل على تحت الحين حتى هالشي زاعجني وكل شي اشوفه سلبي ،، نظرتي للبيت سلبيه :( لمتى بظل كذا ؟؟ نفسيتي مرره تعبانه .. ولا لي نفس اسوي شي او اني اعدل شي في البيت ..