يا جماعة الخير أستغرب من اللي تقول
سايسيه وحاولي تكسبينه........ ليش هي
اللي راح تتزوج ولا هو؟؟؟؟؟؟؟؟؟
وبعدين إذا الوحده منا مب مقصره شو تسوي
بحياتها تقطع عمرها علشان هو يرضى عليها
ما هو كذا ولا كذا بيتزوج............
على العموم يا الغاليه انا عن نفسي ودي ريلي
يعرس اليوم قبل بكره علشان أفتك من مسؤوليته
ومن الحن على راسي ومن الخوف يمكن يتزوج
علي يمكن اليوم يمكن بكره...........
خليها على الله............

هلا بك أختي
بصراحة شدني موضوعك ومن كثر مالاحظت من الناس لقيت الرجال يختلفون فبعضهم مايكون عنده نية يتزوج لكن تقدرين تقولين يثير غيرتها عليه وأذكر مره خالي اشتكى لي من زوجته لماقال بأتزوج ردت لك في الشرع أربع هالكلمة حفرت في قلبه وهو يشكي لي كان مثل الطفل وبالفعل سواها هي كانت تتغلى عليه لانها عارفه مكانتها عنده الكلمة اللي قالتها صحيحة ولكنها تفتقد اللباقة فماذا عليها لوقالت لا ماأسمح بوحدة تأخذك مني وربي غير يتشقق من الوناسة ويدري أنه مالي عينها وقلبها وعقلها
وفي رجال مايملي عينهم الا التراب وفي رجال من كثر مازوجته حاشمته ومدللته يحسب كل الحريم كذا واذا تزوج على زوجته أخذ على راسه
الخلاصة ياحبيبتي خليك لبقة مع زوجك ولاتتكاثرين أي شيء تسوينه له مهما كان زوجك ولوتعرفين عظم حق الزوج تدرين مهما سويتي ماتوفينه حقه
وصدقيني اذا الله سبحانه كاتب شيء بيصير فأنت أحسني فيمابينك وبينه وربك يكتب لك الخير والأجر على صبرك وعلى حسن تبعلك له
أعتذر للإطالة وفقك الله لكل مايحب ويرضى وأسأل الله أن يريح بالك ويشرح لك صدرك وييسر لك أمرك ويكفيك شر مابغيبه

انا من رايي انك اتسايسينه مثل ماقالو البنات لأنه شكله مصمم على رايه خاصه ان له سوابق ,

خليه على راحته وبيني له انك حزينه من قراره هذا , وانك خايفه من الحياه الجديده الي بيعيشكم فيها .

كرري على مسمعه ياخوفي انك ماتعدل ........

وإذا قرب اليوم الموعود أطلبي منه ترضايه (( يعني يعطيك مبلغ محرز تحطيه بالبنك للعوزه .. أو يكتب البيت باسمك )) .

وإن قالك ليه مو واثقه فيني قولي بلى ولاكن ليطمأن قلبي ..

ما عندي خلفيه والحمد لله

أعتقد انه حتى ولو صار هو كويس ويعاملك أفضل مما كان انت مش حترتاحي وأنت حتعدبي نفسك بنفسك لان المراة هذه طبيعتها المجبولة عليها لا ترضى بالضرة ولو كانت جرة .
هذا أذا أفترضنا أن الزوجة الثانية طيبة :baby2: وبنت ناس وحتسيبك في حالك :024: