بعد ماتملكت غيرت كل شروطها

السلام عليكم خواتي
هذي سلمكم الله وحده من جاراتي جاتني اليوم وخاطرها ضايق
قلت عسى ماشر قالت ضايق خاطري على اخوي اختلف هو وخطيبته وكل شوي طالعت له بطلب جاب لها جوال جديد وبعد شهرين قالت غرق في مويه جيب لي واحد ثاني وبعدها قامت تتافف وتقول كل شوي ارسلي مصروف بعدها قالت لي المهر ماكفاني عطني عشره الالف وبعدها قالت ابغى مؤخر😮😮
اخوها طيب ورجال ومصلي ولا يدخن ولايشيش وسمعته طييييييبه وراعي واجب يعني رجال ينشرى بفلوس حتى اول ماخطبوا عندهم شالوهم في السماء وانتوا نسبكم كفو وانتو وانتو حتى البنت بلسانها قالته لخطيبها
طبعا احنا نعرف اهل الولد مو من راسي الكلام
واختلف الوضع وارسلت له قائمة طلبات
تقول اهلي قالو مافي مشكله زياده بنزود مهر
اما المؤخر لو تطير لسابع سماء وترجع الولد راااااااااافض المؤخر
يقول البنت راسها معبى في احد معبي راسها لانها مو فلانه اللي اعرفها
وقفلت جوالها مسوي فيها اني مابرضى لين تنفذ طلباتي
وتقولي لو انتم مكاني ايش بيكون ردة فعلكم من طلباتها
مع العلم عاقدين القران وكل شروطهم بالعقد وبعد الملكه اختلف الوضع
لو انتو حصلكم هالموقف ايش بتكون ردة فعلكم
بكل امانه تردين