هذا يابنات سلمكم الله .. كنت انا وبنت اختي نتصفح بالنت ..
ومابقى طبق في عالم حواء الا واشتهيناه خخخخ
<< من الشفاحه .. :p
ماشاء الله عليكم بجد مبدعات وتحمسون وتخلون الواحد يراجع
نفسه ويتحرك بدل الرفاله اللي مالها داااعي ..
المهم ماابي اطول عليكم .. يوم جاء يوم الخميس .. قلت لبنت
اختي ( بثالث متوسط ) شرايك .. نغامر ونسوي الغداء
اليوم << للمعلوميه انا وياها طبخنا أي كلام ولايعتمد علينا بصراحه خخخخ:o
قالت تهقين .. قلت ايه خلينا نتسنع ونثبت للكل انا نعرف نطبخ ..
يوم دروا اللي بالبيت انا بنسوي الغداء .. سمعنا تعليقاااات تغم
وتضيق الصدر .. اللي راح يدور ارقام المطاعم عشان
يطلب << ضامنين مليون بالميه ان غدانا مهوب ضابط ..
واللي راح يآكل فاكهه .. واللي يقول من الحين ماني متغدي ..
:angry2:
قلت لبنت اختي .. شوفي يالمزيونه ماعليتس من هالكلام ..
طنشي .. ولاكنتس سمعتي شي نبي نسوي غداء ..
ماحصلش .. مستوعبه كلمة ماحصلش .. قالت ايه ياخاله
مستوعبتها .. قلت اجل يله اطمري قدامي عالمطبخ وخلينا نجهّز
العدّه والعتاد ... << صارت حرب مو طبخه :p
المهم وندور لنا شي حلو وسهل وواضح بالخطوات .. ووقع
الاختيار على موضوع الاخت ( انتر لاكن )
ارز العزايم للمبتدئات .. وبجد هالاخت وطبختها رائعه وسهله
وحلوه وكل شي فيها زين .. الله يجعل يديّاتها مهيب
للشلل قولن آمين .. ورب البيت ان موضوعها فتح نفسي للطبخ ,...
ونستعين بالله ونركب الغداء .. وامي تطل فينا لاتكثرن الرز <<
خايفه ينكب ومحد يآكله متحسفه عليه :eek:
واللي يطل بالقدر ويقول الله يديم النعمه ..
بجد انواااع الاحباط من اهلي ذاك اليوم ..
قلت لبنت اختي مو مشكلة ان شاء الله الامور بتصير تمام ..
ومعانا بنت اختي الصغيرونه يالبى قلبها تحوس ..
وانتهينا بعد جهد جهيد وهذي هي النتيجه ...
كانت النتيجه مرضيه يااااارب لك الحمد .. وسمعنا مديح وتصفيق وتصفير منقطع النظير على هالمجهود ..
:icon28:
واهم شي انه عجب الوالد والوالده الله يخليهم
لنا يارب ..
نصيحه للاخوات خذوا بيد بناتكم وخواتكم واي شخص محتاج
لكم .. ترى بعض الكلام يغث ويخلي الواحد ينتكس ..:(
يله يابنات تراااي خلصت الموضوع انطلقن بالردود السنعه
:p