بعد ماحدد الزواج قال في ترتيب ثاني!!؟

السلام عليكم،،
عيدكم مبارك ،،
بنات بدخل في الموضوع انتوا كنتوا معاي الله يجزاكم خير ويعطيكم العافية من البداية سالفة اني رحت مع زوجي المركز بداية المشكلة .... الخ
الحين في شي غريب انا سمعت نصيحتكم تركته ماكلمته ويوم 25 رمضان شال الحضر من ع الواتس وقال ارسلي حسابك وبحولك فلوس وأنا يابنات اعرف ان ظروفه في هذي الفترة صعبة شوي مادياً قلت له خليها مرة وحدة يوم تجي في العيد لإن
قبل حدوث المشكلة كان يقول بزورك في العيد ورد علي في الواتس طيب وبعد نص ساعة كتب بجي 10/10 مدري انتي فاضية تكوني ولا مشغولة بما انه عيد قلت له ما أدري مافي ترتيب معين وقتها بخبرك وبعدها ماكلمني ولا كلمته وليلة العيد دخل الواتس عايدني وصباح العيد كلمني قال كنت معتكف
مع مشايخ واليوم العصر بنسافر قطر وبعدها اندونيسيا سفرة عمل وقلت توصل بالسلامة وبعدها قال بعد ما ارجع من الرياض وأشوفك وانا قلت حلوو بدت تزين الأمور لكن حسيت في تحفظ في كلامه معاي وفي اسلوبه يعني بس كلمة ورد غطاها
ف استغربت حسيت في نيته شي وانا عندي ترتيبات الزواج بروح آخذ فستان الزواج سألته قلت له انا بكرة عندي حجز فستان بروح ولا عندك ترتيب ثاني قصدي عن الزواج طبعا زواجنا عساس تحدد تاريخ 25/11 وهو اختار القصر وحدد كل شي وبعد كذا انعفست ماديته وكان يحكيلي قبل المشكلة
عن وضعه المادي ورد علي قال وقفي كل شي لين ارجع من السفر وأعلمك في ترتيب ثاني وخفت ليش مو من كلامه خفت قلت لايكون من اسلوبه كلمة ورد غطاها وكان قبل ساحب علي ويقول كلام جارح انه الحين قصده ترتيب ثاني يقول ننفصل ...
بس هو رجع من حاله وتكلم وقال بجي وحتى بعد رسالته وقفي كل شي حاولت افهم قلت له مافي حفل زواج يعني يقول انا مشغول بس اوصل السعودية نرتب الأمور وبيكون خير..
بس بنات ماني فاهمة شي هل تتوقعون من كلامه ممكن يقول ننفصل عن بعض ولا هو ترتيب ثاني عشان وضعه المادي لإن اقول مو معقولة واحد بينفصل بيرجع من بعد الزعل بيتكلم معاي ويعايدني ويقولي اخباره وفي نفس الوقت اقول ما أدري وش تفكيره ابي ارتاح اعرف وش تاليتها معاه
انتوا وش رايكم ربي يسعدكم فكروا معاي
وفي وحدة ممكن مرت بنفس التجربة ؟
ربي يوفقكم ويسعدكم،،