بعد ماحليتو مشكلتي جيتكم بمشكله صديقتي لاتفشلوني قدامها

السلام عليكم

كيفكم يااحلى عضوات بالكووووووووووون واخواتي الي مالي غنى عنهم
بصراحه انا اليوم بكتب لكم عن مشكله صارت لصديقتي وبعد ماالحيت عليها اني انزل مشكلتها في موضوع وافقت خصوصا اني قلتلها كيف انكم متعاونات وان شاءالله ماراح تقصرون بالحلول

نجحت صديقتي في الصف الثاني الثانوي وكانت رايحه لثالث ثانوي وباخر العطله الصيفيه هذي تقدم لها ولد خالتها واول ماقالتلها امها الخبر انصدمت وعلى طوووول رفضت من غير تفكير لانها كانت تشوفه دايم مثل اخوها وماتتخيل يصير زوجها بيوم ولا تتخيل انها ممكن تحبه وتعيش معاه كزوجين
المهم طبعا امها مااخذت بكلامها وخلت البنت تفكر خصوصا ان الولد مستحيل ترفضه أي بنت مافيه أي عيب يعيبه ويخليها ترفضه واكيد لازمها سبب قوي اذا قررت ترفضه
الولد كان مسافر بره يدرس بس في العطله الصيفيه رجع عند اهله وباخر العطله رجع سافر برا عشان يخلص السنه الي باقيتله هذي
البنت فكرت وقالت كيف الولد خطبني وهو مسافر؟؟؟؟ هي كانت تبغى واحد ياخذها عشانها هي عشان شخصها وياقتناع مو يخطبون له اهله وهو مايدري وفوق كذا مسافر برا
المهم قعدت تسال عن السالفه من اخته وامها والي تقدر تعطي وتاخذ معهم فاكتشفت انه قال لاهله قبل يسافر عشان يخطبون له واختارو صديقتي الي هي بنت خالته
مر شهر شهرين 3 والبنت للحين ماردت بموافقه ولا برفض
السبب الرئيسي الي مخلي البنت تتراجع وتفكر في الموضوع الف مررره انها تحب ولدعمها وعلى ماتقول اكتشفت انه هو كمان يحبها من طريقة كلام اخته عنه وطريقة معاملته لاهله اذا جات عندهم وايام الطفوله الي جمعتهم سوا كانت تدل على انه معجب بها
بس طبعا ماسمعت شي اكيد يأكدلها حبه وللاسف نصحتها كثير بس هي علقت نفسها فيه وبنت عليه امال كبيييره
وللحين تنتظر اليوم الي يخطبها فيه وهو السبب الرئيسي الي مخليها ترفض ولدخالتها
الحين مرت على خطبتها تقريبا سنتين وهي للان ماوافقت ولا رفضت ومحتاره اش تسوي وهي كل مالها تأجل الموضوع والرد على امل ان ولدعمها يتحرك ويجي يخطبها وقاعده تحاول قد ماتقدر انها تطول السالفه
طبعا بتقولون ليه مارفضته وهي ماتبغاه اصلا
اقولكم انه مايتفوووووووت ابد وهي قالت اذا مالها نصيب مع ولدعمها فهذي الحاله كل الرجال عندها بكونون متساويين والاولى انها تاخذ واحد عارفته وعارفه طباعه ويقربلها وخاصه انه مثل ماقلتلكم مايتفوت

الله يخليكم بنات املي بعدالله فيكم كبيييييييييير انكم تساعدونها ولولا الحاحي عليها ماكانت وافقت انشر مشكلتها في النت خصوصا انها ماقالت المشكله كلها من اولها الى اخرها الا لي انا
وان شاءالله اكون قد الثقه الي اعطتني وانتو تكونو قد الثقه الي اعطيتكم اياها انا وصديقتي
والله يبعدنا وياكم عن المشاكل ويكتب لكم السعاده دنيا واخره