بعد ماخسرت شعري بسبب الكيراتين رجعت له بخلطه من الزيوت روووعه

السلام عليكم ورحمه الله وبركاته
طبعا بعد مانعدم شعري من الكيراتين صار جاااف وهش ومتساقط وضعيف لابعد حد
طبعا بعد فرفرة في النت
قررت أسوي لي خلطه لنفسي علشان أعالج مما صار فيه ولبناتي عنايه بشعورهن فقط
الخلطه هي زيت دابر أملا الاخضر
زيت النارجيل الاصلي أبو علبه حديد الاخضر
وزيت الخروع من العطار او المعصره طبعا لان شعري صار ضعيف ومتساقط أضفت حزمه جرجير وفص ثوم ولك الحريه في زياده فصوص الثوم
الطريقه الزيوت جميعها في الخلاط مع الجرجير والثوم وخلط لين خلاص تملين من الخلط بعد ذلك تصبينه في علبه أو طاسه وفيها منخل لين يتصفى الزيت كله واضغطي بأصابعك لين يطلع الزيت كله واللي في المنخل اللي هو الجرجير خلاص ترمينه أو تحطينه في شعرك كماسك للشعر
بعد ذلك تخلينه يوم كامل أنا حطيته بالثلاجه وبعد يوم بديت أستخدمه
والله يابنات يسوي لمعه في الشعر تججنننن وفيه طراوة ونعومه تجنن و تحسين بشعرك متغير جدا وبناتي برضه والله صارت شعورهم تجنن جربوا وبتشكروني وأن شاء الله مستمرة عليه مرات أسويه كل يوم ومرات أسويه كل يومين
ملاحظه الزيت أحطه في الثلاجه وقبل الاستخدام أنزله من الثلاجه لين يذوب لاني خفت أخليه دايما برى ويخيس علي علشان الجرجير فحطيته بالثلاجه أضمن
وعذرا على القرقره الزايده بس حبيت أفيدكم