بعد ماداومت ع الدعأء وقيام الليل والبقره رزقني الله بغريسين!

بسم الله الرحمن الرحيم
اللهم لك الحمد كما ينبغي لجلال وجهك وعظيم سلطأنك اللهم لك على كل حال ••
أنا فتاه عمري ?? أمور زواجي ماتتم لأسباب الله يعلم فيها كنت أتمنى ارتبط في شخص أحببته وهو من غير بلدي لاكن الأهل رفضوه بسبب العادات والتقاليد بحكم انه مو قبيلي سنين يحاول بس مالله كتب صارحني انه يبي يتزوج غيري أنا وقتها انهرت وتعبت نفسيا كنت أحبه الدنيا أسودت بعيني كرهتها حسيت مافيها شيء حلو شعور ماقدر أوصفه لكم المهم داومت على صلاة الليل والدعاء بالثلث الأخير ان الله يجمعني فيه ويجعله خير لي في ديني ودنياي لازمت إلاستعفار والحمدلله تحسنت نفسيتي وصرت مرتاحه كثير وان بيستجيب دعائي كنت أبكي وأنا ادعي اتحرى أوقات الاجابه يالثلث الأخير واخر ساعه من الجمعه أصلي ركعتين وأدعي فيها ويوم عرفه دعيت كثير وصرت اتصدق كل يوم بشي بسيط والله في راحه مو طبيعيه تركت الأغاني وكرهتها المهم بعدها بثلاث شهور تقدملي واحد والغريب بالموضوع انه من نفس الدوله اللي فيها الشخص اللي كنت أتمنى اتزوجه بس انه أفضل منه من جميع النواحي كمنصب وإخلاق وشكل بعد سبحان الله ربي عوضني بالافضل كنت ادعي باسم شخص بس ربي رحمته واسعه عطاني أفضل مماطلبت وللمعلوميه الدوله هدي مانعرف فيها أحد بس شوفوا كيف الرزق يجي ؟
وبعدها بشهر تقدملي دكتور استشاري ماشالله له سمعته الطيبه •
اللهم لك الحمد والشكر على كل حال أنا الحين محتاره كثير من أقبل ؟؟
ودي بالأول أحس أفضل بكثير من الدكتور بس سالفة البعد هي اللي محيرتني ومتعبتني
ودي بالدكتور عشانه بس بنفس مدينتي وعند أهلي •
أنا حبيت أقولكم قصتي عشان متياشون من رحمة الله واذا الله صرف عنكم شيء فتاكدوا ان بيعطيكم اللي أحسن منه •
دعواتكم لي ان يتمم موضوعي على خير ويسخر لي الزوج المناسب •