بعد ماضاع عمري اكتشفت اني مسحوره ابي رد من حوائيات حكيمات

بسم الله الرحمن الرحيم
السلام عليكم ورحمة الله وبركاته
حوائيات انا اول مره اكتب لكم شي يخصني
واتمنى من كل {{{حكيمه}}} تدخل وترد علي
انا امراءه عمري فوق الاربعين
امشي بالعقد الخامس تزوجت بعمر صغير ومااستمر زواجي وصارت حياتي كلها مشاكل بمشاكل زواج وطلاق وانجبت وعيالي ماعاشو معي وعداوات من الاهل والناس بسبب تافه واي شغل مااستمر فيه حياتي كانت مثل الكابوس كنت اشوف احلام غريبه ومااعبرها اتركها اعتبر الي يحصل معي سوء حظ وكنت متفائله بحياة افضل ومررر العمرر ومازان شي..
وقررت اقراء سورة البقرة وقراتها وشفت بمنامي وحده متوفيه تقولي ع حرمه متوفيه انها عملت لي عمل بتوكة شعر وان هذي المراءه طبيعتها عصبيه كل مازعلت من احد سحرته
صحيت من نومي ورحت استرجع ذاكرتي الا فعلا اتذكر انها طلبت مني توكه كانت بشعري وطلعتها من شعري واعطيتها وانا اضحك لانها كانت عجوز كبيره لايمكن ان تستخدمها ابدا لشعرها وقتها عمري ب 14 او 13 سنه
مراهقه
العجوز كانت حاقده على كل عائلتنا
هي كانت قريبه لنا وتجي عندنا ومره زعلت مني وقالت لي رح ((تشوفين الشر الشرير)) والله هددتني بهذي العباره الي مانسيتها لحد الان
والله ماجاء ببالي انها بتعمل لي شيء مثل كذا ولاسويت بها شي يستاهل كل هذا بس هي كانت عصبيه من اي شي تولع
تذكرت هذا الموقف وعرفت ان الرويا حق
وسالت عن الرويا قالو مسحوووووره
طيب السحر مدفون والحرمه متوفيه من سنين طويله يعني مافيه امل اطلع السحر ولااعرف مكانه حتى
صرت ابحث عن حلول وارقي نفسي وادهن ب زيت مقري فيه وصرت اشوف مزيد من احلام السحر والحسد تظهر لي بمنامي مع الرقيا والتدهن بالزيت المقري وكاني فتحت ع نفسي باب مغلق زاد الهم والاحلام المخيفه...
وبعدين انا جلست مع نفسي افكر بعقل
وقلت العمر راااااح خلاص
والطلاق تم
وعيالي ماتربو عندي وكبرو عند غيري
وعداوات ومشاكل وظلم من البشر صار علي
وتم كل شي وخلص كل شي وانهيت ..
انا مثل الي يجي الحفله على نهايتها.. ومثل ورقة الخريف الي خلاص جفت معد فيها حياة...
يعني انا لورقيت نفسي وطبت بيرجع عمري الي راح
بيرجعون اطفالي لحظني واعيش معهم حياتي وسعادتي
مارح انظلم من البشر واتعذب من ظلمهم لي
خلاص راح الي راح
انا ابي اشوف رايكم صح كلامي ماارقي نفسي لانه معد فيه فايده خلاص واستهلك طاقتي ب شي اخر ينفعني بدال الرقيا والبحث عن حلول ؟
او ارقي نفسي واتعالج !؟ ماني عارفه الحل لاني بوسط المشكله ودي اشوف رايكم
الله يجزاكم الجنه يارب...
ملحوظه مابي احد يدعي على العجوز ابدا لاني ابي اخذ حقي منها بالاخره كامل
فقط اعطوني رايكم ياحكيمات
ودعواتكم لي الله يسعدكم يارب.