كنت معلمة بدار تحفيظ والحمدلله الامهات اللي درستهم حبوني وحبيتهم .. والكل اعجب بتدريسي وتأثر .. الحمدلله لما يجي طاري الموت والدار الآخرة أتأثر وأبكي .. واشوف الامهات مره يتأثروا .. واغلب المعلمات يكتمون انفعالهم وقت التدريس أو يأدون الدرس بدون استشعار
لما جاء العام الدراسي الجديد دقيت على المديرة على اساس أشوف هم يحتاجون تجديد عقد ولالا .. تفاجأت منها قالت .. هذه السنه فيه معلمة ثانيه بتمسك الحلقة !
قلت لها : ليش ؟ ومين ؟
قالت : احنا بنسوي تغيير في اشياء كثيرة من ضمنها راح نبدل بعض المعلمات !
المهم .. هي بإختصار كانت طردة بطريقة محترمة .. والا لو مااتصلت عليها كان حصلت المفاجأه في عقر دارهم بس ربي سلَم الحمدلله ماتفشلت وربي الهمني اتصل عليهم
المهم .. انتقلت لتحفيظ ثاني وحاولوا فيني اكون معلمة عندهم رفضت واكتفيت احضر محاضرات وملتقيات واقوي نفسي اكثر .. ثم رحت احضر ملتقى في تحفيظ ثالث والحمدلله رحبوا فيني ايضاً يبوني اكون معلمة وكل مرة يحرجوني بطلبهم .. اللهم لك الحمد فضل من ربي .. حتى بالاجازة طلبوني ادرس صيفي ..
المهم أنا لحد الآن مو عارفة ليه طردتني المديرة من التحفيظ الأول ؟
حتى الامهات اللي بحلقتي مرررررة مستغربين ويبوني ارجع لهم انا ماقلت لهم السالفة لأني موفاهمة الموضوع أصلاً
بس فيه وحدة من المعلمات مساعدة للمديرة وهي سبحااان الله ماارتحت لها بالرغم انها تحب الخير ولها جهود تشكر عليها .. بس حسيت من تصرفاتها هي بعد ماارتاحت لي وتفهمني غلط وتكبر الزلات وهي انسااانة غااامضة لاتفهمني ولاأفهمها احسها غريبة ..
اتوقع المديرة تأثرت برأيها فيني ..
الغريب يااخوات .. المديرة ماغيرت ولاوحدة من المعلمات ..!!
يعني كلهم واصلوا تدريسهم الا انا !!
هذه السنه اتصلت علي المديرة قالت : تعرفين معلمة تبي تدرس عندنا حلقتين تحتاج معلمات .. قلت لها اشوف وارد لكِ
بصراحة استغربت حتى مالها وجه تطلبني بشكل مباشر
على فكرة .. المعلمة اللي مأثرة عليها واللي ماتطيقني لها سنة نقلت الى دار ثانية ..
كل مااقابل الامهات اللي درستهم في هالتحفيظ يسألوني نفس السؤال ليه ماتجي عندنا .. تعالي معلمتنا سافرت .. نبيك تدرسينا .. بصراحة اشتاق للأيام الحلوة اللي قضيتها وياهم .. حبيتهم وحبوني .. وارتاحوا لي وراتحت لهم من كل قلبي
بس .. تعرفون يبقى في النفس شيء من تصرف المديرة .. أخاف تجي وحدة ثانية تأثر عليها ولاترجع المعلمة اللي ماتطيقني |.. المفروض المديرة تكون حيادية ومنصفة وانا من حقي اعرف اخطائي اذا هم يشوفون فيه اخطاء
احس محتارة ارجع ولا لا ؟
واذا بأرجع يهمني رد اعتباري بطريقة محترمة .. وش رأيكم؟؟
على فكرة الرواتب ضعيفة 250ريال
اتمنى تقولون لي كم الرواتب عندكم بالتحفيظ؟
روعـة الماســــــه @roaa_almash_1
عضوة نشيطة
هذا الموضوع مغلق.
خليك أول من تشارك برأيها 💁🏻♀️