بعد ماعديتها اختي .. غدرت فيني وهددتني بصوري ؟!!!!!!!!!

السلام عليكم ورحمة الله وبركاته

بالصراحة ماادري كيف ابدا بالمشكلة ..

بس ببداها من اول مابدت بالضبط يعني لا تملون من البداية كملوها

واللي يرحم والديكم

ادري في البداية سوالف بزران بس شوفوا وش اللي صار عقب

ما كنت حاطة ببالي بيوم ان اللي اعتبرتها اختي وعديتها توأم روحي

تخون فيني وتغدر وتشوه سمعتي بين الناس ومن ورا ظهري

بداية القصة وحده من اهلي وركزوا على اهلي يعني من جماعتي

وتقربلي طيب ؟؟؟؟؟؟؟؟؟؟

كنت انا وياها بنفس المدرسة من المتوسط وصرنا مع بعض زي الخوات

وكنت انا من النوع الي اذا سافرت ورجعت من السفر اسوولف واقول وش سويت

من الفرحة ويمكن لـ صغر سني كنت مبسوطة

المهم انها بدت تتكلم فيني عند اهلها والناس

اني مغرورة وازعط وشايفة نفسي ومااحد يسافر الا اناا وكل شي شاريته من برااا

وانا ولله الحمد لا كنت مغروروة ولا شايفة نفسي لاني من وعيت على الدنيا وانا

ماتمر اجازة الا واسافر فيها يعني مو غريب علي وكنت احسب انه عادي لو

سولفت ومافكرت انها زعااطة ابد ..

المهم من بعد هالحركات بديت ابعد عنها مع اني كنت طفلة ..

كبرنا ورحنا للثانوي وبدت علاقتي تقوى معها من ثاني ثانوي يعني قبل سنة ..

صارت علاقتنا قوية مره وتجي تنام عندي واروح انام عندهاا

وربي الكعبة ان امي كانت تعتبرها بنتها وهي تقرب لنا من بعيد ومن كثر ماوثقنا فيها

صرت انام عندها مع ان مو من عادة اهلي يخلوني انام عند احد

وصرنا انا وياها نفس الصديقات وكل البنات معلقين اسمي باسمها

نداوم مع بعض ونغيب مع بعض مستحيل وحدة والثانية غايبة

المدرسة انا اللي اوديها معي واجيبها معي مو تمنن والله اقولكم بس ابي

اوريكم وش كثر اعزها ومعتبرتها اختي والله

بدت السالفة لما كنا جالسين انا ووحدة من صديقاتي وكانت البنت متضايقة

مرررررررررره قمت سالتها انتي وش فيتس متضايقة ؟!

من هذيك السالفة ؟!!

قامت البنت بلقت عيونها فيني ؟ قالت وانتي وش عرفك بالسالفة ؟

قلتلها والله مدري فلانة قالت لي ( قريبتي )

قالت باي حق تقولك السالفة ؟

ووالله العظيم انها ماحلفتني مااقول لاحد بالعكس كانت تقول السالفة

وكنها عادية وانا احسب انه عادي الكل يدري

قامت البنت مره انقهرت قالت ان هذي حقيرة وقليلة ادب ولو فيها خير ماكان

تكلمت فيك وانتي قريبتها ؟

قمت انا تفاجات وقلت ليه وش قايلة عني ؟

قالت تمشي وتقول لا تقولون ( لي انا ) اي شي لانها من النوع اللي تتكلم فيكم

من وراكم

انا انقهرت بس قلت يمكن حركات بزران

ومشيتها وماكلمتها بالمووضوع ابد ..

وبعدها بفتره دق على جوالي الظهر رقم غريب ورديت انا

الا صوت حرمة قالت من انتي ذا رقم مين ؟

قمت قلت خالة انتي اللي داقة من تبين ؟

قالت ذا الرقم يرسل على جوال زوجي من فتره لفترة !!!!!!!!

واخر مسج جاه كان فيه اسمي وسب فيني ..

قمت انا تنحت من جد وقعدت افكر قلت لها والله الله لا يوفقني

جعل اهلي يشوفون فيني يوم كان اعرف مين انتي او زوجك او

حتى اللي تتكلمين عنه ..

قعدت احلفها اني مااعرفهاااا

قالت طيب احد يستخدم جوالك

قلتلها والله انا انسانة جوالي سبيل من يبيه يدق ويكلم ويرسل وهو اصلا

محذوف بالصالة دااايم لاجا الليل تكرمت عليه وخذته

قال لي انتي بالصيف كنتي مسافره ل( .....) صح ؟!!

انا من جد انصدمت لاني ماعرفت ارد قلتلها وش دراك ؟

قامت تكلمت كلام مااذكره وقالت خافي ربك وجعلك ماتعرسين كانك تكذبين قمت

قلت جعلني فعلا ما اعرس اذا كنت اكذب

وقفلت

بس يلفت نظري انها قالت اخر مسج جا من جوالك قبل شهر

ومن قبل شهر بالضبط فلانة ماعاد جاتني ابد

وقبلها بفتره جاتني وحدة من اهلي وحلفتني ان كنت اعرف واحد متزوج

وقامت تقول انا خالها معه واحد يقول انا اعرف فلانة الفلاني اللي هي ( انا )

وعمرها واي مدرسة وين راحت وكل حاااجة عني بالضبط ..

ولااا جا ببالي ولا واحد بالمية انها هي ولا اهتميت بالموضوع لاني فعلاً ماادري

من هالشخص الحاقد ..

يوم قلت السالفة لوحدة من صديقاتي قالت ان فلانة ( قريبتي ) قايلة لهم ان

امي مانعتني امشي مع البنات وان هم قليلات ادب واني اسجل اصواتهم وارسلها

لشبااااب ؟!!!! بربكم شفتوا كيف عقلها صغييييييييييير ؟!!!!!!!!!!!!!!!!!!!!!!1

وللمعلومية هي اكبر مني بسنتين يعني المفروض عاقلة يعني عدت العشرين

وبعدها سافرت قبل عشر ايام وهينا بدت السالفة الجدية ..

مااحد كان يعرف رقمي بالسفر الا اهلي لاني كنت مقفلة جوالي السعودي

وكنت اكلم صديقتي اللي تلاقيت معها بالسفر

قمت قلتلها اني لازم اكلم فلانة ( قريبتي ) ابي اتفاهم معها وهي ليه تسوي

معي كذا ؟!!

قمت دقيت عليها وبكتبلكم الحوار بالحرف الواحد :

هلا فلانة شلونك شاخبارك ؟!!

مع احترامي الشديد بس انتي والله غبية

تروحن تتكلمين فيني عند صديقاتي وانتي تدرين انهم بيجون يقولولي

وزيادة على كذا تكلمين واحد متزوج من جوالي ؟!

بربك انا متى بحياتي كلمت ؟!!

ليش تدق علي زوجته وتقولي اني اكلمه ؟

قامت سكتتت لمدة يمكن عشر ثواني بعدين قالت

مشكورة وماقصرتي وسكرت بوجههي ..

بعدها بدون مبالغة 10 دقايق بالكثير صار يدق على رقم سعودي غريب

قمت رديت وانا مستغربة الا صوت ولد يقولي شوفي يافلانة ( قال اسمي تخيلوا؟!!)

قمت قفلت بوجهه ورحت قلت لامي ..

شوي الا جاني مسج : ورب الكعبة لو دخلتي فلانه ( اسم قريبتي ) بالموضوع اني

لارسل فيديو لك راسلته لي فلانة وانشره واخلي الكل يقول عنك كذابة افضحك

قام يدق على جوالي قمت حولته لصديقتي لانها ملسونة ومن النوع اللي تعرف

تتصرف وقت الازمات

قام دق وردت قالها انتي اخت ( يقصدني ) قالت له لا والله هذا رقمي انا صديقتهم

قام قال قولي لفلانة ( انا ) والله لافضحها وليش تروح تقول لاهل ( قريبتي )

انا انا اعرفها وانا والله ماكنت ادري عنها اصلاً

قامت قالت له خاف الله انت عندك خوات ودعاء المظلوم مستجاب

وقام قال انا ولد حرام ولا عندي خوات ولا بنات عم ولا اخاف من الله

وانا برويها ان ماخليتها تندم انها تتكلم على بنت الناس ( يقصد قريبتي)

وانا من جد يوم قالت السالفه انصدمت .

والى الان انا ماسويت ولا شي غير اني ادعي عليها واتحسب

واتمنى من اذا احد فيكم يقدر ينصحني وش اسوي معها يقولي

كيف اتعامل معاها لان من جد خايفة من ان عندها لي صور وفديوااااات

لاننا كننا نصور مع بعض اربع وعشرين ساااعة وعندها صور كثيييييييير لي

والمشكلة انها الين اليوم تقولي لصديقتي عطيني رقم الولد اكلمه لاني مااعرفه

واهي تسوي نفسها بريئه مثل دايم والحركة واضحة الولد قالي اسمهااا

انصحوووووووووووووووووووووني وش اسوي معها؟!!

عطوني ادعية ادعيهاااااااااااااااااااااااااااااااااااااا

والله قلبي محترق جعل ربي يحرق قلبها ..

وانتوا ادعولي ان ربي يظهر الحق ويستر علي

ويرد كيدها بنحرهاا ويجعل تدبيرها تدميرهاااا لانها ماراعت القرابة

ولا الصداقة ولا العشرة ..