بعد مافضفضت لكم ..

مساء الرضا يارب ..
بعد ماكتبت لكم موضوعي السابق فضفضة زوجة..
كتبت لزوجي كل اللي بخاطري واستفزه كلامي وعصب علي وطلع ..
بعدها ارسل ضفي عفشك ولبيت اهلك .. ولأول مره يقولها ..
وطلعت بس مارحت لبيت أهلي رحت لأهله ..
بلغتهم باللي صار كله وزعلوا عليه ورجعني أبوه لشقتي "شقتنا اساساً ملك ابوه" وطرده هو ..
قال له ابوه انت اللي تجمع اغراضك وتطلع والبيت بيتها ولو تقول لها كلمه وحده ازعل عليك ولا اعرفك..
والحمدلله على كل حال ..
انا أهلي رازقهم الله وبيستقبلوني أحسن استقبال
بس قلت العيال مااشتتهم وأغير عليهم مدارسهم واتعب نفسياتهم معنا ..
قلت بجرب فتره اذا تركني بحالي في شقتي ولا جاء ولا ضيق علي عشت انا وعيالي فيها ودبرت حالي ومستغنية عنه الحمدلله ..
ولو دخل علينا وضيق علي بطلع نهائي لبيت أهلي وأعز نفسي ..
والحمدلله اللي رزقني محبة الناس لي وقبولهم لي ووقوفهم بصفي دائماً
يارب لك الحمد ولك الشكر ولك الثناء الحسن