بعد ماقذفوني وطعنوا فيني وشوهوا سمعتي يبغوني الحين اسامحهم

السلام عليكم
عندي مشاكل كبيرة مع اهل زوجي والسبب زوجي ومشاكله معهم
وانحطيت في نص المعمعة لان زوجي خاصم اهله وقالوا اني السبب
الي بجد مستحيل انساه ان جاني اتصال قبل سنتين وشوي
ان اهل زوجك يمشون ويقولون للناس انك رايحه لساحر ومسوية سحر وطبوب لزوجك!
والله انصدمت قلت يمكن فاهمة غلط الي قالت لي او ان كلام غير صحيح الى ان تأكدت
وواجه زوجي امه قالت له لان ماقمنا نشوفك ولان اذا اتصلت علينا بسرعه تقفل قلنا اكيد مسحور
تخيلوا كل هالافتراءت والطعن والقذف الي طلع منهم وتشويه سمعتي كان في شهر رمضان ايوا والله العظيم في رمضان شهر العبادة
مرت السنوات وانا في قلبي جمرة ماتنطفي ان مو معقولة فيه ناس تفتري وتطعن بدون ادنى تأنيب ضمير
ماكنت ازورهم او اروح لهم بس اتصل عليهم في المناسبات
بس تحت ضغط اهلي قبل كم اسبوع رحت لهم
من يومها وهم يضغطون على زوجي ان تعالوا اسكنوا عندنا ، خلاص خلونا ننسى الماضي
وكل شوي يعيدون ويزيدون على سالفه ان حرام فلوسك تروح على الاجار
الغريب ان قبل مااروح لهم بكم يوم ، زوجي راح لهم لحاله وقعدوا يقولون له ليه صابر عليها طول هالسنوات بدون عيال
ادخر فلوس من الحين وجمع لك كم قرش علشان تتزوج ! وكرروا هالكلام حتى بعد الزيارة

بجد مااني عارفة لذا التناقض !
كيف ابدء صفحه جديدة معهم وكلامهم يناقض افعالهم