راح اذكر لكم قصتي وان شاء الله راح تعطيكم امل لكل متأخره بالحمل
ماشاء الله تبارك الله
طبعا انا ماتاخرت كثير بس مشكلتنا خلتناااا نحس ان لنا سنوات طويله وغير كلام النااااس
اول شهر زواج ماحطيت الحمل براسي هم ثاني شهر لان بالاساس كان عندي تشنج مهبلي
3 شهر تاخرت الدوره 3 ايااام واستبشرت خير وعملت تحليل منزلي وطلع سالب
نزلت بعدها الدوره بس غريبه رحت لدكتوره وعملت لي تحليل هرمون الحليب
وللاسف طلع مرتفع وهنااا ابتدت قصتي مع الارتفاع اخذت العلاج ونزل وهنا بديت اراجع بعد مااخذت 5 شهور من زواجي وعملت متابعت بويض ومن هالكلام اهنا زوجي عمل تحليل السائل وطلع عنده العدد كويس لكن الحركه بطيئه وقالوا ها احتمال يصير حمل وظليت اخذ بالمنشطات مايقارب 7 شهور وبعده ماصار حمل وعمل زوجي التحليل مره ثانيه والصدمه مابعدها صدمه العدد فقط 4 مليون وغير التشوها والحركه
يارب رحمتك اهناااا ماغير ادعووو ربي
طبعا الناس ظلت تسال شو ليشش ماحملت بس كان عندهم شك ان انااا راح اتاخر بسبب زوجي لان اخو زوجي عنده ضعف وانجبت زوجته باطفال الانابيب
وعاد التحليل وهم طلع العدد فقط 12 مليون
وهكذا اهنا تركت انا العلاج لان هنا المشكله من زوجي
قلت مالي الا حل واحد وباب واحد هوووو ربي الله والله كريم
صرت اداوم ع سوره البقره كل يوم دون ملل ولا كلل وصرت استغفر كل يوم وصدقه يوميا بعد صلاه الفجر بنيه الحمل
ظليت اداوم ع الدعاااء وكنت اقول انا واثقه ربي راح يعطيني لكني كنت ادعي وادعي ان يكون حملي طبيعي مش انابيب
ظليت مايقارب سنه وانا كل يوم وحتى بايام الدوره اقول معليش اكثر من الاستغفار والدعاء
ع الرغم اغلب الاطباء اجمعوا لنا ان الحمل الطبيعي ضعيف جداااا وان مثل وضعنا لازم انابيب
انا خلاص نسيت الحمل او تناسيته والناس ماعادت تسال مثل قبل بعد ماعرفوا ان خلاص احنا حالنا حال اي واحد بعايلتهم عمل اطفال الانابيب
ماانكر ان رجع هرمون الحليب اعلى بكثير من قبل وصرفت لي الدكتوره الدستنكس كذا اسمه ماادري المهم
نزل قالت استمري ع العلاج الين مايصير حمل وظليت اخذ كل اسبوع نصف حبه
وزوجي يعيد في هالتحاليل وقصتنا كلها مع تحاليل زوجي
الشهر اللي راح انا في 3يوم من الدوره عملت الفحص الهرمونات اتضح ان هرمون الحليب نازل جدا عن معدله الطبيعي
قال الدكتور انصحج توقفي لان حتى نزوله ياثر ع الخصوبه
وبعدها زوجي عمل الفحص وكالعاده العدد فقط 7 مليون والحركه كويسه
وعاد التحليل العدد كويس لكن الحركه بطيئه جدااا
اهنا الدكتور قال خلاص راح احولكم لاطفال الانابيب
توكلنا ع الله وقال موعدكم في تاريخ 000
عشان يشوف وضع زوجي ويحولونا
اهنا انا اخذت الاناناس وانا اصلا من اخذت المنشطات وصار عندي جفاف شديد وغير ان افتقدت افرازات التبويض ماعدت اشوفها وطبعا في هالفتره ماصار جماع كثير بسبب تحليل زوجي اكثر من مره ومتناعه عن الجماع وبالذات ايام التبويض
تاخرت الدوره ابدا ماحطيت اي احتمال الحمل
ع الرغم املي بالله قوي بس بعدي اقول كل تاخيره فيها خيره
يوم يومين 3 ايام ولا عملت تحليل يوم 10 من الدوره نزلت افرازات بنيه قلت خلاص نزلت لان هذا طبعهااا
خلاص ماصليت وعادي رقصت وسويت اشغال واجد ايام تاخرهااا
يوم 13 من تاخر والافرازات وقفت قلت خل اغتسل واصلي زوجي انصدم قال كيف تصلي وفيك الدوره قلت وقفت
قلت الظاهر من هرمون الحليب سمعت اذا مرتفع او نازل حيل يلخبط الدوره
المهم زوجييييي له موعد في هاليوم رحنااا بحماااس المهم رحنا قالوا لنا في غلط بالتاريخ ومن هالكلام واحنا جدال مع الموظف الموعيد قال والله لو الدكتور موجود دخلتكم بس مكتوب التاريخ غلط
قال زوجي انا مارحت ع الدوام ولا حاجه عشان هالموعد وبالنهايه ماادخل
طلعنا بخيبه قال اقول طالما انا هالحين جمب مستوصف انزلي ع الدكتوره وساليها بخصوص الدوره ولخبطتها قلت له لالا مب انزل تنزل بروحها قال تطمني قلت انا عارفه راح تقول اول تحليل حمل
وانا اكره شي هالتحليل قال عادي اعملي حتى لو مافي حمل جاريها
بس ع الاقل تطمني ووضعج مب طبيعي
رحت لها بكل برود كم لج يوم قلت لها 13 قالت لازم اعمل تحليل حمل قلت لا مستحيل في حمل ماابي اسوي قالت لازم عارفه مافي حمل بس لازم مافي يعطي علاج ومافي يعرف اذا في حمل او لا
قلت اوكي عملت التحليل قال بععد نصف ساعه ومشت كانها ساعات ع الرغم متاكده مافي بس لازم الخوف
صعدت فوق للمختبر انا وزوجي وقالت بعد 5 دقايق وتطلع النتيجه وبعدين شفت عندها ورقه
وقالت مريم قلت ايه وبكل برووود قالت حااااااااااااامل
زوجي ماسمعها فكر تقول مافي حمل
قلت تقوول حاااااااامل وانا وزوجي ننقز من الفرح وسجدت شكر انا وهو والناس تناظر تقول هذي لي وش فيهم
ماصدقت بعد ماشفت حامل ورحت لدكتوره وهم بكل برود قالت في حمل
حمدت الله ورحت للبيت وع طول صليت صلاه الشكر
انصح كل وحده ماتفقد الامل وتخلي كل حملها والمها املها لله الواحد الاحد وهو الرزاق للدكتور ولا المستشفى
عليكم بالمداومه بالصلاه والاستغفار والدعاء والالحاح بالدعاء كل يوم من دون ملل او انكم تفقدو الامل
والله الرازق
وعقبالكم يارب وقبل كل شي اول دعوه تدعونهااا لغيركم المحرومات والمحتاجات واخر شي لكم
دعواتكم لي ان يثبت حملي لان عن جد قلقه مثل اي وحده خايفه
وبعد سنه و9 شهور حملت وانا توني بشهر الاول الله يتمم ع خير دعواتكم
ريموو2010 @rymoo2010
محررة برونزية
بعد ماقرروا الاطباء لنا اطفال انابيب بسبب ضعف عند زوجي في نفس شهر حملت ولله الحمد
67
7K
يلزم عليك تسجيل الدخول أولًا لكتابة تعليق.
ايامي الحلوة
•
يسعدني أكون اول واحدة تباركلك الف الففففففففففففففففف مبروك وربنا يتمم لك علي خير وتشوفيه بحضنك انت وابوه و يجعله من الذرية الصالحة يارب ويغر اعينكم بشوفته آمييييييين يااارب العالمين ... والزمي الراحة التامة ....
نسيت ماقلت لكم في هالشهر سبحاااان الله كنت احط يدي حتى قبل ايام التبويض اقول اللهم استودعك مافي رحمي اللهم استودعك جنيني قلت في نفسي وش فيني هل حاله نفسيه ولا وش سالفتي
سبحااان الله
ياكثر الدموع اللي ذرفتها وربي اكثر حاجه مانسيتها دمعت زوجي يوم يبكي بعد مانزلت دورتي ذيك الايام
مابعد العسر الا اليسر
عقبالكم يارب ياكريم وتصير الفرحه فرحتين وننتقل قسم الحوامل كلنا
الله يرقكم ويرزق كل محرومه يارب ياكريم
يسلمووو ع ردودكم
سبحااان الله
ياكثر الدموع اللي ذرفتها وربي اكثر حاجه مانسيتها دمعت زوجي يوم يبكي بعد مانزلت دورتي ذيك الايام
مابعد العسر الا اليسر
عقبالكم يارب ياكريم وتصير الفرحه فرحتين وننتقل قسم الحوامل كلنا
الله يرقكم ويرزق كل محرومه يارب ياكريم
يسلمووو ع ردودكم
الصفحة الأخيرة