الله يجزيك الخير وبحاول اجربها

جزاك الله خيرا على الوصفة

يابنات اللي جربتها تقولي هل حست بتساقط الشعر من اول مرة ولا لا؟
لانها دخلت راسي وابي أجربها
اللي جربتها تفيدنا الله يحفظها وينولها اللي في بالها
ياليت الأخت نوض تجاوب على اسئلتي مشكورة .
تحياااااااااتي

قوه بنات إشلونكم؟؟
آنا اليوم أول يوم أجرب الطريقه وبقولكم ملاحظاتي :
بالنسبه للريحه الشعر واهو مبلل تحسين إن في ريحه خفيفه بس لما ينشف تروح وآنا غسلت شعري بشامبو للاحتياط.
الملاحظه الثانيه يا بنات لاحظت إن شعري وآنا أغسله تساقط أكثر من كل مره بشوي يعني مو وايد وايد لا بس أكثر من كل مره ويمكن هذا الشعر التالف والله مادري!!!

الملاحظه الأخيره واهي اللي فاجأتني!!!!!!!!!!!!


بصراحه حسيت بنعومه فظيييييعه وآنا أغسل شعري لاحظت هالشي بس قلت لا يمكن عادي.. بس لما طلعت تكرمون من الحمام ونشف شعري أشوف القذله مو عادتها طايحه على عيني وحتى شعري ماكنت إمشطته آنا انطره لما ينشف بعدين أمشطه ولاحظت هالشي واهو مو إمشط!! بس الصراحه إعجبتني من ناحيه النعومه :)

واللي جربوا خل يقولولنا هل لاحظوا نفس ملاحظاتي أو لا؟؟

وجزاها الله ألف خير اللي تفيدنا.

اي صج بنات نسيت أقولكم شي.. الأحسن إنج تحطينها في بخاخ وترشين على شعرج لأن آنا لما جربتها حطيته في بطل ماي صحه وحسيت إن أذتني وآنا أصب كل شوي على شعري يعني أتوقع لو بخاخ أسرع وأنظف وان شاء الله المره اليايه راح أجربها في بخاخ :)