بعد ماوقفت جمبه وهو باصعب حالاته فجاه اختفى

انتماء عربي❤️ • شهر

الله يجبر بخاطرك يارب ويعوضك خير

الموضوع شوي معقد ولكن بشكل عام خلال كلامك عنه حسيت ان تصرفاته لا تمت للرجولة بأي صلة .. وضعه معك غريب صراحة لا هو اللي ارتبط معك بالحلال ولا هو اللي تركك بحالك اشوفه مجرد تعلق وتعود

تجاهليه تماماً وطلعيه من حياتك بالتدريج لا تعطينه فرص اكثر من كذا صدقيني بترتاحين كثييير ونفسيتك تصير احسن .. لا تقولين نتواصل للضرورة اي نوع تواصل بينكم راح يقربكم لبعض اكثر ويحرك المشاعر والآمال وماتطلعين بنتيجة عشان كذا وقفي التواصل تماماً وبترتاحين

فيض العيون • شهر

انتماء عربي❤️ :

الله يجبر بخاطرك يارب ويعوضك خير الموضوع شوي معقد ولكن بشكل عام خلال كلامك عنه حسيت ان تصرفاته لا تمت للرجولة بأي صلة .. وضعه معك غريب صراحة لا هو اللي ارتبط معك بالحلال ولا هو اللي تركك بحالك اشوفه مجرد تعلق وتعود تجاهليه تماماً وطلعيه من حياتك بالتدريج لا تعطينه فرص اكثر من كذا صدقيني بترتاحين كثييير ونفسيتك تصير احسن .. لا تقولين نتواصل للضرورة اي نوع تواصل بينكم راح يقربكم لبعض اكثر ويحرك المشاعر والآمال وماتطلعين بنتيجة عشان كذا وقفي التواصل تماماً وبترتاحين

الله يجبر بخاطرك يارب ويعوضك خير الموضوع شوي معقد ولكن بشكل عام خلال كلامك عنه حسيت ان تصرفاته...

اميييييين يارب وخاططرك وخاطر احبابك
هو فعلا تعلق لسبب معين الله العالم وش هو
وابشرك فعلا بدات والله و الوضع افضل بكثيييييييير❤️🌹 الحمدلله

انجوي • شهر

فيض العيون :

مو كل شي اقدر اقوله بالرسايل اهو قريب لي وعايش بقريه وحنا كل فترة نزورهم وبحكم انها قريه نجلس ببيتهم وكلا بحجابه تعودنا ع هالشي الرجال اغلب الوقت برا باعمالهم فماعرف عنه كثير مؤخرا صارت له ضائقه ماديه وبحكم اني اقرب وحده لوالدته طلبت مني ادور وظيفه لولدها بمدينتي بتقولين وليه ماطلب من اخوانك اقولك الله يسلمك اخواني سلبين جدا ولا يساعدوني انا اختهم ولا يساعدون بعضهم ونا بطبعي ولله الحمد من صغري فزعاويه وهالشي معروف بعائلتي وبين زميلاتي فبما انه سافر وجالنا و فلوسه محدوده ومايشتغل جلس معنا بالبيت بشكل مؤقت بغرفه بطارف البيت كالعاده بالحجاب وبحدود الاخوه ولما قلت اني ساعدته لوجه الله كان اول كم شهر لانه ماكان يشتغل بعد ماشتغل صار لما يجيب لي شي بريال من باب رد المعروف ارجعه ب 10 هو يشوف هالشي متبادل ونا اشوفه استنزاف لاني ماتعودت اخذ حتى من اخواني تعودت اعطيهم بس وبما انه بالبيت صار يشوف تفاصيل يومي شلون اهتم باهلي وبالبيت وبشغلي وصار يمدح كنت اشوف هالشي عادي من باب الاخوه وحتى لما كان يغار الي يتعامل فيه معاي يتعامل مع اخته فكنت اقول طبيعي حتى لما كان يلمح كنت اطنش ليييين صرت اشوفه متعلق فيني مرررررررة.. جا من قريته حزين واللحين طاير من الفرح ويحب الحياة ويقول مابي ارجع صار لما يزورنا لازم يتاكد اني بالبيت من امي بلف ودوران وامي ع نياتها.. اذا فيه طلعه ونا ماطلعت يرجع ع طول مايكملها طبعا يرجع لمقر سكنه مو لبيتنا صرت انتبه انه وهو مع اهلي يكون طبيعي وهادي بس اطلع الصاله يبدء يبين حبه لهم ويضحك ويمزح معهم ويستعرض نفسه فانا مع تفاصيل كثيرة مايسعني ذكرها عرفت انه يبيني وطلب امه تكلمني ورفضت عشان لاتخسرني واقنعته دامي رفض اخوه فبرفضه كل هذا جميل ماعندي مشكله لكن بعد ماخطب وصار يتواصل معها صار يهتم فيني اكثر بكثييييير ويحاول يبين لي خيرة ويتقرب مني اكثر وصرت اتجاهله بزياده ورجع قالي هو وامه انه تركها وهو مبسوط بعد بيومين صار موضوع وبالصدفه شفت خطيبته تراسله على جواله

مو كل شي اقدر اقوله بالرسايل اهو قريب لي وعايش بقريه وحنا كل فترة نزورهم وبحكم انها قريه نجلس...

يابنت الحلال والله علامات كثيرة وانذارات ربانية جاتك ولكن للاسف انتي قاعدة تتجاهليها

اسمعي تأكدي حب الخير وحب العطاء إذا ماضبط بضابط عقلي يصير هلاك ع صاحبه " اسألي مجرب"

يعني انتي المعطية واللي قاعدة تعطين وتساعدين دون مقابل
ولما يجي يجيب شي ب ريال واحد تقومي ترديها عليه بعشرة
هذا مو كرم ولا عطاء وكأنك مستخسرة احد يعاملك بكرم وان كان تحت الواجب بكثير

غير كذا انتي بتصرفك هذاتطمعي اي شخص مستغل فيك
انتي ممكن تحبي العطاء لدرجة العطاء القهري فترتاحي اساسا لما تساعدي الغير وهذي الصفة حلوة لما يكون فيها عقلانية واتزان وبضابط ولما المساعدة تروح للي يحتاجها

أما المساعدة اللي يكون فيها ظلم للنفس ومساعدة المستغل يستمر على حاله واخطائه ماهي الاخطأ يحتاج منك تعديل
صدقيني لو ما صحصحتي وعدلتي هذا الخطأ بتكون العاقبة وخيمة عليك ولكن بعد فوات الاوان

بـنـت صـلالـة • شهر

💡أرى أن العطاء ليس عملية عقلية حسابية منطقية محضة!حتى تحسبيها بأنك تُعطيه ولا يُعطيك بالمثل! وليست قضية تقييم أخلاقي بحت للإنسان بناء على عطائه!...وكريم النوايا🤍 لا ينتظر عوضًا على ما يمنح فهو يُعطي لأن العطاء طبيعته❤️... ولأن الخير يسكن قلبه💚 فيُعطي الجميل للجميع🤍 ثم يمضي وكأن شيئًا لم يكن لا يحاسب ولا يعاتب ولا يمن في عطاءاته👍🏻✅️... ولأن الإنسان يحمل معه إرث وطباع طفولة ومراهقة وبيئة تكونت فيها طباعه وأذواقه وميولاته وتفضيلاته وتعاملاته لذا هذا الشاب ربما يُحاول فقط أن يُشعرك أنه يكافئ وقفاتك وعطائكِ المادي له معنويًا!🤍 بهذا التواصل المؤقت! ولا يرى فيكِ المرأة المناسبة له ليخطبك ولكنه يتواصل معكِ لأنه "يحتاجك"💡 ورأى فيكِ مصدر كرم وعطاء مفتوح له!🤷🏻‍♀️...ومن خلال شرحك أرى أن هذا الشاب إما قلق ومتردد ولم يفهم نفسه بعد! لأنه لم يُظهر صورة واضحة للأنثى التي يُريدها أو أنه لا يريد أن يُصارحك أنكِ لا تتوافقين معها لكي لا يخسر مساعداتك له ووقفاتك معه!🤷🏻‍♀️... فالملامح العامة لهذا الشاب وتصرفاته معك تُظهر أنه متذبذب في طريقة تفكيره وتعامله!🤷🏻‍♀️...والإنسان إذا أحب❤️ وأُعجب😍 بشخص سيظهر عليه ذلك🥰 وببساطة ستجدين إشارات💡 وعلامات💡 كثيرة فيه تستدلي بها على أنه يحبك رغم ظروفه👍🏻 وأنك المرأة المحببة والمناسبة له✅️... لكن هذا الشاب ربما رأى في تواصلك معه بعد خطبته لأخرى! نوع من الضغط عليه في التفكير أدخله في دوامة المقارنة بين حاجته ومحبته!💡... وقد أدخلك معه فيها وتُهتِ فيها بسبب أن الرؤية عندكِ أيضًا له غير واضحة ومشوشة للآن ولا تعرفين هل تحبينه أم كنتِ تحتاجينه فقط بسبب الضغوط حولك ورأيتِ فيه المتنفس حتى بعد كل ما حدث من خطبته وتعامله وبان!🤷🏻‍♀️...

⚠️ولابد أن أذكرك أن هناك نماذج للرجال من بينها الذي يتزوج وهو غير مقتنع وبلا حب قبل الزواج ولا بعده لزوجته وإنما يتزوج "لطمعه وحاجته"⛔️💡 وقد يخلق فيما بعد أي عذر ليفر من زوجته وقد يتطور الأمر "للاستهتار بالمسؤولية المالية" والخيانات أو التخلي عن الأطفال معنويًا أو ماديًا!!⚠️🚫...

💡لذا احذري أن تكوني "حالمة "🚫🤷🏻‍♀️ استنادًا إلى مشاعر تريدين الحفاظ عليها مهما كان!🤷🏻‍♀️... فالذي "يتردد ويحاول إقناع نفسه بك" وهو يعلم من أول لقاء وتعارف أنه قادر على خطبتك والزواج منك! ولكنه يتهرب ويتعذر بل ويخطب غيرك! في فترة تواصل يفترض أن تكون غالبًا مشحونة بالعواطف المتبادلة ومفعمة بأحاسيس الجدية والشوق لمن يحبها حقًا!💕...فسيكون حاله أسوأ بعد أن يتعوّد على زوجته التي لم يحبها والغير مقتنع بها من البداية! 🤷🏻‍♀️💔...

وما أنصحك به الآن هو أن تكفي عن التفكير فيه والمطالبة بشرح لأفعاله!🚫 وتأملي عالمك الداخلي لتفككي مشاعرك المركبة والمتداخلة!💡✅️... والتي أصبحت كومة ترينها عطاء وحب ويراها هو ربما مجرد موقف إعجاب بكِ وشكر تحوّل بتواصلك معه عبئًا متعب!🤷🏻‍♀️ ...ولا شك أن مشاعرك صادقة في عطاءك🤍✅️ وحتى في حبك إن أحببته وهذا الصدق🤍 فيهما هو ما أدى بكِ إلى استنتاج خاطئ يفترض أنه يجب أن يحبك ويعاملك بالمثل! وأن كل خطواتك التي قمتِ بها كان يُفترض أن يكون تأثيرها عليه عاطفي وإيجابي!🤷🏻‍♀️🤍...

💡الآن كل ما عليكِ يا عزيزتي لتُخرجي نفسك من هذه المتاهة أن تتركيه✅️ ولا تقولي له شيئًا ولا تتصلي به🚫 ولا تتعاملي معه ولا تكلميه إلا برسمية⛔️ كأي إنسان غريب أو قريب بحدود معروفة👍🏻🤍 ...وقد تشعرين بنوع من الحزن والأسى والفراغ لفترة لذا أشغلي نفسك بأشياء أخرى👍🏻✅️ وسيمر الوضع إلى أن يصلكِ مع الوقت⏳️ رده القطعي والحاسم بفعله أو قوله💡✅️ سواء كان بالقبول أو الرفض👍🏻🤍... فإذا كان يُحبك ويُريدك حقًا وكان متردد خوفًا من رفضكِ له أو لظروفه الحالية وأحس أنه سيخسرك للأبد بعد أن تتركيه وتقطعي تواصلك معه تمامًا سيخطبك مباشرة ليحافظ على تواصلك معه وليعرف حقيقة رأيك فيه💡✅️... لذا لا داعي لتسمعي منه أكثر حديثه المتردد! واحتمالاته الكثيرة وشكاويه! فليدع كل ذلك لنفسه!🤷🏻‍♀️ وارفضي إن حاول التواصل معك سماع أي شيء آخر غير قرار واضح ونهائي منه👍🏻✅️ حتى إن كان رفضًا 👍🏻🤍🤷🏻‍♀️...وحينها ستشعرين أنه "انتهى الأمر"👍🏻✅️ وينبغي أن تتقبليه دون أن تحتقري نفسك وطبعك👍🏻🤍 فالرفض لا علاقة لكِ به بل به هو وتردده وعدم معرفته ما يريد وتذبذبه!🤷🏻‍♀️... وإن كان قبولًا وخطبك وعبّر عن حبه لكِ وتردده لظروفه فآنذاك ستنتقلان إلى مرحلة أخرى من جدية التعارف💍✅️ ...

واسأل الله لكِ التوفيق والسعادة💚🤲🏻 وأن تجدي في شريكك المنتظر💍 شطر روحك من الكرم❤️🤲🏻 واللطف🤍🤲🏻...

أولادي أغلى ماعندي • شهر

&روعة الحياة& :

وش الخنبقة ذي ؟

وش الخنبقة ذي ؟

صدقتي
وش صلتهم بيك لدرجة تساعديه ماديا وتضغطي على حالك عشانه
ليه من بقية اهلك هو
وايش درجة القرابة دي اللي تخليك تتكلمي معاه لهالدرجة
ولا انه يكون جواله عندك لدرجة تشوفي الرسايل اللي توصله
انتي اللي مرخصة حالك
والواضح انه هو وامه مخلينك احتياط ولعبة
ان مابقي غيرك رجعولك
ابعدي عنهم ولا تاخذيه لا هوولا اخوه
اذا وانتو مابينكم علاقة استنزفوك ماديا
كيف لو دخلتي بينهم
بتصرفي عليهم كلهم