اولا السلام عليكم ورحمه الله وبركاته
ثانيا بعد ما شفت اعجاب الجميع بجريشي بغيت اعلمكم الطريقه لاني دائما استفيد منكم
الطريقه : مقدار من الجريش تقريبا كاس كبير
نفس المقدار رز مصري او صن وايت الامريكي
للحصول على افضل النتائج اغسلي الجريش مع الرز في اليل ونقعيه وظعيه في الثلاجه ما يضره بالعكس حتى امي ما كانت مقتنعه وسوت نفس الطريقه لانها اسهل
وقبل موعد الاكل بساعتين ونص
قطعي بصله صغير وحطيها في قدر الجريش وحطي عليها شوي زيت ولا تخلينها تحمر على طول صبي عليها المويه المغليه ولتر لبن وملح وانا اضفت من عندي عود قرفه تحطين الجريش في القدر وطبعا مقدار الماء مع البن يغطي الجريش بكثير المويه تقريبا لترين لازم ماء كثير علشان يميع
وتحركين الجريش شوي واذا بدا يفور تقصرين النار مرة نار خفيفه
وتنسينه ساعه وبعد ساعه تاخذين بصله مفرومه وتحطين عليها ملعقتين صغار كمون
وتحطينها فوق الجريش بدون تحريك الجريش يكون طالع فوق ما يكون لسه مويه
وتحطين معها اصبع زبده مقطع توزعينه فوق الجريش
وتنسينه ساعه وبعدين تحركينه بقوه بملعقه كبيرة
وخلا النص ساعه المتبقيه تفرمين بصلتين صغار فرم ناعم وتحمسينهم على النار وتضيفين عليهم اليمون الاسود وشويه فلفل حسب الرغبه
تسكبين الجريش في طبق ويفظل انه يكون واسع وحطين عليه البصل المحمر باليمون
وبالعافيه
انا واثقه انه اذا عجبكم بتدعون لي وانشا الله يعجبكم
ام الرمسي @am_alrmsy
عضوة فعالة
يلزم عليك تسجيل الدخول أولًا لكتابة تعليق.
زائرة
•
أختي ام الرمسي الله يعطيكي الف عافية 00000
الصفحة الأخيرة
وان شاء الله اجرب طريقتج ..
تسلمين يا الغلا :26:
احلى تحيــة..:27: