انا دايم ابدأ بالمواعين.. ثم الكاونتر..والارضية اكنسلها من التعب..

بجرب حركت التنقيع ان شاء الله دايم اقرا عنها هنا..

جزاك الله خير

يعطيك العافيه

جزاكي الله خير علي النقاط المهمة

انا يبدا تنظيفي لاغراض بعد العزومه من قبل ما ييجوا الضيوف
يعني اكون مخلصه الاكل قبل ما ييجوا بنص ساعه تقريبا وفي النص ساعه دي يبدا الشغل
اول حاجه بانقل الاكل من الحلل الكبيره الي الحلل الاصغر علي قد العزومه والباقي الزياده في علب وعلي الفريزر
وكمان البوتجاز بنضفه كويس لانه بيتوسخ مع الشغل طول النهار
ثانيا اجهز اطباق التقديم وكل ما افضي حله او صينيه اغسلها
ثالثا لازم اسيب اكبر صينيه فاضيه عشان دي اللي حاجمع فيها الاكل النواشف كله مره واحده واحفظه في الثلاجه والحركه دي مريحه جدا
وبتساعد انك تلمي الحوسه بسرعه وكمان مش بيكون في حلل كتير تضطري تحطيها في الثلاجه وتاني يوم ممكن انك تدخليها بس الفرن تسخن وتاكلوا منها
رابعا احاول ان استخدم بعض الاطباق الورقيه عشان ما يكونش في مواعين كتير
خامسا اكبر كيس عندي الم فيه كل بواقي الاكل والفضلاااااااات
سادسا علي مفرش السفره لازم احط كيس شفاف كبير للرمي في الزباله علي طول
ولو ماعنديش استخدم اكياس المكوي--الاكياس اللي المكوجي يجيب فيها الهدوم بعد الكوي- والصقهم بشريط لاصق شفاف برضه يؤدي الغرض منه والطريقه دي بتريح من اللم والتنضيف للسفره بعد الاكل

وكمان حتي لو دخلوا ستات من الضيوف للمطبخ عشان يرجعوا الاطباق من علي السفره بعد الاكل قال يعني بيساعدوني لاني ما عنديش شغاله بيكون المطبخ راااايق ومنظم وما فيش مواعين كتير ولا حلل ولا اكل لاصق بس نفضي البواقي في الكيس الكبير وباقي الاكل النضيف في الصينيه الفاضيه والباقي كله في الحوض


وبكده بعد العزومه بس حتلاقي ان كل المواعين اللي عندك عباره عن اطباق وكاسات وكل الصعب ارتحتي منه
وحتي كمان ما فيش بواقي اكل تتعبك وتحتاري تحطيها فييين

موضووووووووووووع جميل استفدت منه كتير لاني عزوماتي كتير الحمد لله علي كل حال
وحبيت اكتب لكم تجاربي مع العزومات