بعد ما جاء نصوري0 تجربتي في الولاده هالمره000

السلام عليكم ورحمةالله وبركاتة0
خواتي عضوات منتدىعالم حواء الغاليات0
اكتبلكمموضوعي هذا بعد ما حل علينا ضيف عزيز وبعد ان انتهت فترةالنفاس عند أمي الله يخليها لي0


(داخلةمتحمسه)


الولاده وما ادراك ماالولاده (الله يهون علىكل حامل ويرزق كل محرومه)0

تجربتي هذي المره غير شكل عن اللي قبلها لأني قررت اني ما اروح بدري للمستشفى الأ في الساعات الأخيره

المهم (نفسيتها مرتاحة)في ايام الحمل كنت اراجع في مستوصف اهلي(ماتحب المواعيد)

وتم تحديد الولاده في 6 مارس اي 15 محرم0 يوافق السبت(الذاكره تكون قويه في تواريخ الحمل والولاده)

راح يوم السبت وما فيه اي شيء يبين ان الولاده بتهل وتشرف0

جاء الأحد وليمن وصل الأربعاء حسيت بالشراه(الحزن العميق اللذي يزيد حتى يصلالى مرحلة البكاء


)تفسير شبه منطقي0000


واتصلت على دكتورتي(امحق دكتوره في السنه حسنه اشوفها)المهم لقيتها سافرت وجاء بدالها وحده ثانيه قلت عطوني اكلمها وقلت لهاان ولادتي تأخرت يمكن التاريخ مو صحيح حدديلي 0 ما ما خلتني اتكلم قالت لازم تجين نسوي لك فحص (ما يكفي وقت الولاده)وانا اصر انها تقولي علىالتاريخ وهي تصر على اني اجي(توها جديده وبتثبت نفسها*)قفلت معي وسكرت السماعه قلت مار يوم ما قالت لي عن التاريخ منيب رايحه000

طلعنا في هاليوم نتمشى ونغير جو وراح علي اليوم بسرعة0

وجيت تعبانه ونمت نوم عميق0

اذن الفجر وقمت اصلي وبعدها رجعت انام وقبل ما انام جاني ابليس وقلت لا اليوم لازم اروح للدكتورة تعبت(خاصةوان الطلوق باديةمعي من الشهر التاسع)

وقعدت اصيح واصيح (طبعا بصمت على شان ابورها ما يحس)وفجأة وش هذا حسه الأ احس بطلق غير شكل انتظرت شوي وجاني الطلق الثاني بعد 10 دقايق واستمر الطلق وفي كل مره يزيد زلا قلت لأبو رها (يقالك فطينة)وبعدين قمت اخذت لي 7 تمرات و يوم زادعلي قلت يالله بعد الظهر لما اصلي اروح لأني اذاوصلت لعندهم ما راح اقدر اصلي والله العالم وشلون صليت مع هالألم كنت ادعوربي يفرج همي ويوم جت حول وحده الأ انا في السياره ويالله طوالي على دله وقمت اوصي فيه يا باكستانيه أو هنديه (شاطرات في كل شيء)يوم وصلنا الأ انا قد وصلت حدي يوم رقوني فوق على طول وتستقبلني هذيك القابله اللي تبرد القلب ومعها دكتوره (نور اريتريه)جدا ممتازه في تعاملها وشغلها0
وقمت ادعي ربي (سبحانك اللهم لا اله الأ انت اني كنت من الظالمين)دعاء تفريج الكرب دعاء يونس في بطن الحوت000


وجت لحظةالولاده وولدت وما صدقت كأني في حلم0



تناتيف مختارة000

الدعاء سهم من سهام الليل لا تغفلونه اول كنت اقول ياعزتالي 0متىاولد وهالكلام اللي ماله ام داعي0 وهالمره حيا قلبي وغير اطلبربي في كل وقت والحمدلله ان الله سهل هالولاده0

الله الله عليكم بالتمر يعطي طاقة للوالده وايضا مذكور في القرآن وش نبي اكثر من شاهد كالقرآن0



أيضا اول مره تجيني طلوق كاذبه وبكذا تسهل الولاده اذا جاء وقتها فتقلل الوقت وايضا يقل التعب في اثناء الطلق الحقيقي0

لأول مره اركد في بيتي واصبر لحد ما جاء وقت الزحري(الدفع)ما امداهم يحوسون فيني0

لاول مره احس بمراحل الولاده اول اروح للمستشفى وكل شيء يلخبطونه وما عاد ادري وش صار فيني000
وكالعاده مستشفى دله كما هو من 6 سنوات (يوم اول مره اولد عندهم) متميز في خدماته خاصة وانهم مجددين الغرف0

اشياء كثيره حصلت لي والحمدلله اني اخيرا ولدت 0ولاتنسون الدعاء الله الله عليكم به0

مع تحياتي للجميع بصادق الدعوات0