بعد ما خلاني ست اشهر ببيت اهلي تغيرت عليه كثير

السلام عليكم و رحمة الله
كيفكم خواتي عساكم بألف خير
يمكن البعض بذكر مواضيعيني هنا في هالقسم ومشاكلي مع زوجي تحديدا مشاكلي معه في افشاء اسرار البيت لين كبر الموضوع و ارسل لاهلي يجون ياخذوني وجلست عند اهلي ست اشهر ورجعت برضاوه (مبلغ بسيط عند اللي سواه) المهم رجعت رغم قل المبلغ مقارنه بفعايله ذيك الفتره ومقارنه بالمده اللي تركني فيها ولكن صليت استخاره وفكرت في ولدي اللي بديت افقده واشتاق له ورجعت بيتي بفضل من رب العالين
الحين صار لي ست اشهر في بيتي ولكن يا بنات احس بجرح في قلبي جرح عمييييق ما عاد احب زوجي مثل قبل حقدت عليه لانه طلعني من البيت من غير غلط مني وفشلني بين الناس ورجعت برضاوه مو مثل ما تمنيتها
والله ساعات انقهر اني رجعت رغم ان مشاكلنا الحين خفت ولكن احس ماعاد ارتاح معه زي قبل ...انا اكثر شي اثر في علاقتي مع زوجي هو كلامه عني بين الناس وبين اهله هالطبع كان فيه من بداية زواجنا كان اي خلاف مهما كان بسيط يروح يشتكي لاهلي ولاهله لييين كبرت مشاكلنا وصارت بين اهالينا ولو ما تدخلو اهل الخير واصلحو كان الحين تطلقنا
مرات اقول الحمد لله اني رجعت ولاعاد علي منه المهم اكون حول عيالي وما انحرم منهم ولا انا اول وحده ولا اخر وحده زوجها يهجرها في بيت اهلها ست اشهر
بس احس اني ماعادني مرتاحه مثل قبل احس الكل يقول زوجها ما يبيها وزهد فيها وكل يوم يتخانقون ومشاكلهم كل العالم يعرفها ما احب نظرة الناس هذي ،،،تخليني ما اعرف اعيش حياتي وتفقدني ثقتي بنفسي
لو ان زوجي من النوع الكتوم كان والله بعد كل خلاف اراضيه واطيب خاطره او هو يطيب خاطري ونفسيتي في بيتي مرتاحه بس زوجي كان من النوع اللي يعلم اول بأول يعلم اهله واهلي لين كرهته الحين .. لدرجة والله يابنات احس كأننا نمثل على بعض من يوم ما انفضحنا بين الناس والكل عرف خلافاتنا احس احنا الاثنين نمثل الحب على بعض رغم اننا قبل هالمشاكل كنا فعلا نحب بعض .. والله من رجعت بيتي احيانا اناظره وافكر اقول على ايش احبه وهو كان كل سالفه تصير بيننا يروح يتشكى لاهلي ولاهله ليييين كبرت بيناتنا وصارت بين اهالينا ولين طلعني من بيتي من غير سبب مقنع بس عشان يقهر اهلي وخلاني ست اشهر على ايش احبه.. اتمنى لو اني تزوجت واحد اعقل وانضج من زوجي وكتوم على اسرار بيته عشان احبه من قلب مو تمثيل
الله يعينني ويعين الجميع مجرررد فضفضه ربي يسسسسعدكم ويريح بالي وبالي 💐💐💐