والله ياأمهات المناهج الجديدة رائعه جدا ولكن لابد من متابعة الاهل لاولادهم ،واخلاص المعلم في مادته ،اما الصف الاول ابتدائي المفروض قبلها يكون داخل روضة وتمهيدي علشان تكون عنده قدرات وخبرات سابقة يقدر يعتمد عليها .

انا ام لبنتين اولى ورابع ابتدائي اولى هي البلاء الاعظم لغتي يعطون املاء كلمات لاطفال ماعلموهم كل الحروف خلوهم يخلصون الحروف بعدين املوهم..العلووووووووووووووووووووووم مصيبه انا عمري 32 ماقدرت احفظالتعريفات اللي فيه >>>والله حرام اما رابع لغتي كل يوم تجي بنتي من المدرسه العصر نطلع نجيب طلبات المعلمات والمطويات ...والعلوم وانواع الاحجار والخلايا والكلمات اللي تعقدنا مانطقناها>>>وباقي المواد وهلم جرا>>>>>>>>>>ابي اعرف منين نجيب وقت لهاالمواد من العصر الين الليل وحنا نذاكر واخرتها بنتي اخذت 4 لانه لم تنشد الاناشيد بطلاقه وسلاسه >>>>>ابو السخافه منااااااااهج تعبانه لدول تعبانه

اولا احب اشكر صاحبت الفكرة الى هي صاحبه الموضوع الشيق والنقاش لرائع

ثانيا مادة التربيه الاسريه معطينها للبنات لانها تخص اسلوب حياتهم من نظافه وعنايه بالملبس ولاشعر يعني زي السلوك اول بس ماعندي معلومه انها ماتتوزع على الاولاد ...
ثالثا الغالب يقول المنهج ماينفع الا للى يدخلون الروضه والتمهيدي وانا اعارضهم بشدة لان مو شرط حتى المدرسات يقولون كذا لا تعتمدين على ان بنتك دخلت تمهيدي قبل لان النمهج الجديد يبيله متابعه باعتبار الغالب من الامهات في هذا الزمن متعلمات انتي عطي ابنك او بنتك الثقه في نفسه وشوفي ابدعاته يعني لا تتقيدين بالمنهج فقط عطيه ايام الاجازة مجلات اطفال خليه يتهجي الكلمات فيها عدلي عليه مرة وثنتين والثالثه يجيبها صح حاولى تخلين الطفل يقراء الموجود في البيت يعني على علبه اللبن وعلى البسكوت الى ياكله ....


وبالتوفيق لجميع الطلبه والطالبات ...

انا اشوف لغتي رابع حلو مع اني بالبدايه ماكنت مستسيغته بالمرره لكن تعاون المعلمه معي سهل علي الكثير برضه نفس الشي الرياضيات احسه صعب لكن المعلمه جد متعاونه ويارب مايغيرونها لأني ما احس اني راح امشي فيه زين اما باقي المواد حلووين كثير

بصراااحة بعد تجربة ومعااانة

أتمنى المناهج ترجع مثل زمــــان والله أول الدراسة كان فيها متعة للمعلم والطالب..!!

أم الآن الله يخلف عليهم محد داري وين الله حاطة المعلمات يحذفون والطلاب مايعرفون وش يحفظون..!!