بعد معاناااااااااااهـ طويله مع السمنه... وأخيراً قدرة أغير من نفسي

السلام عليكم ورحمة الله وبركاته


كيف حالكم أخواتي الغاليات

مثل ماوعدتكم راح اكتب الموضوع اللي كان سبب في غيابي لفتره طويله عنكم ..

هو المفروض قبل ما اكتب الموضوع اذكر لكم المواضيع اللي كانت سبب في همي وصولاً

للموضوع اللي بكتبه ولكن راح اقول حاجه مختصره عن الأسباب السابقه عشان ادخل

بموضوعي على طول ...


بسم الله الرحمن الرحيم


انا بنت وحيده وعشت حياتي كلها بوحده وهذا طبعا كان بسبب الأهل والأخوان والوالده

وانعكاس هالوحده اللي عندي كان ايضا سببها الناس اللي التقي فيهم بحياتي العامه

وللأسف قلة احترامهم لي هذا اذا ماكان انعدام الاحترام لي من قبلهم اضافة الى نظرات

الأشمئزاز ولاكأني الا مخلوق غريب من خارج الأرض اول مره يشوفونه للأسف هذا كله

كان نتيجة الطيبه والأخلاق اللي تربيت عليها لان الصمت كان ردي عليهم بشكل دائم

والنظره المنكسره من اي موقف يصادفني معاهم ولكن ليه وايش السبب

اللي خلاهم كذا يعاملوني تتوقعون يابنات الشكل ممكن يكون أحد الأسباب ؟؟


للأسف الان أقدر اقولكم انه فعلاً الشكل للناس اللي ماتسوى اصلا اني اناظر بوجها

فعلا كان سبب والآن أقدر ادخل لكم بصلب الموضوع اللي بكتبه ......


انا يابنات سمينه مع ان السمنه بحياتها ماكانت عائق لي طول حياتي ولكنها للأسف كانت من احد الأسباب لبتعاد الناس عني لأنهم شا يفيني بشعه لاتستغربون هذي النظره بعد هي نظرة اخواني لي لانهم موشليفين حد حلو الازوجاتهم للأسف عقول تافهه ماعلينا اكمل لكم انا طبعا بعد ماتخرجت من الجامعه جلست على نفس السمنه اللي عندي وبحياتي مافكرت اني اغير من شكلي او اني انزل وزني اصلا بس سبحان الله العظيم من كثر ماتجمعت علي المواقف اللي اشوفها من الناس لما مثلا اروح بيت خالتي يقولون لي كيف العيال من جد شئ جدا محبط وان رحت مع حريم اخواني لمكان يسلمون على حريم اخواني ونا لا ورحت معاهم لمكان يقول صاحب المحل لزوجات اخواني عطي امك تشوفه ولاتشم ريحة هالعطر يعني من جد شئ في قمة الأحباط سواء من قلة الأدب في الناس اللي ماتسلم علي او في الناس اللي تظن اني كبيرة بالسن ومتزوجه وعندي عيال فاسبحان الله جتني فتره جلست افكر فيها بنفسي واقول طيب ليه ما اجرب اني احاول انزل من وزني واغير من شكلي اولاً صحه لي وعشان نفسي هالتغير طبعا وسبحانه مسهل الأمور سهلي أمري وابتديت اول خطوه ورحت عند اخصائية تغذيه واخذت منها رجيم وطلبت مني اني امارس المشي وبالفعل نفذت أمرها وجلست تقريبا على هالحال ماشاء الله 6 شهور وبعدها بصراحه حسيت ان اردتي بدت تضعف شوي مع اني ولله الحمد تقدمت كثير من ناحية الوزن وقدرت بفضل من الله وقدرته اني انزل وزني وتخيلو يابنات اني جلست مبتعده عن الناس فتره طويله ما اطلع فيها حتى بيت اخواني ما اروح له وحريم اخواني ما اطلع معاهم صديقاتي تركتهم لازرتهم ولاخليتهم يزوروني المهم اني بالمره تقريبا ماصرت اطلع وبعد ماصارت ارادتي تتقل اتبعت التخفيف من الأكل في تنزيل وزني طبعا بعد مانزل وزني صار جسمي مترهل وضاق صدري مره بصراحه وسبحانه مسهل الأمور خلاني افكر بالرياضه وبالفعل رحت وسجلت بنادي رياضي وسبحان الله العظيم قدرت بفضله وبقدرته ان جسمي الحمدلله رب العالمين ينشد طبعا بعد ماحسيت ان وزني نزل وشكلي تغير ابتديت الان الخطوه اللي بعدها وهي تغير موضة لبسي من الواسع الى المخصر والى الملابس اللي ماعمري احلم اني البسها وبالفعل رحت للسوق وابتديت اشتري لي ملابس من جد جنان وكا ما البس لبس أجلس ابكي على نفسي واقول يا الله ليتني منتبهه لنفسي من زمان بس بالنهايه اقول قدر الله وماشاء فعل سبحانه بعد طبعا ماغيرت الملابس انتقلت للي بعده وهو شعري كنت دائما رابطته وما افله ونادر حتى ما اغير بقصاته ولابصبغه فارحت للصالون وقصيت شعري وصبغته بعد كذا ولان بشرتي دهنيه واحيانا يطلع فيها حبوب رحت لأخصائية جلديه وعطتني مراهم عشان وجهي والحمدلله راحت الحبوب اللي بوجهي المفاجئه الان وين هي فيه بالعيد هذا لما طلعت للضيوف اللي زارونا والله العظيم ماتتخيلون كيف كانت نظراتهم لي كلهم يقولون لي مين انتي مانصدق انك انتي مستحيل راح نصك وش سويتي وش هالحلا كله وجهك تغير وجسمك خاصة تغير مره وش اللي صار فيك فأقولهم اني سويت رجيم ورياضه فامايصدقوني قد ماههم منبهرين وتخيلو من جد قد ماهم مبهورين فيني مية تحذير يقولونه لي كل شوي انتبهي ترجعين زي ماكنتي انتبهي اما صديقاتي واخيرا رحت زرتهم واجتمعنا عند وحده من صديقاتي والله العظيم يابنات كل وحده تدخل تقول مين هذي بعدين تقول لااااااااااااااااا ما أصدق وش هالحلا وش هالجسم وش صار فيك تهبلين اتجنين ويحلفون لي بالله صديقاتي يقولون والله لولا انه حنا نعرفك ولا كان قلنا انك مو انتي يقولون لي انه شكلي متغير 180 درجه عن اول حتى المكياج صرت وقتها اتابع بالتلفزيون طريقة وضع المكياج وصرت ولله الحمد اعرف احط مكياج مره ناعم بناتي يعني اما زوجات اخواني فا أنا كنت عشان ما ابغاهم يشوفون شكل جسمي كيف صار كنت البس ملابسي الواسعه فالما شافوني يحلفون لي بالله ويقولون من جد تغيرتي احلويتي لدرجه فضيعه اما بيت عمتي لما رحنا وشافوني قالولي ماعرفناك والله ماشاء الله تبارك الله وش صار فيك طلعتي مره تجننين هذا غير لما رحت اصبغ شعري واقصه بعد ماقصته لي واستشورته لي قالت لي ماشاء الله اكيد هالحين انتي فيه زواج لما تروحين الحفله واجد حلو انتي ههههههههه والله العظيم يابنات اني صرت بعد كل طلعه ارجع للبيت ابكي واحمد ربي واشكره على اللي سواه لي ومساعدته لي في أني انحف ...

اكيد الان جزء كبير منكم راح يقول يعني كم كان وزنك اصلا عشان يكون هالتغير اللي تتكلمين عنه قولو (( مشاء الله تبارك الله )))



كان وزني 100 والان صار 75 ولله الحمد والشكر واتمنى منكم انكم تدعون لي ان وزني ينزل للوزن اللي اتمناه وان الله يصبرني ويعطيني الإراده والقوه ووفقني على كل شي اقوم فيه عشان تحسين شكلي اوجسمي ويارب يرزقني معاكم بكل مانتمنى ويعطينا الصحه والعافيه ..


وطبعا الحميه اللي اتبعتها كانت متنوعه اول حميه استمريت عليها

خمسة شهور وهي :
1=

الفطور :

= زبادي + كوب حليب قليل الدسم

الغداء:

= 2 توست بر + 1 جبن + خس وطماطم + عصير برتقال طازج

العشاء :

= تونه خاليه من الزيت + 2خيار + خضار مشكله مسلوقه

2=

الفطور :

= برتقاله + أناناس + حليب قليل الدسم

الغداء :

= سلطه خضراء + 2 برتقال + زبادي

العشاء :

= سمك مشوي بالفرن + ربع رغيف خبز + عصير برتقال + خس

3=

الفطور :

= حليب قليل الدسم + 1 ثمرة جريب فروت

الغداء :

= زبادي + شريحة خبز بر + سلطه خضراء

العشاء :

= صدر دجاج مشوي بالفرن + خضار مسلوقه + كوب لبن قليل الدسم

4=

الفطور :

= 2شريحة توست بر + بيضه مسلوقه + خيار وخس

الغداء:

= حليب قليل الدسم + سلطه خضراء + تفاحه

العشاء :

= زبادي قليل الدسم + 2 فاكهه ( اي نوع تفضليه) + لحم مشوي

5=

الفطور :

=1 فاكهه + زبادي قليل الدسم

الغداء :

= 3 توست بر +بيضه + شريحة جبن قليل الدسم + 2 فاكهه

العشاء:

= 3 ملاعق جبن أريش + 2 شريحة من رغيف الخبز البر + عصير برتقال

6=

الفطور :

= زبادي قليل الدسم + 1جزر + 1 طماطم

الغداء :

= سلطة فاكهه مكونه من ( 1 تفاح + 1موزه + 1 كيوي + 2 برتقال )

العشاء :

= سمكه بالفرن + سلطه خضراء + ربع رغيف خبز بر

7=

الفطور :

= 1 ثمرة جريب فروت + 2 توست بر

الغداء :

= حليب قليل الدسم + 2 فاكهه + خس وطماطم

العشاء :

= خضار مسلوقه ( فصوليا خضراء + قرنبيط + كرفس+طماطم + جزر)
+ 2 برتقاله + 1 توست بر



طبعا أنا بعد ماخلصت من هذا الرجيم صابني ملل قوي جداً من هالروتين اليومي بالأكل

فاقررت اني أغير الى رجيم ثاني ولكن هالمره مو مثل الرجيم الأول كان من أخصائية

التغذيه لاوالله انا اخذته من النت وبفضل من الله قدرت انزل عليه 4 كيلو بأربع أيام

وهالرجيم ماسويته الا مره لاني من جد ماقدرة اتحمله ابدا وهو للأمانه اساساً مايصح

عمله الا مره وحده بالسنه وهو الرجيم الكيميائي :


1=

الفطور :

= هو نفسه في الأربع ايام


= 1 جريب فروت اوتفاحه او برتقاله + شاي بدون سكر + 1 توست بر

الغداء :

= 2همبرجر فيليه دجاج + سلطه مكونه من خس وطماطم + 1 توست بر

بعد 3 ساعات اي فاكهه

العشاء :

= 2 بيض مسلوق + فصوليا خضراء مسلوقه

قبل النوم عصير تفاح

2=


الغداء :

= دجاج مشوي بالفرن + سلطه خضراء + بعد 3 ساعات عصير طماطم

العشاء :

= طبق خضروات مكون من ( كوسا + قرنبيط + فاصوليا )

قبل النوم عصير تفاح


3=

الغداء:

= 2 بيض مسلوق + فصوليا مسلوقه + بعد 3 ساعات عصير طماطم

العشاء :

= 2 همبرجر فيليه دجاج + سلطه

قبل النوم عصير أناناس

4=

الغداء :

= سمك مشوي بالفرن + سلطه + بعد 3 ساعات عصير برتقال

العشاء :

= همبرجر فيليه دجاج + 1 طماطم

قبل النوم عصير خوخ


طبعا بعد هالرجيم حاولت اني احافظ على هالأربعه كيلو عن طريق اكل الخضار

والفواكه والسلطات واللحوم المسلوقه او المطهوه بالفرن وكنت اكل كثير خس

وخيار كل ماحسيت بالجوع ولكن بعد فتره حسيت اني خلاص مو قادره اتحمل

وابغا اكل على راحتي فاصرت اخفف من الأكل ثم بعدها رحت عند اخصائية تغذيه

ثانيه وعطتني شوربه وقالت لي استخدميها ولكن مع المشي كل يوم من ساعه الى نصف

ساعه على الأقل وبالفعل صرت امشي كل يوم تقريبا نصف ساعه الى ساعه احيانا

واذا جا العصر اشرب من هذي الشوربه وبعد العشا هم اشرب منها لانها قالت لي

كل ماحسيتي بالجوع اشربي منها لانها تحرق الدهون بالجسم وفعلا انا شخصيا

حسيت بفائده منها وكان وزني ينزل بشكل طبيعي مشاء الله

وهذا بفضل من رب العالمين طبعا ...والشوربه هي :


الشوربه الحارقه للدهون :


نصف حبه ملفوف + 2 طماطم وسط + 1 فلفل اخضر بارد + 1 بصل وسط

+ نصف حبه ماجي قليلة الملح وماء حسب الحاجه..

طبعا تقطع الخضار وتوضع مع حبة الماجي والماء في وعاء

الى أن تغلي وتنضج بعض الشئ وتسكب في وعاء الأكل وتشربيها بالهناء والعافيه .

================================================

طبعا أنا استمريت فتره ايضا استخدم التخفيف مع هذي الشوربه ولكن ايضاً

حسيت بالملل وتركت هذي الشوربه وبعدها خلاص صرت بس اخفف من

الأكل واحيانا اخترع لنفسي رجيمات عشوائيه يعني مو في بالي الآن

لأني كنت اصحى من النوم اصلا مو عارفه وش راح اكل بهاليوم فأشوف الثلاجه

وش فيها وعلىهالأساس اقرر وش بكون رجيمي في هذا اليوم يعني تقدرون تسمونه

تخفيف الى رجيم بلا هويه ههههههههههه وبس ..

واتمنى انكم تستفيدون من اللي كتبته لكم

اما كيف كانت يومياتي مع فترة الحميه هذي فراح اكتبها تباعاً مع الأيام إن شاء الله ...

واتمنى اشوف ردودكم وتقولون لي اللي سويته يستاهل هالغيبه كلها ولا لا


والله يحفظكم يارب