بعد معاناة ثلاث سنوات اسمعو قصتي

الله يشفي جميع المرضى يارب ويخفف عنهم لانه المرض ولا عمرة بكون سهل او راح يسير سهل بس ماما الله يشفيها مرضت فيه وانا كنت معها خطوة بخطوة فا كنت انا المريضة وحبيت احكي قصتي والي مرينا فيه للافادة وللتشجيع او يمكن لانه حابة احكي عن الي مريت فيه ما بعرف ليش
اولا المرض سببه الزعل اه الزعل انا متعلمة وموظفة بس بعد تجربة ماما من لما توفى رحمة اخوي الله يرحمه ما استوعبت الموضوع وضلت 24 ساعة تبكي بعد سنتين من الانطواء ولا تروح ولا تيجي والبكاء طلع معها المرض والحمد لله
طبعا غير المرض من كتر الزعل صار معها مرض القلب طبعا هي ماكانت لسه 50 سنة وكبرت عشرين سنة خلال سنة واحدة والحمد لله وغيرة من المصائب الي صارت معنا خلال سنة كل مصائب العالم نزلت علينا والحمد لله اكتشفنا المرض بالصدفة اخدت ادوية القلب جديدة وصار دمها ينزل ويوصل 5 ناخدها مستشفى يحكو من الدوا لجديد ومرة قالو ماصور اخر اشي اخده عينة منها وطلعت النتيجة انه مافي مرض معها ونبسطنا شوي والكل عرف ما معها المرض بس انا ما اطمنت كنت حاسة في اشي فا اتبعت حدسي رحت دكتورها قلي شو رايك اعيد العينة وابعتها منطقة القدس وهاي صعبة شوي لوجود الجدار الفاصل ولازم تنسيق بينا وبين اسرائيل اصريت نعمل عينة بصعوبة جدا وانا كنت مشرفة عالموضوع واجت الطامة انه معها سرطان القولون بتاريخ 03/01/2009 وماحدا عرف الا انا طبعا احنا لسه كنا مستسلمين للحزن بعد وفاة رحمة اخوي وانا كنت مستسلمة للدنيا لا اروح ولااشي هلا اجتني همة غريبة شديت حالي ما حكيت لاخواني ولا لاي حد لاني لكبيرة اخدت ماما عالمستشفى يشيلة الورم مبدئيا قلت ليشيلة وتبدا بالكيماوي بحكي للكل وضلت بالمستشفى عشر ايام واقنعتها انه معها التهاب وهو عامل الها كل هالمشاكل ولازمه عملية لترتاح والكل اقتنع بكلامي ليوم العملية وكانت صايمة عالسوائل الها اربع ايام اخر لحظه اجانا دكتور القلب وحكا ما بسير هاي مع العملية راح تموت لانه القلب بتحملش فا خليها تعيش معكم تلات لاربع شهور ولا انها تموت بدقيقة هلا والكل اخواني عمامي خوالي عماتي الكل اجا المستشفى وما بعرفه انه مرض انا بهاي اللحظة انه ماما ضايل الها تلات شهور نهرت طلعت برا المستشفى ونهرت اخواني شكة راجعة دكتوها وقال الهم معها المرض روحناها البيت والكل حكالي خلص لا تاخدوها عادكاترة ما الها علاج هاي وربنا من فوق بس بتلطف فيها بعد يومين برضه شديت حالي وما ستسلمت واتبعت حدسي اخدت تقرير من مستفى انه ما الها علاج عندهم وحكولي هاي خلص ما الها علاج باي مكان قلبها ببتحملش البنج وبعتت لمستشفيات القدس هي مستفيات عربية بس تحت السيطرة الاسرائيلية جبت تصريح من الصليب وحوالة طبية تغطي بس 70% ورحت القدس الي تبعد نص ساعة بس وما اخدت معي اغراض بس النص ساعة هاي معناته سفر وانا انتقلت لدولة تانيه ولما ادخل بقدرش ارجع لانه التصريح مش بسهولة رحت مستشفى المقاصد والكل ما شجعني انه بلاش يعملة عملية وتموت ما سمعت من اي حدا وحكيت الها انت تثقي فيه انا بنتك عمرك سمعتي عني كلمة مش منيحة او شكيتي فيه قالت بثق فيك قلت الها كملي الثقة لا تسمعي من اي حدا اسمعي كلامي وبوعدك انه تشفي شفا كامل قالت ولا راح اسمع الا الك
رحنا المستشفى معي بس 500 شيكل ما يقارب 450 ريال مواصلات راح منهم 100 شيكل ما معي اغراض ولا اشي اخدت اغراض بسيطة لماما دخلنا المستفى قالة لازم تدفعي اقل شي تحت لحساب 2000 شيكل لانه التغطية تاعتكم 70 بالمية بس حكيت مع الادارة انه من الضفة ومشوني وانا راح اجيب المصاري بعدين دفعت الي معي للمستشفى كلهم ودخلت المستشفى بتاريخ 02/02/2009 ضلينا بالمستشفة لغاية تاريخ 22/03/2009 وانا لا مصاري الوضع المادي كان سيء جدا مقطوعة عن اهلي بس عالتلفونات لانه بدهم تصاريح لا اكل لا شرب ولا اشي بس ولا بينت ولا حدا شاف اشي او لاحظ اشي الي مرينا فيه بالمستشفى لا نحسد عليه عملت العملية مع مخاطرة كبيرة قلي الدكتور نسبة فشل العملية كبير بس مش مستحيل توكلت على الله وكنت متاكدة انه راح تشفى وربنا شايف انه بدونها خلص بنموت موت جماعي كا عائلة عملت العملية ودكتورها شاطر كتير سريع وضل واقف عالسريع عمل الها العلمية باقل مدة منشان البنج ما ياثر عالقلب بعد العملية ما قاومت امي ولا اكلت ولا شدت حالها مستسلمة كانت للحزن والمرض ضليت اشجع فيها كنت 24 ساعة اشجع واحكي دعم معنوي لانه المرض بدة نفسية سليمة وبس بتارخ 22/03 طلعنا من المستشفى الي هو سفر واتصلت بشغلي وسلفيات غطين المستشفى وقروض وديون وبرضه ما استسلمت بهمة قوية اخدت اجازة من شغلي مقطوعة الراتب طلعنا عالبيت رجعت بنفس اليوم عالشغل وارجع البيت لامي الساعة 4 واضل اشتغل بالبيت لنص اليل وتاني يوم عالشغل طبعا انا لكبيرة بالبيت اخواني صغار الي اخ شاب كبير كان يساعدني لانوم ولا اكل انا وهو كنا والحمد لله ولديون حدث ولا حرج شدت حيلها امي بالزور يعني واحنا نشرح الها دايما هلا اجا دور مرحلة انه نخبرها انه مرض راجعناها بعد مد وجزر وصليب احمر لتصريح مرة تانيه عالقدس بتاريخ 20/04 وهناك واحنا نستنا بالدكتو ر قلت الها بتعرفي انه اول اشي قالة الدكاترة راح تموتي وماراح تتحملي العملية وهي الحمد لله عملتي العملية ووضعك منيح قالت الحمد لله قلت يعني انا وعدتك ووفيت بوعدي فا برضه اسمعي مني ودخلنا الدكتور قلها هلا دور الكيماوي وشبه نهارت بس ما تركتها وكان اخوي جاي تهريب ومخاطرة كبيرة عالقدس جاب الها وردة واجانا المستشفى وشجعناها وعلى طول بنفس اليوم رحنا مستشفى المطلع الكيماوي بالقدس قريب للمقاصد واخدنا موعد وورقة من قسم الكيماوي للصليب وللتصاريح وعملنا جولة عالقسم وفرجيتها ناس بياخده كيماوي ووضعهم منيح بعدا الكيماوي ومرينا بوقت الله لا يوريه لاي حدا من عسر مادي ومواصلات صعبة وتصاريح بصعوبة من اسرائيل نروح مواصلات وندخل المعبر ويوقفونا اسرائيل كانت بعالم تاني لا تحس بحالها
سنتين على هالحال هي وضعها مش صعب بس مشكلتها ما تحملت الاشعة وجسمها ضعيف كتير قبل الكيماوي كان المهم مرت هالمرحلة بكل صعوبتها الي مافي وصل يوصفها
الي حبيت احكي انه اي مريض هلا بدخل فيكم بقراء قصتي متاكدة وضعة كان افضل مني بكتير من ناحية لا وجود للاحتلال الوضع المادي الايسر شوي انه يروح المستشفى بسيارة رايح جاي انا كنت انزلها المعبر وتفتيش مافي مصاري ارجعها سيارة طلبات نرجع مواصلات والي بياخده كيماوي بعرفه صعوبة هالاشي والخلاصة انه العلاج بدة:
ايمان قوي
ارادة
اتباع الحدس ولا يستسلم شو راي الطب ياخد بمشورتهم بس كلامهم مش منزل
الامل اهم اشي الامل
النفسية لانه لما كانت نفسيتها تتعب مناعتها تنزل ولا تاخد جرعة وهالاشي كانت انا دايما محرصة عليه بس مرات الامور تفلت شوي
الثقة بالنفس
ما يسمع لكلام الناس او نظرات الناس اله لانه الناس لما تسمع مرضت بهالمرض بحكمة عليك انك متت وراح يعاملوك على اساس ميت هلا الغلط مش بالناس الغلط انه انت تستسلم لنظراتهم وكلامهم
والحمد لله هلا لما ارجع من الشغل واشوف ماما بتحضر الي بالغدا بعيد شريط الايام الي فاتت براسي وبحكي الحمد لله على كل الشي وبعرف شو انا محظوظه الديون تسددت الاكل هيني رجعت اكل دبل عن اول دلع بدلعني برضه دلع دبل
اسفة عالاطالة والتفاصيل بس حبيت انقل الكم القصه وتتاملة بالحياة وتستفيدو لكل مريض او عنده مرض ويحمد الله ويتوكل على الله