بعد معاناة طويلة مع البقع.... اخيرا وجدت الحل السحري !!!!!

اخواتي ...... انا عضوة جديدة ...كنت اول ادخل المنتدى بس ما سجلت فيه الا من قريب وحبيت اشاركم واستفيد منكم وتستفيدون مني واليوم اول موضوع اكتبه يهمكم كلكم واتمنى انه يعجبكم وتستفيدو منه
طبعا كلنا نعاني من وجود بقع سمراء في جسمنا..... اثار جروح قديمة وايضا اختلاف لون بعض مناطق الجسم مثل الركب والكوع .....الخ عن باقي الجسم.....:( ونصحتني وحدة مغربية الله يسعدها اني اعمل حمام مغربي مرة في الاسبوع لعدة شهور وراح تختفي هذه المشكلة
وفعلا عملت اشتراك في عدة صوالين ...كل اسبوع اعمل حمام مغربي لمدة طويلة....والنتيجة:42: شئ خياااااااااااااااال جنان....بصراحة حاجة ما تنوصف كل صديقاتي يسالون ايش عملتي صار لونك حلو وجسمك صافي ومشدود وناعم جدااااا زي الزبدة ....والسواد اللي في الركب والكوع والبقع اللي في ساقي وكمان بقع في ظهري كلها اختفت بعضها 100% والبعض 80% والله ما ابالغ اذا قلت لكم صارو صديقاتي ياخذو عناوين الصوالين اللي مشتركة فيها عشان يسالوا المغربية ايش الخلطات اللي تعملها لي
والسر في الحمام المغربي المستمر يعني مو كل سنة مرة ....لااااااااااااااااا كل اسبوع مرة ....بس لازم تكون معاه الخلطة السحرية واخذتها من وحدة مغربية مع اضافات من عندي وتجارب بنات كثير في منتديات ثانية...يالله جهزو ورقة وقلم وسجلو الخطوات

1- اول ما تدخلي البخار اغسلي جسمك بالماء الساخن ثم ضعي على كل جسمك ملح الحليب وعلى وجهك مقشرخاص بالوجه ( انا استخدم مقشر كلارنس ...او اي صنفرة متواجدة عندك خاصة للوجه )وانتظري ثلث ساعة
2- اغسلي جسمك بالماء الساخن لازالة ملح الحليب.....بعدين ضعي الصابون المغربي مخلوط مع قليل من الشبة على كامل جسمك وانتظري 5 دقايق ثم اغسلي الجسم جيدا لازالة الصابون وابدأي بفرك جسمك بالليفة المغربية....ثم اغسلي جسمك بالماء
3- ضعي كريم صنفرة من اي نوع تحبيه خاص للجسم
4- اغسلي كريم الصتفرة من جسمك جيدا وضعي الخلطة السحرية
5- انتظري 10 دقايق ثم اغسلي جسمك ووجهك بماء بارد من الثلاجة حتى تقفلي المسامات
6- نشفي جسمك جيدا ثم ادهنيه بزيت اللوز او كريم زبدة الكاكاو او الجليسرين مخلوط مع جليسوليد..وابتعدي عن اي كريم فيه عطور لان مسامات الجسم مفتوحة لذا من الافضل دهنها باشياء طبيعية
7- امسحي وجهك بقطنة فيها ماء ورد بارد وضعي اي ماسك مغذي للبشرة ( انا استخدم ماسك من كلارنس اللي يروي البشرة ويحميها من الجفاف...لا تنسو ان البخار يجفف بشرة وجهك)
8- امسحي الماسك بقطنة مبللة بماء ورد بارد ( دايما ضعي ماء الورد في الثلاجة):26:
طبعا كلكم تبغو تعرفوا ايش هي الخلطة السحرية؟؟؟؟؟؟؟؟؟؟؟؟:21:

؟
؟
؟
؟
؟
؟
؟
؟
؟
؟




الخلطة السحرية هي مقادير متساوية ومطحونة من البابونج والورد المجفف والخزامى والداد والقرنفل وقليل جدا جدا جدا من العكر الفاسي واخلطي الجميع مع طين مغربي ( غسول) وماء ورد
طبعا راح كثير يسال عن المقادير ومن فين؟؟؟؟؟
:42: :42:






البابونج والخزامى والقرنفل والورد المجفف كلها عند العطار...تطلبي من العطار يطحنها لكي عشان تصير بودرة ناعمة
الداد ...عشبة مغربية لها شكلين اما بودرة او خشب يطحن ليصبح بودرة ....بصراحة ما اعرف فين يكون موجود في السعودية ودول الخليج....انا اجيبه من المغرب دائما بودرة مطحونة جاهزة واخزنه في الفريزر لانه يسوس زي البهارات...ممكن تسألي المغربيات في الصوالين او توصي عليه احد رايح المغرب
العكر الفاسي...بودرة لونها احمر غامق.....ولونه قوي جدا عشان كدة لا تضعي الا قليل جدا اقل اقل اقل من ربع ملعقة صغيرة ....وهو غالي جدا ويوجد منه نوعين اصلي ويكون سعره غالي ولونه احمر غامق.... والتقليد يكون لونه فاتح ورخيص جدا ...احذرو من التقليد....وانا اجيبه من المغرب بس سمعت بنات يقولو انه موجود في محلات العطارة الكبيرة زي ابازير اللي في المساعدية في طريق المدينة بجدة
طبعا الطين المغربي صار موجود في كل مكان وعند العطارين وبعض الصوالين...بس انا اجيبه من المغرب ايضا عشان اضمن انه اصلي مش مغشوش وعشان ارخص بكثير
ملح الحليب تلاقيه عند العطارين واحيانا في محلات التجميل الصغيرة.... في كيس مرسوم عليه شكل بقرة
والله يا بنات اني بعد استمرار على هذه الوصفة ( اشهر طويلة ...كل اسبوع اعمل حمام مغربي بخلطاته)
صار جسمي يجنن ومشدود وحتى السيلوليت تقريبا اختفى مو مثل اول
جربوها واعطوني رأيكم..... وادعو لي :26: