بعد معاناة مع زوجي اطلقت تعالو استفيدو من قصتي

السلام عليكم ورحمة الله وبركاته 

اول مرا اكتب بالمنتدى بس حبيت قصتي وتكون عظة وعبرة للجميع وابغى مواستكم ليا :(


انا ليا سنة ونص متزوجة زوجي كان مايبغاني اسالو عن اي حاجة تخصو على طول يعصب ويطلعني غلطانة مع انو طيب وحنون ادا ماادخلت باامورو الخاصة على قولو 

بعدين اكتشفت انو يستخدم الحشيش تعبت نفسيتي وانصدمت فيه لانو كان بنظري شيء وطلع شيء ثاني كان دايم يكلمني عن المدمنين ومشاكلهم وانهم مايخافو الله دخلت اهلي وقلت لهم على مشاكلو معايا من بداية الزواج وانو متقلب المزاج صرت ماعاد أثق فيه ولا امن نفسي معا لانو كدا مرة دخل اصاحبو البيت وسهرو واستخدموه وانا موجودة واحيان مااكون موجودة بالبيت واجي القى البيت مؤ زي ماتركتو واعدني يتركو واني لازم اساعدو نسيت كل شيء ووقفت جنبو وحاولت اساعدو ووضحت له من كلامي انو دنيتي كلها وانو سندي في دي الحياة واني احبو وادا ماتركو ماراح استمر معا كدا لاني ماارضى عيالي يشوفو بالحالة دي والناس تنظر لهم نظرة ماهي حلوة  واعدني كل شيء يتغير وصدقتو كنت ألاحظ أشياء غريبة واكتفي بالتلميح واستمرت الايام وكان يجيب اصحابو بالبيت بس مافي دليل انو يستخدم وكانت تصير مشاكل واروح عند اهلي ويراضيني وارجع .
بعدتو عن اصحابو واقنعتو ننقل من الشقة الي احنا فيها ونقلنا وعشنا ايام حلوة وانبسطنا صار يهتم فيا اكثر من اول بزيادة


وبيوم اكتشفت انو لسئ يستخدم واجهتو قلي لا انا واعدتك وعند وعدي انا قلت له انا رايحة بيت اهلي ولاعاد باارجع ابغى منك ورقتي بس. انتا ماعندك نية تبطل  ورحت بيت اهلي وجلست فترة واهلي كانو رافضين رجعتي وكلمني هو يعتذر ويتااسف وانو ندمان و كلمت اهلي ورجعتلو وياليتني مارجعت ......



ردني لآهلي مكسورة مُهانة حسسني اني ذليت نفسي برجعتي له حسيت انو مغصوب عليا الايام الاولى كان يأخذني بحضنو ويقولي انا اتغيرت وانا تركتو وانتي ماراح تجيبي عيال الا مني انا حسيت الدنيا ماهي واسعتني من الفرحة 

وبيوم دخل عليا وهلكني ضرب واتصلت بااهلي قلتلهم تعالو خذوني وقلتلو طلقني قال ورقتك تجيكي......

اسبوعين وطلقني وهذا الي استفدتو من وقفتي معاه ومساعدتي له.....