بسم الله الرحمن الرحيم
يسعد اوقاتكم ...
طبعا انا كثير دورت خلطات وجربت وحست وخساير ع الفاضي:ohwe: من اسمع وحده تمدح اطير اكتب الاغراض وللصيدليه او للعطار ودرجي تعبى ولا بقى شي ماجربته طبعا خلاصة تخبيصي لسنوات طلعت بالنتيجه هذي :2thmup:
اهم شي واول شي العناااااايه الداخليه :f226: يعني لاتحاولين بكريمات وخلطات والكبد وا لكبى مليانه سموم من الاكل السيء او نتيجه الخلطات والكريمات وانتم عارفين ان كل شي يندهن فيه الجلد يدخل لجوا يمشي بالدم وبعدين للكبد والكلى لان مهما جربتي من خلطات بتفتح فتره بسيطه وبترجع حالتك اسوء
اول شي عالجت النقص وفقر الدم عندي اخذت فيتامينات وبالنسبه لفقر الدم انقع زبيب الاسود والصباح احطه بالخلاط مع برتقاله وتفاحه واحيانا ملعقة عسل استمريت تقريبا شهرين او شهر ونص
لمن رحت للدكتور احلل قالي نسبت الدم عندك فوق المستوى الطبيعي ماشا ءالله لاقوة الا بالله
:booo:
وبعدها قررت انضف جسمي من السموم بهذي الطريقه ..
لمدة شهر واسبوعين كل يوم على الريق ملعقة عسل كبيره وملقعة كركم صغيره مع كوب مويه (( دافي ))
بعدها بنص ساعه اكل برتقال و7 تمرات وكوب مويه
ومتى ماجعت افطر ..
على الغدا لااااازم سلطات وخضار طبعا انا ابدى اكلي بالسلطه عشان اشبع سلطه << ذكيه بعدين اكل رز ولحم
والعصريه اكل فواكه لاااااااازم واذا كنت عاجزه اكل احطهم بالخلاط تفاح برتقال موز (( بدون مويه ولا سكر)) يكون ثقيل طبعا لان مااشيل منه شي واذا احتاج احط نقطة مويه ولا اصفيه
والعشى اتعشى قبل انام بــ 4 ساعات
طبعا الزبادي شي مهم جدا والمويه ياناس المويه اهم شي لازم اقل شي 7 او 8 اكواب :biggthump
من الاشياء المفيده للتخلص من السموم الكركديه الزنجبيل والشاي الاخضر والنعناع
طبعا هذي الاشياء اشربها لاكن مو بانتظام
والحلبه يالبى الحلبه اشربها تقريبا يوم ورا يوم احط معاها يانسون والله مافي ريحه ولا شي ...:tongue:
*** طبعا انا ماحرمت نفسي من الشبس والغازيات لاكن قللت منها بشكل كبييييير يعني بالاسبوع مره واحاول ابعد عنها قد مااقدر ***
خلصنا من الاكل .. صار كل شي صحي وسليم واوكي بما ان الاهتمام الداخلي هو الاساس فـ بهذي الطريقه قطعتي ثلاث ارباع المشوار واصبح سهل جدا :2thmup:
طيب بما ان بشرتنا كانت معدومه لااازم نسوي لها تقشير عشان تروح البشرة التعبانه وتطلع لنا بشرة جديده نهتم فيها افضل مقشر من لوريال وعموما افضل منتجات الكريمات لوريال باريس وروك اما اولاي ماتناسب البشره الدهنيه ابد ابد وغارنيه لايت نتائج تستمر فتره شهر وترجع النتايج عكسيه عشان كذا خليك على لوريال
وافضل مقشر للجسم هي سنفره كاب طبعا فترة التقشير لازم تهتمين بالترطيب والا بتجي النتايج عكس
طبعا انا استخدم مجوعه لوريال وايت بيرفكت كريم النهار والمساء والتونيك والغسول جدا رائعه
وافضل صابونه الكركم
فتره التجارب حقتي فيه اشياء حلوه تعلمتها وللحين اسويها
طبعا اغلب الخلطات اخذتها من بنات هنا ربي يوفقهم ويسعدهم دنيا واخره
الشي اللي مررررررره روعه مايحتاج جهد ولا وقت وربي يسعد اللي كتبت عنها
كريم الجليسوليد تعصرين نفس كميه الكريم ليمون وتخلطينهم وتحفظينه بالثلاجه قبل ماتتروشين تدهنين جسمك وتجلسين ساعه الى ساعتين وبعدها ادخلي الحمام رشي جسمك مويه وجيبي ملح الخشن بس اطحنيه خليه ناعم وافركي جسمك هالخلطه رهيييييييييبه بجد يطلع لك الوان من جسمك وغير النعموووومه شي خيال
****************
الخلطه اللي فتحت جسمي ووحدت اللون جبت جليسوليد الاحمر وحطيت زيت زيتون وليمون ونشا وقليييييييييل فقس طبعا المقادير بالنظر وصرت كل يوم ادهن جسمي والبس بجامه كم طويل وانام واصحى اجيب ليمون اقطعه شرايح افرك جسمي كله واجيب الملح الخشن بس اطحنه واخليه ناعم وافرك جسمي جلست شهر والله تفتيييييييييح وجسمي توحد لونه وراح كل السمار والبقع الحمدلله :icon32:
طبعا الترطيب شي مهم جدا جدا كل مااغسل يدي ادهنها بجليسوليد
بعد ماوصلت للنتيجه اللي ترضي وقفت الخلطه بس استمريت على نظامي ان كل مااقعد من النوم ادهن ركبي واكواعي بجليسيوليد وزبدة الكاكاو بالمرز
وقبل ماانام بعد
وكل اسبوع ادهن جسمي كااااااااامل بزيت زيتون ولوز حلو اجلس ساعه ساعتين واغسله واحط بشعري حنا طبعا الحنا اعجنها بمويه بصل وثوم ومحلب اغليهم على النار واعجن الحنا بمويتهم
واليوم اللي بعده ازيت شعري بزيت سمسم حاطه فيه ملقعة كركديه مطحون وخميره روعه هذا الزيت
صدق هذي الاشياء تبي وقت وصبر بس على الاقل نتايجها مضمونه ومافيها ضرر وسموم تدخل الجسم
الحين راح اقولكم الاشياء اللي اسويها بين فتره وفتره على حسب فضاوتي
فيها طريقه للاخت حور الجنان ربي يشفيها هذا الرابط
http://forum.hawaaworld.com/showthread.php?t=1747127
راح اكمل لكم بعدين تعبت وانا اكتب .. :7_5_122:
وعشان ماتتعبون اذا كتبت شي جديد راح اكتبه بالصفحه الاولى يعني اسوي تعديل على نفس الموضوع هنا :laugh2:
ولاتنسوني من صالح دعائكم ان ربي يسهل اموري ويسعدني دنيا واخره ويوفقني
al.3noud.a @al3nouda_1
محررة برونزية
يلزم عليك تسجيل الدخول أولًا لكتابة تعليق.
نسنسه
•
الله يوفقك يارب
الصفحة الأخيرة