بعد موضوعي .. وحده ارسلت لي خاص.. امي مريضه نفسياً

السلام عليكم

العضويه مشتركه بين 3 بنات

عشان ماتستغربون من الردود...


المهم.. انا قبل فتره نزلت موضوع امي مريضه بالزهايمر وفي ناس بيخطبوني الخ....



وحده ارسلت لي خاص بمشكلتها ... طبعا قريبه جداً من مشكلتي عشان كذا ارسلت لي خاص... وهو عضوه معروفه هنا لكن ماتبغى تنزل مشكلتها بعضويتها..


نص الرساله...


السلام عليكم ورحمه الله مرحبا اختي عشقت كيف حالك..؟

شوفت موضوعك بخصوص مرض امك بالزهايمر وعندي مشكله قريبه جدا من مشكلتك... انا لي صديقه قديمه من 7 سنوات لكن ماعمرها شافت امي .. للاسف امي مريضه نفسيا مرض صعب جدا لاتصلي ولاتصوم وتدخن وتسب الصحابه والرسول الله يهديها بسسس حتى جدتي متوفيه وتقوم بسبها ولعنها كذا بس... مع العلم كانت تصلي وتصوم لكن من توفت جدتي تغير حالي امي كثيرررا

ابوي متوفي .. اخواني 2 متزوجين ومانشوفهم الا قليل ماعندي الا 2 خالات خارج منطقتنا يكرهون امي كره شديد ولا الومهم في ذلك... صديقتي المقربه خطبتي لاخوها.؟ خفت بكيت ترددت وش اقول ... لي اخت متزوجه بمقام امي خارج منطقتنا ممكن تجي عندي وقت الخطوبه... لكن امي امي مريضه والعلاج مستحيل تاخذه .. خوالي واخواني كلهم تعبوا معها اخر شي اتركوها وهي من زمان عنيده قبل لاتتوفى جدتي اي شي تبيه تاخذه غصب يعني غصب ... الان مريضه وعندنا شغاله وانا بالبيت لكن مستحيل ثم مستحيل اخليها تشوف الخطاب والله شاهد اني ماظلمتها اختي اذا جت تقعد تدخن عندها وتهزا اختي وتقول الله يسولف معي كلام كبيرررر جدا ...

انتي ي اختي عشقت وش قلتي للخطاب امك مريضه زهايمر..؟ طيب انا صديقتي ماتعرف شي عن مرض امي ولو شافتها بتقول هذي ليبراليه من كلامها وتقول انا بدخل الجنه والله يسولف معي بالليل وخرابيط كثيره

برايك اقول لهم امي نفسيه .؟ بيقولون خلينا نشوفها نسلم عليها..؟ او ايش اقول ... انا تعببببت ابي اتزوج واهج خلااااص عمري 30 سنه لازواج ولاوظيفه ولا اشوف احد ولا احد يشوفني

لكن امي متعبتني اغاني وسهر وكلام متعب وش اقول وش اقول للخطاب اذا قالوا عطيني امك اكلمها او خلينا نشوفها تسلم علينا ... انا كل فتره معرفتي بصديقتي ماتعلم عن مرض امي نهائي لاني ماشفتها من تخرجت من الكليه بس تلفون


نزلي موضوعي ابغى ردود ... ابغى ارتاح... لحد يقولي امك وبريها اعرف هالشي ... ابغى اعيششش اتزوج مثل غيري وارتاح... امي مريضه مرض متعب واخواني ماهمهم صارت بوجهي ومحد يبي يعالج وهي ماتبي تتعالج بس تهوووش...