السلام عليكم ورحمة الله وبركاته
تقبل الله صيامكم وقيامكم واعتق رقابكم من النار.......
كنت دائما افكر لو ان الحجاب مو واجب علينا........
ولو ان احنا حرات بدون ولي ولا مسؤليه من احد نطلع بدون اذن ونرجع بدون اسئلة ولا توبيخات........
ولو انه مسموح لنا سواقة السيارات كان ارتحنا من ترجي الرجال واستعطافهم علشان غرض والا طلعة وناسه ومرة نسمع نعم والف مرة نسمع لا وبدون نقاش........
واذا جاني هذا التفكير دائم اتعوذ من الشيطان واقول ربي مايفرض علينا شيء الا لأنه في مصلحتنا وخير لنا ........
شفت امس حلم غريب كل اللي ذكرته سابقا من امنياتي تحقق في الحلم......
شفت نفسي بمشي في الشارع بدون حجاب لكن كنت خايفه ومرعوبه ومامعي احد لا اب ولا اخ ولا زوج احس معه بالأمان كان فيه مجموعة شباب يلاحقوني يبغون يقتلوني ما اعرف ليش وايش السبب؟؟؟؟
كل اللي اذكره من الحلم اني كنت اجري من مكان لمكان وادور على مكان اتخبى فيه علشان احس بالأمان ماتتخيلون قد ايش الرعب اللي كنت احس فيه.
دائما احلم اني اسوق سيارة بس الغريب ولا مرة حسيت اني مبسوطه وانا اسوق دائما اشوف نفسي خائفه وانا اسوق ومرعوبه وابغى اوصل البيت بسرعه او اشوف احد يلاحقني وانا اسوق.....واكثر من مرة اشوف اني سويت حادث بالسيارة بس مايصير لي شيء بس اصحى وانا مفجوعه والله كرهت السيارة من هذي الأحلام....
الحمد لله الف مره اني مسلمه ومتحجبه ومسؤله من رجل يحميني بعد الله من كل شيء في الدنيا.
حمدت الله ان احنا مانسوق سيارات علشان لا نضطر نطلع لوحدنا وبدون محرم.
في هالزمن ماعاد في أمان وخروج المرأه لوحدها فيه خطر كبير عليها........
هناك في الدول الغربية المرأه عندهم حرة تسوي كل اللي تبغى وكل اللي نفسها فيه بدون لا حسيب ولا رقيب لكن والله ثم والله انها ابدا ماتشعر بالأمان اللي احنا نشعر فيه ولا حتى ربعه......
الإسلام كرم المرأه وحفظها وكتب عليها قوانين تحفظها وتصونها بعد الله وابدا مافيها اي تقييد ولا سلب للحرية فالحمد لله الف مرة على نعمة الإسلام.....
BSMAH90 @bsmah90
محررة ماسية
يلزم عليك تسجيل الدخول أولًا لكتابة تعليق.
شوق عطرى
•
الحمدالله على نعمة الاسلام
الصفحة الأخيرة