بعد هالموقف تعاتبينه او للضرورة أحكام؟

السلام عليكم
بنات انا بحكي لكم موقف صار معاي انا حاسه انه غلط بس ماني عارفه كيف اتصرف ابدا
ولا ودي اقول لاهلي او احد قريب عشان ماتصير مشكلة
اتصل علي زوجي بنص الدوام قالي ان ابوه تعبان في المستشفى ولازم يروحله
اهله ساكنين بمنطقة بعيده عنا واهلي بعد ساكنين بعيد عني واحنا لحالنا هنا ولا معارف ولا اصحاب
المهم انا اعتذرت من دوامي وسويت مشكله حسبت الموضوع مأساوي ورفضت مديرتي وقالت لازم تداومين
لان صاحبتي في القسم ماخذه اجازة ولادة وفيه شغل مهم مافيه احد غيري يغطي واحنا متفقين على كذا من زمان وزوجي على علم
المهم طلعت من الدوام وقالي ان ابوه استعاد الوعي وان حالته مستقره الحمدلله حاولت انه يأجل روحته يوم على الاقل ورفض تماما
اتفقنا اجلس بالبيت لوحدي واداوم مع سيارات الأجرة وجاب لي مؤونة هاليومين وهو سافر الله يستر عليه
هو عنده اخوان في نفس منطقة اهله وموجودين عند ابوه بالمستشفى يعني كلهم تجمعوا هناك
دبرت حالي اليوم ورحت الدوام بسيارات اجره وكنت خايفه بس الحمدلله ربي ستر المهم اتصلت عليه قلتله متى بتجي قال بكرة لاني راح انام بالمستشفى عند الوالد!!
قلتله اخوانك وين قال واحد راح عند اهله وعياله !! قلت ابوك بخير قال ايه بس يقولون يجلس يومين نقاهه فقط وحالته الحمدلله مستقرة
يابنات كل واحد من اخوانه ساكن جنب بيت اهل زوجته وراحو وخلو ابوهم وانا بيتي عن اهلي مسافة سفر
وهو بعيد عني واخوانه راحو لاهلهم وهو اللي مفروض يرجع مارجع!!
انا والله انقهرت من هالموقف واحس انه غلط كبير بحقي وتنازل الوم نفسي عليه قبل غيري
مع انها مو اول مره اجلس لحالي بس كان باختياري وبدون ارتباطات برا البيت يعني مافيه دوام ولا مضطره اطلع من البيت ابدا
بس بعد هالحركة من اخوانه وسلبيته المفروض يعطيني اولوية لان هم اوضاعهم اهون من وضعي وكلهم في نفس المنطقة تقريبا
هل يستاهل افتح الموضوع معاه والا هذي حالة طواريء وطبيعي الموقف وانا اللي ابالغ
مره أحتاج رأيكم لا تبخلون علي شوروا علي بالشور الحكيم