بنات قسم بالله احس بيجيني وسواس
قبل فترة توفى زوج بنت خالتي قسم بالله يابنات حالتها تبكي الحجر
حتى الاطفال والله بكوا على وضعها وهي كانت حامل بعد
هالحين مرت القحطاني الله يرحمة... نفاس وتركها وراح
بنات بالله ابي شي يقوي قلبي؟
وربي مااتخيل لو تخيل افقد زوجي صحيح يسافر يجي يروح
بس مااتخيلة يغيب عني شهوووور والا سنين
قسم بالله اكتب وانا ابكي ياربي ياصعب الموقف للي انحطت فية
يارب لاتجعلني اعيشة لو ثواني يااااااااااااارب
وربي من جد بنات ابي شي يقوي قلبي
يقنعني ان بأي وقت ممكن الله ياخذ روح اي انسان احبة
انا مااتحمل والله يابنات لو يتسكر الباب بقوة انفجع فجعه اجلس شوي اهدي على نفسي
انا مااتحمل وربي ماتحمل احس اني مو زي باقي الناس
كيف الله لايقدر لو تجيني مصيبة الموت
وش الشي اللي يقنعني عن الدنيا
ويخليني اواجة اي شي بقوة قلب
اختي زوجها يخليها تحضر اي عزى يصير بجماعاتنا سواء قريب او بعيد يقول لها علشان يقوى قلبك
انا مااروح الا لعزاء قررررريب مرا وفوق ذا اخذ ايااااااااااااام وشهور مانسى اللي شفتة بالعزاء
كيف اقوي قلبي يابنات كيف؟
عضوه عالم حواء @aadoh_aaalm_hoaaa
محررة ذهبية
يلزم عليك تسجيل الدخول أولًا لكتابة تعليق.
(نوووشه)
•
الله لا يفجعنا ولا يفجعك بغـــالي
ياحبيبتى اذا نزلت المصيبه من الله لاتجدي امامها الإ الإستسلام والرضا
الأيمان بالقدر خيره وشره
الإسلام هوالإستسلام لله
ليس فوقه شئ وليس تحته شئ
ليس بعده شئ وليس قبله شئ
كل هذا الإيمان يملئ قلبه فإذا نزلت المصيبه انزل الله معها عليك السكينه
الله لايفجعك بغالي والله يجعلنا من الصابرين المحتسبين
الدنيا زاااااله تذكري الأخره وما أعد الله لهؤلاء الأموات ان كانوا من الصالحين
والشهداء ماذا اعد الله لهم من منااازل لو إطلعتم عليها لفرحتم بما اعده الله لهم
واتمنيتوا ان كل ازواجكم شهداء
الصفحة الأخيرة