بعد وفاة جدي وظلم خوالي وخالاتي لاخوانهم

ودي اكلم مصلح اجتماعي او مصلحة اجتماعية يشوفون حالة خوالي عشان يشوفون وضع خوالي وخالاتي وينصحون الظالم والمفرط منهم
جدي( ابو امي) ميت من اثنا عشرة سنة او اكثر هو الله يرحمه كان متزوج ثنتين الاولى ام امي وتزوج عليها ثانية وجاب من الثنتين عيال وبنات وحق كل واحدة بيت مجاور يعني هم جيران وهو الله يرحمه عنده مزرعة فيها بقر وغنم وعنده بيت مأجره على ناس
يوم توفي الله يرحمه حالة خوالي الي من الثانية تدهورت اكبر ثنتين منهن خريجات جامعات بس قاعدات في البيت مو متوظفات ونفس الشي ولده الكبير الي من الثانية قعد عاطل سنوات بعدين الحمد لله لقى عمل له واختينه الكبار تزوجوا الحمد لله هم صراحة عانوا كثير بعد وفاة ابوهم حتى زوجته الثانية خالاتي الي من الاولى طلعوا عليها كلام مب زين الله اعلم بصحته انا ما صدقتهم صراحة تخيلوا ان حال خوالي الي من الثانية باستثناء الموظف(اكبرهم) يجون الاعياد وهم حاسرين الراس مع انهم كبار الي في الجامعة والي في الثانوي والي متوسط ما احد منهم يلبس شماغ في الاعياد اخواني وعمامي وخوالي من الاولى كلهم يلبسون شماغ اصلا في العيد ولا غير العيد
طبعا لو اتكلم عن حالتهم المادية صراحة مؤسفة اما خوالي الي من الاولى عايشين كويس عندهم اثنين من خوالي متوظفين وظيفة حلوة فماشي حالهم واذا زرناهم تشوفين سفرة شكبرها من القدوع والحلا والفاكهة ووووووو
ويشبون بخور ويوجبون الضيوف ويشكلون في الاكل خوالي الي من الثانية احيانا يقولون نبي دجاج بدون عظم تشوفون خالاتي ينطون ويقولون وش ذي الدلاعة ياكلون تبن الدجاج الي بعظم ايش فيه يعني كل ما طلبوا شي معين للاكل قاموا عليهم اما في اللبس لا تسألوني الله يساعدهم
عشان ذي الحالة المأساوية طلبوا خوالي من الثانية مع امهم الميراث تخيلوا من ١٢ سنة ما تقسم للحين
بعدين خوالي الي من الاولى هاوشوهم وقالوا لهم تنازلوا عن المطالبة ولا كل بيروح في طريقه طالبوا به اكثر من مرة بس كل مرة يتنازلون واصلا ما عندهم يلبسون شي عدل كيف يرفعون دعوة ويوكلون محامي
خوالي من الاولى يقولون المزرعة نافعتهم وان فلوس البيت المستأجر يصرفونها على المزرعة
ودي اكلم مصلحة اجتماعية تجي تذكر خالاتي بالله واذا تقدر تساعد مرة جدي وعيالها وضعهم مرة مو جيد