وسعي صدرك ودلعيها حبيبتي الله يرزقك اخوان وخوات لها يملون حياتك يارب ياكريم ولا عليك من الحريم وكلامهم كل شي يراقبونه👊دلعيها واستمتعي بدلعها الله يحفظها 💕😘

الحمد لله الله يخليها ويحفظها وتبلغين فيها عروس

حبيبتي من ناحية الدلع اشوف ان الاطفال انوااااع يعني شفت بعائلتنا اطفال مدلعين بس الصراحه ماعجبتني شخصياتهم يعني الدلع مأثر عليهم سلبيا بينما العائله الثانيه مدلعين عيالهم بس ماشاءالله مو مخربهم الدلع بالعكس اخلاق واداب ماشاءالله ...يعني كل وحده تعرف طفلها اذا دلعته هل راح يأثر عليه وعلى شخصيته بشئ حلو او بشئ سلبي وبيدمر شخصيته!!!

اختي مثلك قعدت8 سنين وبعد ها الله رزقها بولد وكانت جدا حريصة عليه بطريقة مبالغ فيها ودايم مخاصمه هيا وامي لاكن يحق لها جاها بعد صبر وكنا نعذؤها كثير لانها تعبت وهيا تتعالج وبعدها بسنيتن رزقها الله ببنوته ماشاء الله وصارت عادي ورجعت لطبيعتها وخفت عن حركاتها الي كانت تنرفزنا كثيررررههههههه
بس الي انتي فيه طبيعي لانك عانيتي وحملتي بعد اعب وفقدان امل عشان كذا صرتي حريصة وتدلعي بنتوتك بس فترة وتعدي ان شاء الله وربي يرزقك بتوام غيرها ويرزقك برهم ويصلحهم يارب

الله يحفظ بنتك يارب و يرزقك بأخوان و أخوات لها ..

شوفي ياقلبي الدلع الزايد أحيانا يكون مؤذي للطفل و يسيء له في بناء شخصيته ..

هل هدفك انك تنشئي طفلة مستقلة بذاتها نافعة لأهلها و مجتمعها ؟ و الا هدفك انك تنشئي طفلة تعتمد عليكي في كل شيء و ذات شخصية مهزوزة معتادة على تلبية طلباتها و تسيء لمن حولها ؟

مثلا لو طفلتك غلطت على أحد كبير و جيتي انتي ودافعتي عنها بدون ما تفميها الصح من الخطأ كذا انتي نميتي فيها طبع التطاول عالآخرين و راح تستقوي بوجودك ..

و بالتأكيد هذا طبع غير مرغوب و راح يسبب نفور من حولها ..

مثال ثاني كل ما بكت نفذتي رغباتها و ان كنتي غير موافقة كذا تتعلم ان البكاء نقطة ضعفك و تستخدمه في كل شي ..

الخلاصة : ربي بنتك بدلع و حزم في نفس الوقت بشكل ما يأثر على تنشئة طفلتك ..

ثقفي نفسك بطرق التعامل مع الأطفال عن طريق قراءة الكتب أو الاطلاع على مقاطع اليوتيوب ..

فيه كتاب حلو اسمه تنشئة عقلية الطفل لدكتور عبدالكريم بكار << اذا ماني غلطانة في اسم الكاتب ..

شوفي كتب سوبر ناني ..

و الله يعينك يارب على تربيتها بالشكل السليم ..