قالت مبروك المدام حامل
هو قال الحمد لله والشكر لله اللهم لك الحمد
شفتي يارحمه ربي رحمك وعوضك
وانا شغاله بكي
قالت بس في شي بقووله لكم
وشو ؟
قالت السكر
السكر له اثار كثيره على الجنين ولازم الان اعطيك تحويل على قسم الباطنيه ولازم تنويم
رحنا الباطنيه ونوموني ونظمولي السكر
واعطوني بدال الحبوب ابر انسولين
بعد اسبوعين رجعت لدكتوره وسوت لي سونار وسمعتني صوت قلب النونو
يووووووووه هنا بطير من الفرحه واتذكر امي رحمة الله عليها نفسي انها عاشت فرحتي
رحت البيت قلت لزوجي بعلم اخواتي واخواني بحملي
قال لا انتظري
والله انتظرت ولمن دخلت الشهر الرابع علمت اخواتي وهم قامو بالمهمه نشرو الخبر
بس فيه ناس ماصدقت اني حامل بعد هذا العمر
تم حملي ولله الحمد بعد جهاد وعلاجات لسكر وحميه وتخويف الدكاتره الجنين فيه وفيه
مرت الشهور مثل السنين
بدئت احس بحركة النونو ببداية الرابع مثل الغازات كذا او الرعشه
ومومصدقه
رحت لدكتوره وورتني هوه يتحرك ببطني يلعب وحواليه مويه
وتذكرت فرحت زوجي الاول لمن شاف ولده يتحرك ببطن امه ولمت نفسي اني انقهرت وبكيت ليه مافرحت له؟؟
اخيرا حسيت بالشعور اللي يحسون فيه الحريم
اللهم لك الحمد يارب
بدا بطني يكبر وفرحتي تكبر معاه
بديت اشتري ملابس حمل اللي طول عمري امر من جنبها واقول الله يعلم هل بيجي يوم البسها؟
بدا بطني يكبر زياده
اوقف على الغساله ابي اتوضا واطالع في بطني مو مصدقه انا سرت كذا؟
اطالع في بطني قدامي وصارت حركات النونو تبان
اجلس على الكنبه واطالع ببطني واحمد الله
كنت اطالع بالحريم اللي حوامل واقول كيف؟؟
كيف يحملون ياربي؟
كيف يحسون في شي ببطنهم يتحرك ؟
انا الحين سرت مثلهم
اتذكر مره شفت حرمه شحاذه بالشارع حامل تطلب فلوس وكان يدور ببالي اقول كيف حامل هذي كيف؟
حتى الشحاذين يحملون وانا لا
استغفر الله العظيم بس من كثر مافي قلبي من حزن وشغف للحمل
بديت اجهز لنونو من يوم قالو لي ولد بالشهر السادس
الله مو مصدقه
اخيرا سرت ادخل هذي المحلات حقت الاطفال واشتري وانا واثقه
الف حمد وشكر لك يارب
كانت هذي المحلات ممنوعه انيادخلها بس اطالع من برا فيها
كنت ما اصدق وحده تولد واقول لزوجي يلا نجيب لها هديه بس عشان ادخل محل الاطفال واجلس اتفرج واتخيل انياجيب هذي الاغراض لولدي او بنتي المنتظر
الحين اشتري وانا فرحانه
جهزت كل شي لنونو وجهزت لي انا بعد اغراض لنفاس
دخلت الشهر التاسع جلست 3 ايام بس وقرر لي عمليه الدكتور استشاري
قال البيبي بدا يكبر وانتي معاك سكر وكمان حمل عزيز لازم نخرجه قبل لا يصيبه مضاعفات
هنا بديت اخاف مو على نفسي لا والله على ولدي
هل بيطلع طيب وبخير؟
هل بيطلع سليم مافيه اعاقات؟
في 22\8\1428
هذا اليوم اللي لن انساه هو يوم ولادة ولدي (سلطان)
رزقت بطفل جميل
اللهم لك الحمد والشكر يارب
ربي عوضني في زوجي الاول وصبري
ربي رحمني في رحمتي لهذا الشايب اني وافقت عليه وهو مريض وبدون زوجه
ربي كتبلي الحمل في هذا السن وبعد 28 سنه زواج
26 سنه زواج من زوجي الاول
وسنه وحده فقط من زواجي بزوجي الثاني
انا كتبت قصتي لكم للعضه والعبره
وان الرزق يجي اذا ربي راده
لا ضعف تبويض ولا تكيس ولا انسداد انابيب
انا ماحطيت ببالي ولا واحد بالميه اني احمل ولا اجيب طفل
لا تقنطو من رحمة الله
ربي رحوووووووووووم
رحوووووووووووووم يابنات
اتمنى من الله عز وجل ان يصلح سلطان ويخليه لي ولابوه الشايب
الحين عمر سلطان حبيبي سنه وشهرين ربي يحميه
ابوه عمره 65 سنه وامه عمرها 48 سنه
سلطان غير حياتي فديته
مستنية ردودكم

القصة أثرت فيني بشكل مو طبيعي،ما ادري كيف قدرت امسك دموعي و انا اقرأ بس ضعفت و انا أكتب هالكلام،تخيلوا شكلي و الماسكارا و الكحل سايحين😂😂😂

شعور حيل جميل😭😭

ربي يحفظه لها ويبلغك فيه معرس
الحمدلله رب العالمين
يرزق من يشاء بغير حساب بعد الصبر حيل حيل مقدر شعورها لأني متاخره عن الحمل حيل حيل فرحانه لها وطايره من الوناسه ربي يرزق كل محرومه يارب

الله كريم وماينسى عبده ولعله خيره لها

سبحان الله 😭😭😭
والله العظيم اقرأ وقلبي يدق والله أن الله رحيم ربي عوضها بعد هذا الصبر ادعولي بنااااات ربي يرزقني ويرحمني ويعوضني صبري والله كل ما تحمل وحدة من صديقاتي قلبي يتقطع أفرح لها بس اتحسر علي نفسي
أمانة أمانة امانة امانة بناااات تدعو لي ربي يفرح قلبي والله إني مقهورة ومنتظرة الفرج من الله

وهوه عليه هين سبحانك ربي ماعظمك🥺الحمدلله الله عوض صبرج وخذيتي اجر الشايب