السلام عليكم ورحمة الله وبركاته
بنات موضوعي وبالمختصر :
انا تزوجت زوجي عن طريق اخته كانت متزوجه وساكنه بجنب بيتنا واهله كانوا من منطقه ثانيه بعيده شوي وما كنا نعرفهم ابدا المهم يوم جاء يخطب كان يدرس ف الكليه وباقيله سنه ويتخرج بعدين اهلي اشترطوا عليه سكن خاص داخل بيت ابوه مدة سنه يعني مدة دراسته وبعد ما يخلص ويشتغل نطلع ف سكن مستقل طبعا هو وافق على الشرط وسوينا العقد وفترة العقد فنشوه الكليه لانه رسب كم مره واصر ان موعد الزواج ما يتغير وانه راح يشتغل وكان مقدم على اكثر من وضيفه المهم تزوجنا وسكنت عند اهله ف غرفه وصاله صغيره وبيتهم شعبي بس واايد مزحوم لان ابوه متزوج حرمتين وكل وحده عندها ماشاءالله فوق ال10 و2 من اخوانه متزوجين ف نفس البيت وعندهم عيالهم المهم مجتمعهم وعاداتهم كانت مختلفه جدا عن مجتمعنا وعاداتنا ولبسنا وحاولت اتاقلم واصبر وماتكلمت ف موضوع الشرط وعدت السنه وعدت السنتين والمشاكل قاعده تكبر وتزيد ما اريد اذكر المشاكل لان المشاكل يبغيلها ايام من كثرها وكل ما واجهتني مشكله كنت اسكت وما ارد على اي حد احتراما لزوجي حتى لو كان الغلط منهم وزوجي شخصيته وايد ضعيفه عمره مادافع عني او وقف معاي مع انهم غلطانيين وصبرت وتحملت وقمت اقنع زوجي نطلع من البيت وكان ف كل مره يتهرب من الموضوع واذا اصريت يقعد يكذب ويوعد وعود كلها اوهام في اوهام لين كملت 3 سنين واحس اني خلااااااااااااااااااااااااص مو قادره اتحمل حتى اشوفهم وصارت نفسيتي جدا مدمره وكنت بعدني احاول فيه هو دوامه شفتات ف كل ما يروح الدوام انا اقعد عند اهلي وفي اخر مره راح فيها الدوام وانا كنت ف بيت اهلي اتصلت عليه تلفون قلتله رحت راجعت الدوام بخصوص بدل السكن ؟؟ قال انا يوم بروح بروح بكيفي ما بتتشرطين علي قلتله اذا بنتكلم على الشروط انا شرطت وانت عطيت الرجال كلمه والمفروض تكون قدها وقلتله لو وحده غيري من اول سنه بتقولك وين البيت وبتسويلك مشكله قال انا بطلعلج البيت بس قبل لا اطلع البيت ابغاج تروحين المحكمه انتي واهلج قلتله عقب هذا كله تبغيني ادخل محاكم قلتله انا بنت عرب وقبايل وطريق المحاكم انا ما اعرفه واذا انت مشكك ف الشرط روح انت وسكرت ف وجهه التلفون وقعدت يومين ما ارد عليه بعد مانزل من الدوام جاني عند اهلي واستقبلته احسن استقبال وماتكلمت ف الموضوع وقلت خلاص يمكن هو كان مضايق من شي وما يقصد وتعشينا مع بعض واتفقت معاه اني اقعد ف بيت اهلي لين ما يخلص امور الشغل ويعطونه بدل سكن ونطلع من البيت وقلتله ف هالفتره بدرس اي سي دي ال ومدتها شهر وقلتله ف هالشهر انت راجع وخلص امور البيت كان متردد بس تم ساكت وانا تميت مصره على القعده ف بيت اهلي قلت لازم احط حد للموضوع اذا تميت اروح بيت اهله ويوم يداوم ارجع بيت اهلي هو عادي عنده بيقعد على هالحال وانا اللي تعبانه ومشتته المهم ثاني يوم رحت المعهد وسجلت واتصلت خبرته بالمعهد قام عصب قال انتي بدون شوري تسجلين وكيف بتقعدين شهر عند اهلج قلتله سواء دخلت المعهد او ما دخلت انا مب راجعه يعني مب راجعه واذا انت مستعجل علي وتبغيني روح عجل موضوع البيت واول ما توقع عقد ايجار انا برجع وبرتب اغراضي قال كلام يوصلج ويتعداج اذا يوم السبت ما رجعتي مع خالج لاتزعلين من اللي بسويه قلتله يعني شو بتسوي بتطلقني ؟ تم ساكت قلتله والله لو على موتي ما رجعت واذا انت ما بين ف عينك كل اللي سويته على شانك وتجازيني بتهديد على اخر هالاحسان مع السلامه وبندت ف ويهه وكنت اصيح وانا اكلمه قعد الحين 3 ايام لا اتصل ولا سال عن بنته ولاشي واول مره يسويها ..
ثاني يوم امي دقت على اخته وقالتلها تعالي وخبرتها عن كل المشاكل اللي صارتلي ف بيتهم وشكثر انا انظلمت ومسكينه وقفت معاي وقالتلي انتي رجعي وخذي حقج بالاول وصفي خاطرج وبعدين اذا تبغين تطلعين براحتج بس قعدتج ف بيت اهلج مو حلوه وبتيبين لعمرج الكلام وبيكرهونج بعدين
لكن انا ما اريد ارجع لاني صدق ما اريد اشوفهم ولا اريد راسه يكبر ويقول يوم هددتها رجعت ويقعد يعيشني ف تهديد طول العمر وبعدين انا سجلت ف المعهد ودفعت فلوسه وما بيرجعونها
والله محتااااره واااااايد ومو عارفه شو اسوي ...
al3thab272 @al3thab272
عضوة نشيطة
يلزم عليك تسجيل الدخول أولًا لكتابة تعليق.
بصمة عطر
•
الله يفرج همك ويصلح شانك يالغاليه
ماعليك تصرفك صحييح وماطلبتي الا حقك
لو صبرتي وجلستي عنده اهله صدقيني بتجلسين طول عمرك
خليه بتحرك ويضغط على نفسه ويدبر امووره ...كل الرجال مرو بضرووف وتحملووو
المشاكل ودبرو زوجاتهم وعيالهم ....خليك على رايك ......
لو صبرتي وجلستي عنده اهله صدقيني بتجلسين طول عمرك
خليه بتحرك ويضغط على نفسه ويدبر امووره ...كل الرجال مرو بضرووف وتحملووو
المشاكل ودبرو زوجاتهم وعيالهم ....خليك على رايك ......
الله يفرررج عليك وعلى كل مسلم بصرراحه حنا ماندري ايش نوع المشاكل اللي مريتي فيها عشان كذا مانقدر نحكم
لكن الله يسهل امرك ويزح همك يا اخييتي
لكن الله يسهل امرك ويزح همك يا اخييتي
الصفحة الأخيرة