السلام عليكم ورحمة الله وبركاته
بنات ادعولي يعلم الله إني في ضيق وفي حاله ما يعلم بها الا ربي ..
زوجي قال لي انتي طالق بالثلاث والطيارة توها تنزل المطار ...متخيلين الموقف...وانا مش مستوعبه الموضوع ..واساله في المطار انت طلقتني؟!!! قالي لا لماحس اني ممكن انهار ولما ركب السيارة قال اناطلقتج والله يسعدج في حياتج وانتي مافيج شي يتعيب غير عصبيتج ...
الحين عقب 4 سنين انا عصبية ؟!!
بعد ما صبرت معاه ووقفت معاه يقول لي الحياه معاج لا تطاق؟ بعد ما كمل دراسته وعاش سنتين بالغربة صرت ما استاهله ؟!!
ما حشمني يا بنات ولا حشم اهلي ؟؟أبوي لما سمع بالموضوع قال انا لله وانا اليه راجعون
واخواتي انصدموا معاهم حق فرحتهم قليلة ..في هالدنيا وانا لين الحين مو مستوعبة من الصدمة...
أهلي ناس طيبين عمرنا ما طالبناه بشي بحكم عمله انا عايشة عند اهلي وحتى مصروفي من راتبي مااخذ منه شي
اخوي يبيني ارجع لخاطر امي واختي اللي عرسها بعد شهرين ...أما أنا قلبي مجروح منه ...
كيف هنت عليه..كيف؟!!وانا تحديت اهلي وخذيته؟!!
ماقدر انساه يابنات ماقدر كل شي يذكرني فيه الشارع ...السيارة...الموبايل ..حتى التلفزيون..ملابسي الجديدة اللي اشتريتها له بعدي ما لبستها..
أذكر كلامه الحلو..أذكر ريحته وأنفاسه..أحبه أكثر عن نفسي يعلم الله في حياتي ما أذيته وإني متحملتنه ...لكن موقف واحد دمر حياتي ..وهو اني طلبت منه انه ما يدخن وانا معاه او يدخن بعيد عني...تخيلوا يابنات تنامون وتصحون وتتغدون وتتعشون على دخان...انا قمت من نومي مزاجي متعكر بسبب الدخان وبسببب الدورة وقررت التزم الصمت وقام يتحرش فيتي ويتلفظ علي بالفاظ علشان يثير غضبي وانا ساكته...لدرجة انه اذا رحنا مطعم وطلبت يطلع برا المطعم لين اخلص اكلي...وانا طبعا انحرج وما اكمل لاني ماشوف حد قاعد بروحه عالطاولة غيري...
حاولت اعتذر منه قبل لا انام ..قام وفرش له على الارض وقال لي القلب ميت...بسبب شو؟!!الله اعلم..
والحمدلله ان كانت اخر ليلة لنا في السفر... واحنا راجعين المطار يسال السواق عن بنات الليل والتسعيرة..ما احترمني ولا حشمني..هني انا عصبت عليه وقلت له استح على ويهك انت ريال كبير على الاقل سو لي قدر جدام هالسواق الاجنبي..في المطار هدني بروحي مثل التايهه اتمشى في السوق ولاول مرة يعطيني فلوس وبقول لي روحي اشتري لاخواتج ...اشتريت ولما ركبنا الطيارة 6 ساعات ساكتين وكنت اصحيه لما تجي الوجبات..وكان ياكل بشراهه..ولماحطت الطيارة في المطار قالي وين تبيني اطلقك في الطيارة والا عند ابوك...قلت له كيفك...قال اذا تبين الحين بطلقج...قلت له عادي عندي....قال لي انتي طالق بالثلاث..طالق بالثلاث ..طالق بالثلاث..
آآآآآآآآآآآآآآآآآآآآآآه تمنيت الارض تنشق وتبلعني حسيت بدوار حسيت اني في كابوس..والغريب اني شفت نشوة غير طبيعيه في عيونه كاني هم وانزاح...حسيت بذل واهانه ..حسيت بجرح كبير في صدري...ياليته طلقني غيابي ولا قالها في ويهي...
وربي اني انام وأصحى على هالكلمة ....
أمي تعبانه..أخواني تعبانين وخواتي حالتهم حالة...وانا مب عرفة كيف اقابل الناس..
حسبي الله ونعم الوكيل...يارب ان ادرى واعلم بحالي مني...يارب الهمني الصبر والقدرة على نسيانه يا كريم..
ناطة لي عصبة @nat_ly_aasb
عضوة جديدة
يلزم عليك تسجيل الدخول أولًا لكتابة تعليق.
ادعي اللهم اجرني في مصيبتي واخلفني خير منها ,,,,,,,,,,,,,
ايش دعوى دخان ويالله الواحد يسكت عليه
بنات الليل ؟؟؟؟؟ قويه ................... ربي فكك منه
قولي الحمد الله
انا زوجي لما وداني عند اهلي كنت اصيح ..... لانه طردني بالقوه .. الا هو جالس يغني بالساره ورافع صوت الاغاني من الوناسه شفتي القهر .....والله من بعد ماشفت الموقف هذا صحيت على عمري حسيت نفسي عايشه مع بزر
انتي معليش بتكونين مصدومه الفتره هاذي
ورح تتضايقين
بس والله ..والله ...والله .. انا اظمن لك بتحسين براحه مو طبيعيه بعد الي صار سبحان الله لان كل شي خيره من رب العالمين
استغفري كثير
وكل ماحسيتي بضيقه قومي صلي
خلي احد ياخذك مكه وسوي عمري وان شاء الله ربي يعوضك
ايش دعوى دخان ويالله الواحد يسكت عليه
بنات الليل ؟؟؟؟؟ قويه ................... ربي فكك منه
قولي الحمد الله
انا زوجي لما وداني عند اهلي كنت اصيح ..... لانه طردني بالقوه .. الا هو جالس يغني بالساره ورافع صوت الاغاني من الوناسه شفتي القهر .....والله من بعد ماشفت الموقف هذا صحيت على عمري حسيت نفسي عايشه مع بزر
انتي معليش بتكونين مصدومه الفتره هاذي
ورح تتضايقين
بس والله ..والله ...والله .. انا اظمن لك بتحسين براحه مو طبيعيه بعد الي صار سبحان الله لان كل شي خيره من رب العالمين
استغفري كثير
وكل ماحسيتي بضيقه قومي صلي
خلي احد ياخذك مكه وسوي عمري وان شاء الله ربي يعوضك
عجزت لااقول ولاكلمه خلاص الكلام ضاع
الموقف جدا صعب
مااقدر اقول الا الله يوفقك بحياتك ويسعدك ويحقق لك كل ماتتمنينه يارب
الموقف جدا صعب
مااقدر اقول الا الله يوفقك بحياتك ويسعدك ويحقق لك كل ماتتمنينه يارب
منفرشه :
ماتدرين الخير وين بيكون..والحمدلله على كل حال..أنسيييييه..وعيشي حياتك.ماتدرين الخير وين بيكون..والحمدلله على كل حال..أنسيييييه..وعيشي حياتك.
ياختي انتي تقولين إنك تحديتي أهلك واخذتيه
!!!!!!!!!!!!!
لا وأكيد إنك كنتي تعرفين إنه مدخن
!!!!!!!!!!!!!
عاد تحملي
الله يهدينا وياك
!!!!!!!!!!!!!
لا وأكيد إنك كنتي تعرفين إنه مدخن
!!!!!!!!!!!!!
عاد تحملي
الله يهدينا وياك
الصفحة الأخيرة
ما عليه حسافة
واحمدي الله اللي خلصك منو ...وأكيد ربنا كتب لك الخير
الله يعوضك بالزوج الصالح لأنو أهم شيء في الزوج صلاحه