بعد 6 اشهر ..طالبة مساعدتكم

السلام عليكم
مبارك عليكم الشهر وتقبل الله طاعتكم


بنات الرابط الي فوق موضوعي السابق قبل 6 اشهر تقريبا


طبعا انا ما واصلت بالموضوع ولاكتبت اخر المستجدات اللي صارت معاي ..لاني دخلت بحالة صعبة وسيئة جدا وماقدرت اتواصل معاكم هني ...


للي قرا الموضوع وشاف اخر ردود لي يوم بدا خطيبي يتكلم معاي ببرود وماعارفة شكان يفكر فيه ...عقب ماكتبت لكم اخر الردود بيومين كلمني وكان باقي له شهر ويخلص معسكر ..قالي الله يوفقك وننفصل من الحين افضل انا انصدمت وقلت له ليه وقلت له الي صار مايستاهل كل هذا ..قالي انتي كل مرة تختلقين مشكلة وماتعرفين متى تفتحين معاي المواضيع وماتفكرين بعقلك ..ولازم تسوين لك مصيبة بعدين ترتاحين ..وبصراحة كرهتيني بالزواج كله ...قلت له اللي صار كان سببه الضغط وانت بعد كنت مضغوط وكل شي بيتصلح ...قالي لا يابنت الحلال خلاص روحي بدربك وانا بدربي ولا عاد تتصلين فيني .. قلت له اللي يريحك لكنك بتكون ظلمتني بس بسوي الي تبيه وماراح اهين نفسي اكثر


وانفصلنا ..ومرت 4 اشهر من انفصلنا..حاولت بكل معنى الكلمة ان اكون قوية وما افكر بالموضوع واعيش حياتي


اللي خلاني اكتب لكم الموضوع ..قبل كم ليلة بالليل كنت ادعي ربي ان ينزع حبه من قلبي ويريح بالي وكثير دعيت ربي وافضفض وانا ابكي من الضيقة


يوم ثاني بالليل ع الساعة 1 الليل جاني مسج برقم غريب ...مكتوب فيه انا فلان ..خطيبي السابق ...انا تفاجئت قمت اقرا المسج مرة مرتين ثلاث وماعرفت اتصرف ولا وش اقول ..ونمت ...يوم الي عقبه قمت افكر ..ان معقول يكون هو ؟ ومافي احد اعرفه بهالاسم غيره بس طيب ليه بيكلمني برقم ثاني وغريب ...سيفت الرقم ورحت اشوف له واتساب ولا لا بس مافي ودخلت الرقم ببرنامج النمبر بوك ماله اسم
رحت اشوف ارقامه الي عندي كلهم فيهم واتساب وشغالين ويطلع لي اخر ظهور له ..
السؤال كان الي محيرني ان ليه ماكلمني دايركت على الواتساب من ارقامه القبلية للعلم انهم شغالين وشغته اونلاين وقتها


قلت اقطع الشك باليقين وطرشت للرقم ..هلا من ؟ ...محد رد ...يوم ثاني قلت اتصل ع الرقم واشوف من يطلع لي مغلق مرتين


والحين يابنات متحيرة ...احساسي يقولي هو ..اختي تقولي كلميه واتساب بارقامه القبلية وكتبي له ليه مطرش مسج ووش تبي ؟


وش رايكم بنات ...هل ممكن يكون اشارة وفرصة لي ؟ واكلمه واتساب واشوف وش يبي؟ وسبق قلت لكم هو من النوع العنيد والمكابر مايتنازل ابدا حتى لو يبي الشي ويحبه




شورو علي

والله ﻻتراسلينه وﻻ تدقي ...

ادري بيجيك فضول بتعرفي منو اللي يرسلك واﻻكيد هو .. لكن ياعمري قسمه وانتهت وبقرار منه هو ... اذا عنده شيء بيرسلك من رقمه اﻻساسي ليش يبي يتﻻعب بك وباعصابك ...انسيه وﻻتتصلين بالرقم الغريب حتى لو لقيتي مليون اتصال ورساله منه ... ياختي بعضهم شكاك ويبي يشوف ردة فعلك فانتي اسحبي حالك من البدايه .... اسال الله ان يعوضك خيرا ...

الله يهديك لا اتصلي على الرقم و لا تراسليه
الحمد لله انفصلتوا من البدايه لا عيال و لا شيء مشترك بينكم و هو اللي اختار الانفصال
فرضا واحد وده يخطبك و يبي يتأكد منك قبل الخطبة
حتى لو كان هو وارسلك من رقمه المعروف بيت اهلك يعرفه ماله داعي يرسلك
نصيحه اتركي الموضوع كله و الله يكتب لك الخيره

يياااااربي شهاالتفاهه اللي في بعض الرجال
ياخي اذا ماتبي البنت خلك واضح من البداية أما تختلق سبب تافهه مثل وجهك عشان تنفصل حرام والله
ترا الظلم ظلمات يوم القيامة
شوفي ياقلبي اهلج ذكروني باهلي يوم الخطوبة كانوا يحنون علي اني مااخر الزواج وانا نفسج اروح انقل لزوجي بس الحمدلله كان متفهم
مو عن يبون الفكه بس احنا ضد الخطوبات المطوله وأهل زوجي مقتدرين وجاهزين بس هم كذا من النوع اللي الخطوبة سنة
لا احنا ماينفع عندنا كذا إلا للضرورة لو كان مبتعث أو زي حال زوجج معسكر
انا ماالوم اهلج بس المفروض يقدرون ظروفه
بعدين الأخ واضح نفسيه سلامات احسه من كلامج كله معصب ومنفس وأنتي مبين عليج طيبه وراخيه معاه
عموما دام هو اللي قرر الانفصال وطبقه
مالج ياقلبي إلا الدعاء
وباالنسبة لرسالة خلاص يكفي ارسلتي منو يعني لو هو بتكون وصلت له الرسالة غير كذا ماانصحج تكلمينه على ارقامه الثانيه ادعي ربح لو كان خير لج يرده ولو كان شر يعوضج بسي سيده
وانا اقول حسبي الله ونعم الوكيل على اللي يلعبون ببنات الناس
أقسم بالله مايضيع حق عند ربي انتي مظلومه ياقلبي والقرار اللي اتخذه في من غير مبرر مقنع تحسبج ربج وهو كفيل بتعويضج

طنشيه ولا تردين عليه